Lukas 9:51 - ALA WENE HIVIS DIRUP WATUGWA

⁵¹ Andien, hivis At Yesus mbogot vaga wolok dagaup vage vanggo yi wagya lagagimu, Yesus o Yerusalem laup yiluk, endawi ambi mbugulik dugwit,

Lukas 9:51 Iomraidhean Croise

Markus 16:19

Yugirigya lagagimu, Nenowa Inis Ombok Yesus ako, At Ala en wolok mbogot vaga ba inggya lagagimu, At inggis amotkan hora yagagi.

Lukas 12:50

Avakwa ima wombabiselagwi hak An anggin-mbanggin okbanup yiluk agirik ovara, wotok erogo okbanup hudi ao atma, nendawi mondok anggin adigat okneraliga.

Lukas 13:22

Andien, At Yesus ako o Yerusalem lagya dugwit, o kota ombokma inim, o madukma inim, ambima nonggegek ogarit lagya dugwit, wene mamuleregek lagagi.

Lukas 17:11

Hivis ndugwis ambi vaga At Yesus o Yerusalem lagya dugwit, o Samaria wombalhegek, o Galilea ilik hegek, sup ilim vaga lagagi.

Lukas 18:31

Yugirigya lagagirik, andien, ap 12 ako woginiviluk enadikmu ari lagu lagagwarik, it yugirigya dugwit, “Avyak yoma wai! Nit o Yerusalem dagasagwi. Dagasagwi atma, it ap Ala yugirigya hegek yugurugu lagagwa navi-navi en An Ap-At Endaklagagis okbanup dirup watugwa ako ovok erogo andoma en atma des iri hasogom.

Lukas 19:11

It avakwa ako enaruk hunggusigik, Yesus en wene wakhegek ambi yugeragagi. Andi, At Yesus o Yerusalem vage horok ari wagya lagagimu, it avakwa en “Ala avema bisaligama mbikit sigam arisogon ai,” umbutwi ako yedok inigu lagagirik, wene wakhegek yi yugeragagi.

Lukas 19:28

Yesus en wene andi yugirigya lagagirik, At endak o Yerusalem lagyama, ane welagwi menda inim lagu dugwit,

Lukas 24:51

Adenggen enovaga ao bugu hegek, At eyave wolok mbogot vaga inggya hagagwa.

Lukas 9:57

Suvaga lagusim, ap ambien Yesus yugugu dugwit, “Hat nggoma laup imbita heyalok, an niperenat nagu dogosogom o.”

Yohanes 13:1

O hup heveret Isogo Ombok Vasika vage isaruguluk ogagusigik, At Yesus o wen vaga yoma hekbaluk, Asin adema laup vage horok ari wandiga ilup welagagi. At aburi inim o wen vaga nagu lagagwa ako, endawi hunik oginipu lagagirik, yogak mondok endawi hunik wisane oginivisiga inilup arupwak yiluk, ogagagi.

Yohanes 16:28

An Nasin werekma en o wen vaga yoma wambu wagagis. Eke, yogak An o wen vaga yoma hekbaluk, Nasin adema layogon o,” yiluk, yugeragagi.

Yohanes 16:5

yogak andi, At lakbani wagagi ako adema lagya dugwit, yukheraliga. Yukhirigya neyagek ovara, hit ambi en, ‘Hat nggoma lami?’ yiluk, yuknigitek-at agipik.

Yohanes 17:11

An o wen vaga yoma ambi inim dogosogonbuk. Yogak An hadema wandiga ovara, it haburi yi andi, o yoma-at dogosogom. Ai, Nasin! Hat mondok sek adik denek agindik. Hat ninim nenendawi ambiat agurik. Anderogo wane-wane, it Haren woknigigin ako enendawi ambiat dogopwak yiluk, Hat malenombogo dogwen. Hat hinis ombok dugwit, hanye vaga okbaninggigin ako vaga haburi yi, malenombogo dogwen.

Yohanes 6:62

An Ap-At Endaklagagis welagagirikmu neyami vaga inggya hinil neyagu dogomundik, hit henendawi nggarogo nombarugup.

Lakbogogi Wene 1:9

Wene andi yugirigya lagagirik, inil iligik inigik, wolok inggya lagagimu, hena anggelekma en hwilagagi.

Pilipi 3:14

Keretus Yesus ogagagi vaga At Ala niperen mbogot vaga dogogiluk, nayonggo baninggigi ako adigat nelokwe amor-amot okbaluk hupuk-at, amusek landiga o.

1 Timotius 3:16

Ala wene wokbaluk nenendawi eve vaga ogarit lagu dogop wene mbauk hwilago welagagi ako mondok iya aro. Andi, “At ap-at ari wagya lagagimu, ‘Yi Ala abut,’ ombarupwak yiluk, Averiniki en sigam okbagagi. Sigam okbagya lagagimu, it malaikat en At eyave inil hugwi, At awene it weram Yakuri dek menda werekma yugeregek lagwi, It ap yi awi ndi awi ‘Yesus Ala abut avyarat ai,’ umbutwi, ogagu lagagwama, o segedokma abinak adigat agarikmu wolok inggigi o,” yiluk, yagalagwi menda ako mondok avyarat higyo.

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.

Iberani 6:20

Eke, At Yesus ako andi, ap Melkisedek ogagya lagagi ako ndatak, ap Imam Inis Ombok mondok-mondok dogopwak yiluk, enogo mondok okbagagi atma, nit hivis nungguguluk, At endak nenake sup yarit nonggagagi agarik.

1 Peterus 3:22

At eyave iluk akluk, mbogot vaga inggya lagagirik, Ala inggis amotkan horaik dugwit, it malaikat inim, it enanye werek o ilim yenam agarwik inim, yi madis ndi madis inim, At avema sovabigigirikmu agarwik.