Lukas 9:48 - ALA WENE HIVIS DIRUP WATUGWA

⁴⁸ it ako yugirigya dugwit, “At ambi henanggelekma mondok sovalek agarik halok andi, at ap ombok adigat agarik. Anderogo atma, ap ambi An ninis vaga at avyak yi, waliga halok andi, Anat wokneraliga, eke, An wokneraliga halok andi, At lakbani wagagi ako waliga o,” yiluk, yugeragagi.

Lukas 9:48 Iomraidhean Croise

Matius 18:10

Yugirigya lagagirik, ambi inim yugirigya dugwit, “It avyak maridugi inadigetap enomalaikat agarwik akoen An Nasin mbogot vaga menda adema mondok-mondok vagalogo yugisagwi atma, hiren avyak maridugi yi, meyan henanggon inimbutu hinisaoen, henendawi dibagu dogones. [

Matius 18:14

Anderogo wane-wane Henasin mbogot vaga menda endawi imbita dugwit it avyak mariduk yi andi, ambiat ogo yelemele yup mondok anggon ombasiga o,” yiluk, yugeragagi.

Matius 19:28

Yugugu lagagimu, Yesus en, “Hit An ninim nelagwi yi, hivis yi menda ndi menda swi ogagya hegek, An Ap-At Endaklagagis ako, nabinak vaga wene yugeraligama akoma horaik neyagek, hit ogo wene yugurugu dogopim 12 akoma horaik dugwit, avakwa Iserali menda ininis unggul 12 ako enowak dilinipu dogogup.

Matius 25:40

“Iren, yuknugu dogogupmu, An neve ninis ombok akoen it ako yugirigya dugwit, ‘Dek o. Hiren An naori maridugi ininis dek sovalek menda oginipugup ako andi, Anat okbanunggugup o, yiluk, avyarat yukheraliga,’ yugeragwis.”

Matius 25:45

“Yuknugu dogogupmu, Anen it yugirigya dugwit, ‘Dek o. Hiren it ap maridugi ininis dek sovalek menda yi, anderogo oginipitek welagagup ako, Anat okbanenggetek welagagup o,’ yiluk,

Markus 9:37

“Hit saen at avyak yi hak, An ninis vaga wugu hiniselok, Anat woknerelagwi. An nadik woknerelagwi dek ovara, An lakbani wagagi ako inimat welagwi o,” yiluk, yugeragagi.

Lukas 10:16

Yugirigya lagagirik, At ane welagwi menda wene ambi yugirigya dugwit, “It avakwa hit henane hungguselok andi, An nane hulisagwi, hit hekbuguguselok andi, An hekbanunggwi, eke, iren An hekbanungguselok andi, At lakbani wagagi ako hekbelagwi aro,” yiluk, yugirigya lagagirik, lakbogogi.

Lukas 14:11

Hit henendawi siyabatugu hiniselok, sovabugugu, eke, henendawi sovabatugu hiniselok, siyabugugu, ogagya hagup o,” yiluk, yugeragagi.

Lukas 22:26

hit andi, anderogo yugu dogobuk. Ap ombok ambi henanggelekma agarik halok, at avyak maduk ovagak arupwak. Eke, at wene yugeraliga menda ako ogo, henayeloman-at arupwak.

Lukas 7:28

Avakwa ovok erogo inisa en endaginivit wagagwa menda andi, ininis sovalek inigik, at Yohanes ima wombabisaliga menda adigat inis werek. Anderogo ovara, Ala avema dugwit ininis sovalek agarwik andi, Yohanes horogat sovalek hegek, it mondok ombok ininis werek dogosogom o,” yiluk, Yesus en avakwa yugeragagi.

Yohanes 13:20

Hit ambien it An lakbisa wandiga menda ako wogonupu hiniselok, Anat woknembelagwi. Eke, An woknumbutu hiniselok, At lakbani wagagi akoat welagwi, yiluk, mondok avyarat yukheraliga o,” yiluk, yugeragagi.

Yohanes 14:21

“Ap ambi saen An nane, yerogo ogarup, nderogo ogarup, yukheraliga ako wokbaluk ogagya dogosogon halok andi, An endawi hunik okneraliga ako at andiat. Aren An endawi hunik oknitya halok andi, An Nasin en ap andi, endawi hunik ogagya dogosogon. Eke, An ogo, at endawi hunik ogagya dugwit, aren An neyapwak yiluk, inugirisogon o,” yiluk, yugeragagi.

1 Tesalonika 4:8

Anderogo atma, ap ambi en, “Wene yi, Ala en yegetek. Ap enat yagao,” yiluk, weyak erogo hekbagya halok, ap akoen avakwa hekbisaligadek. Ata, At sek adik denek Averiniki wokneraliga Ala akoat hekbaliga.

1 Peterus 5:6

At Ala en, “Ndugwis andi vaga siyabisayogon o,” yiluk, imbitigi ako atma des yi wagya halok, siyabigigapwak yiluk, At anye wisane agarik Ala ako avema seve yiluk, dogones.

Wahyu 21:14

O leget eyave valek andi, helep owak bago 12 vaga valek higi. Eke, helep owak bago ako vaga, At Ndomba Eyak aori lakbigik menda 12 ako ininis dirup warek agarik higi.

Wahyu 3:21

Eke, An Nasin yuknogogi ako hekbagetek atok weralogo baluk, At wene yugeraligama niperen horaik agurik. Anderogo wane-wane, it sanien An nane mbobagetek mondok enendawi wadokdek vagago dugwit, des erogo musek laguselok, it ogo An nane yugeraligama ninim horaik dogoguluk, ‘Nadema omanes,’ yiluk, yugerayogon.