Lukas 9:45 - ALA WENE HIVIS DIRUP WATUGWA

⁴⁵ Yugeragagi ovara, it dibagetek welagagwa. Eke, wene andi, hwilago ovagak yugeragagirikmu, yedok hegetek ovara, “Yukneregen ako andi, nggarogo yukneregen?” yiluk, enalon en aigwakma wegetek mbup yagagwa.

Lukas 9:45 Iomraidhean Croise

Matius 16:22

Sigam anderogo yugirigya lagagimu, at Peterus en Yesus inggis lirogo wolok lagya lagagirik, ane anye erogo yugugu dugwit, “Anderogo yubuk! Nasin anderogo okbagaup mondok dek!”

Matius 17:22

O Galilea andoma wonggalagu lagagwarik, Yesus en At ane welagwi menda ako yugirigya dugwit, “An Ap-At Endaklagagis yi, it avakwa en narupwak yiluk, An neyave vagago wogirigya halok,

Markus 9:10

Yugirigya lagagimu, ogagya hagagwa ako avakwa yugeregetek ovara, enadik dugwit, “‘An hambuluk lendagwima en niluk akluk mendok yisogon o,’ yiluk, yukneraga ako, nggarogo yiluk yagas embetep?” yiluk, wene mbanggu lagagwarik,

Markus 9:32

Yugeragagi ako it dibagetek dugwit At aigwakma waup enalon en mbup yagagwa.

Lukas 18:34

Wene adem hwilago ovagak yugeragagirikmu, wene ako ovok erogo it yedok hegetek enendawi obak welagagwa.

Lukas 2:50

Yugeragagi ovara, it dibagetek welagagwa.

Lukas 9:46

Andien, hivis Yesus ane welagwi menda en, “An iya hat iya,” yugu dugwit, wene alelo watugwa.

Yohanes 12:16

Anderogo ogagagwa ako At Yesus ane welagwi menda endak dibagetek welagagwa ovara, hivis Ala en At Yesus hambisagwima en, iluk erogo mondok okbagya lagagirik, siyabagya lagagimu, “At anderogo okbasogom,” yiluk, dirup warek ako, “Nit At okbagyo higyo,” yiluk, umbutugwa.

Yohanes 12:34

Yugirigya lagagimu, it avakwa akoen At yugugu dugwit, “Ala en, ‘An denogo mondok okbagagis Keretus ako andi, iluk mondok-mondok-at dogosogon o,’ yiluk, yagagi. Yagagi dirup watigi ako, nit nenaruk hunggugup ovara, ‘At Ap-At Endaklagagi hivis wema yoma en siyabasogom,’ yegen andi, nggarogo yiluk yegen? Ap-At Endaklagagi andi, sa?”

Yohanes 14:5

Yugirigya lagagimu, Tomas en, At yugugu dugwit, “Nasin, Hat layogonma andoma nit ninunggut atma, sup nit nggarogonggan en ninilup arumwi?”

Yohanes 4:33

Yugirigya lagagimu, At ane welagwi menda ir-it wene mbanggu dugwit, “At naup erom ambi wogori wagao ai?”