Lukas 9:44 - ALA WENE HIVIS DIRUP WATUGWA

⁴⁴ “An wene yukheraliga yi, des erogo henaruk holes. An Ap-At Endaklagagis yi, narupwak yiluk neyave vagago ap wogirigya hagup.”

Lukas 9:44 Iomraidhean Croise

Matius 16:21

O andi hudi vaga en, At Yesus ako At ane welagwi menda yugirigya dugwit, “An o Yerusalem andoma laup imbitirikmu mondok landiga. Lagya neyalok, it ap ombok-ombok inim, it imam-imam enasini inim, it Ala wene vagago agarwik menda inim en anggin-mbanggin erogo novaga baniluk, narusogom. Natu dogomima ndugwis mberen dukluk, ndugwis ambi vaga Ala en niluk erogo mondok okbanisogon,” yiluk, sigamat yugirigya lagagi.

Matius 26:2

“Nogo mberen yikbaluk, isogo Vasika isarup hinilup atma, isagu dugwit An Ap-At Endaklagagis yi, yo winik vaga lobalogo banupwak yiluk, neyave vagarogo avakwa wogerasogom o,” yiluk, yugeragagi.

Markus 8:31

Enaruk watya lagagirik, wene ambi yugirigya dugwit, “An Ap-At Endaklagagis ako, mondok nova anggin-mbanggin erogo banusogom. It ap ombok-ombok inim, it imam-imam enasini inim, it Ala wene vagago agarwik menda inim, An it enanggon numbutu dugwit natu dogomwima, hambigya dogomindik ndugwis mberen dukluk ndugwis ambi vaga niluk arisogon o,” yiluk,

Lukas 1:66

Wene yagan nagwis ako it ovok erogo enaruk hunggu lagagwarik, dibaluk, Nenasin Ala avyak ako inim agarik hugu lagagwarik, “Avyak yi, sawe agya dogomindik, nggarogo dogogwi?” yiluk, enendawi umbutugwa.

Lukas 18:31

Yugirigya lagagirik, andien, ap 12 ako woginiviluk enadikmu ari lagu lagagwarik, it yugirigya dugwit, “Avyak yoma wai! Nit o Yerusalem dagasagwi. Dagasagwi atma, it ap Ala yugirigya hegek yugurugu lagagwa navi-navi en An Ap-At Endaklagagis okbanup dirup watugwa ako ovok erogo andoma en atma des iri hasogom.

Lukas 2:19

Vok yagagwa ovara, at Maria andi, wene yagagwa ako ovok erogo endawima wigya dugwit, wenggenggu lagagi.

Lukas 2:51

Andien, At inim o Nasaret lagu lagagwarik, At isa-asin enavema dugwit, enane des erogo hunggu hegek, At isa akoen andi, it avakwa yugwi ako endawima wigya dugwit, wenggenggu lagagi.

Lukas 24:44

Ninggya lagagirik, yugirigya dugwit, “Ninim dugwit, An ogarup wene ako Ala wene Musa en dirup watigi ako inim, it ap Ala en yugirigya hegek yugurugu lagagwa navi-navi dirup watugwa inim, mbuku Ndawi Wene dirup warek inim, ovok erogo atma des yisogon o, yiluk, yukhirigya lagi ako yiat okbenanggao o,” yiluk, yugeragagi.

Lukas 9:22

Enaruk wakbaluk, yugirigya dugwit, “An Ap-At Endaklagagis ako mondok novaga anggin-mbanggin erogo banusogom. It ap ombok-ombok inim, it imam-imam enasini inim, Ala wene vagago agarwik menda inim, enanggon en hekbanunggu dugwit, narusogom. Natu dogomima, hambigya dogomindik ndugwis mberen dukluk ndugwis ambi vaga Ala en niluk erogo mondok okbanisogon o.”

Yohanes 16:31

Yugugu lagagwama, At Yesus en, “Hit yogak avyarat nombasagwi yi?

Yohanes 16:4

An wene yi endak yukhirigya lagetek ovara, okbigigaup ako vage horok ari wagya halok, hurupe wene yukhirigi yi, henape wenggenggu dogogup yiluk, yogak yiat yukheraliga o,” yugeragagi. At Yesus ambi inim yugirigya dugwit, “Endak andi, ninim dugwit, wene yi yukhirigya lagetek ovara,

Yohanes 19:11

Yugugu lagagimu, At Yesus en, “At mbogot vaga menda en hat An okbanup yiluk andok okbagalipuk en, haren An okbanup vagago duklinbuk. Anderogo atma, hat okneraliga yi ako andi, weyak horogat ovara, at An neyave woknerelok wokhiri waga halok andi, weyak eve iya erogo ogaga,” yiluk, yugogogi.

Lakbogogi Wene 2:23

At Ala en hivis ogarup imbitigi musek Yesus ako vagago hit Iserali menda wokhurugu lagagwama, hambupwak yiluk, it ap weyak ogasagwi menda hinim eyave yo vaga lobalogo bagagup ovara,

Iberani 2:1

Anderogo atma, nit Ala wene nenaruk hobaluk wogogup ako, hekbaluk sup hunogoma nomaliluk lagu ninisaoen, ambi inim nggetok erogo vagago dogosogom.