Lukas 9:41 - ALA WENE HIVIS DIRUP WATUGWA

⁴¹ Yugugu lagagimu, At Yesus en, “Hit avakwa yogak agipik yi, henendawi novaga vanggabaluk, avyarat nembetetek weyak adigat ogarup ombarit nagwis yi, An hit hinim ndugwis maren dogop, eke An ndugwis maren hit hinim nendawi sagain akluk dogop?” yiluk, yugirigya lagagirik, ap abut edup werek ako yugugu dugwit, “Habut wolok oma.”

Lukas 9:41 Iomraidhean Croise

Matius 11:28

“Hit henendawima anggin okhinipu dugwit, henanyedek asiga yi, Anen henendawi seyabigigagiluk, An nadema omanes.

Matius 12:39

Yugugu lagagwama, At Yesus en it yugirigya dugwit, “Hit avakwa yogak agipik yi, Ala hekbagu lagagupik, weyak adigat ogarit nagu dugwit, ‘Ninilup arup menda ogagya heyasogom o,’ yiluk yuknisagwi ovara, Anen adik ambi ogagya neyasogombuk. Ata, at navi Yunus akoen inilup arup menda ogagagi ako adigat ogagya neyasogom.

Matius 12:45

andien, wunggu lagarik, at madis ako weyak ovara, madis mondok weyak menda eneyave 7 wonggabisiluk, woginiviluk eyami vaga nunggu waga. Nunggu wagya lagarik, akoma inim dugwit, ap ako endak madis ambiat endawima werekma ambukum weyak welagagi ovara, hivis madis wisane erogo hobo-hobo ari nunggugu dugwit, ap ako evelela weyagat dogosogon. Anderogo ndatak, hit ap yogak agipik weyak adigat ogarit nelagwi yi, anderogoat okhinipu hagup,” yiluk, yugeragagi.

Matius 16:4

Hit avakwa o yogak agipik yi, Ala hekbagu lagagupik, weyak adigat ogarit nagu dugwit, ‘Ninilup arup menda ambi ogagya heyasogom o,’ yuknisagwi ovara, hinilup arup menda An adik ambi ogagya neyasogombuk. Ata, at navi Yunus akoen, inilup arup menda ogagagi ako adigat ogagya neyasogom,” yiluk, yugirigya lagagirik, it ap ako hekbisiluk lagagi.

Matius 17:17

Yugugu lagagimu, Yesus en, “Avyak! Hit avakwa yogak agipik yi henendawi novaga vanggabaluk, avyarat nembetetek weyak adigat ogarup ombasagwi yi, An hit hinim ndugwis maren dogop, eke An ndugwis maren hit hinim nendawi sagain akluk dogop? Avyak andi, wolok omanes.”

Matius 23:36

Hit avakwa yogak agipik yi, wene yi ovok erogo hit henovaga-at dogosogon, an avyarat yukheraliga o,” yiluk, yugeragagi.

Matius 3:7

Wombabuguma, ap Varisi menda inim, ap Saduki menda inim, it wisane, “Ima wombabininapwak,” yiluk, at adema wagwi ako inugu lagagirik, it yugirigya dugwit, “Mbas idup aburi endago menda hit yi aro. Ala aninis henovaga bigigya wasogon ako, hoda wolovovok yiluk, saen hurimbis yukheraga?

Markus 10:14

Mberirugu lagagwama, At Yesus en aninis wisane agya lagagirik, “Hekbisines! Ala avema dogop andi, it avyak mariduk yerogo hak atma, An nadema wagusim moga yugerabuk.

Markus 10:49

At Yesus ako mbup iri dugwit, “Eyanggup eres,” iri lagagimu, iren ap il mbuk ako eyanggup yugugu dugwit, “Heyanggup yukhisigama, hendawi sek vaga mendek iru,” yiluk, yugogogwa.

Markus 9:19

Yugugu lagagimu, At Yesus en, “Avyak! Hit avakwa yogak agipik yi henendawi novaga vanggabaluk, avyarat nembetetek weyak adigat ogarup ombasagwi yi, An hit hinim ndugwis maren dogop, eke An ndugwis maren hit hinim nendawi sagain akluk dogop? Avyak andi, wolok omanes, yiluk, yugeragagi.

Lukas 8:25

Dek agya lagagimu, Yesus en At ane welagwi menda yugirigya dugwit, “Henendawi novaga vanggabaluk avyarat nombasagwi ako nggayok lagipik yagalagwi?” Yugirigya lagagimu, enalon en at ambien at ambi yugigik yugu dugwit, “Avyak! Is o havut endengga yugugu hegek, At ane hulisiga yi sa embetep? Wi!” yiluk, vok yagagwa.

Lukas 9:40

Anen Hat hane welagwi menda ako madis nggigilogo wibapwak yiluk, yugirigi ovara, iren nggigilogo wibaup meyan inigis.”

Lukas 9:42

Yugugu lagagimu, ao wolok wagya hegek, madis akoen avyak eyave legogo wen vaga ndun okbagya lagagirik, inggis-isok ndogom-ndogom yupwak yiluk okbagagi. Okbagya hegek, At Yesus en madis edup agoda werek menda ako mberugu lagagirik, avyak ako sek okbaluk asin wogogogi.

Yohanes 14:9

Yugugu lagagimu, At Yesus en, “Pilipus wai! An o muk erogo hinimat welagyo ovara, hat ao dibanenggetek dugwit, yagaliga? Ap ambi saen An neyaliga halok, An Nasin-at il haliga atma, harenen, ‘Hasin inuk neran,’ yegen andi, nggarogo yiluk yegen?

Yohanes 20:27

Yugirigya lagagirik, Tomas ako yugugu dugwit, “Tomas wai. Hinggis An ninggis yi, vaknitya dugwit, omap andi bikhigya, eke, hinggis welalogo neyave segowa warekma mabagya, oknitya dogomindik, hendawi yunggup yegek ogagya dugwit, avyarat embetetek dogobuk. Ata, hendawi novaga vanggabaluk, avyarat nimbita dogwen,” yiluk, yugogogi.

Lakbogogi Wene 13:18

O harumu avakwa dekma akoma 40 tahun ogagu dugwit, enandogon weyak ogarit lagusigik ovara, Ala endawi sagain akluk welagagi.

Lakbogogi Wene 2:40

Yugirigya lagagirik, wene nin wisane erogo yugirigya dugwit, “It ap Iserali o yogak endago menda weyak ogasagwi Yesus ane wegetek menda ako, hinim weyak okhinivuguven yiluk, henagap wendakhedomanes,” yiluk, ane avuput vaga enaruk watya dugwit yugeragagi.

Oroma 2:4

At Ala en henowak dilogo anggin henovaga bigigitek henabwa en endawi sagain vaga dugwit, mbauk-at agarik atma, “At ane andi degat ai,” yiluk, yagalagwi? Hit weyak ogasagwi ako, henasam helok, hekbavovok yiluk, henabwa imbita dugwit wokhenombolok naliga yi, hit hegetekma yagalagwi yi?

Iberani 3:19

Hit henombawi en enendawi Ala ovaga vanggabaluk, At ane avyarat embetetek atma, it nunggup meyanat agagi inisalagwi.

Iberani 4:11

Anderogo atma, it Iserali menda endak Ala wene weyak erogo hekbagu lagagwama, sat yanggal hedelagwima nonggegetek ako hak, nit nin wane-wane nunggup dek agya haoen, nungguguluk, nenanye erogo walokhugu dogosogom.

Iberani 4:2

Sek wene ako o endak nenombawi yugeragagwa ako hak, nit ogo wane-wane Sek Wene yukneragagwa ovara, it wene yugeragagwa hunggugwa ako andi, enendawi avyarat embetetek dugwit wegetek atma, wene andi vaga ambi sek okhedegetek un enam warogo enaruk hunggugwa.

Iberani 7:25

Anderogo atma, nit avakwa nenendawi At ovaga vanggabaluk, Ala adema horok ari wagu niniselok, At nenake Ala yugirigiluk mondok iluk agarik atma, nenagap wendarogo mondok sek erogo bininaup andi, sek aro.