Lukas 9:30 - ALA WENE HIVIS DIRUP WATUGWA

^30-31 abinak yevedek vaga ap mberen Musa Elia eneyave sigam ari wagu lagagwarik, Yesus o Yerusalem hambup vage atma des yisogon wene ako, Yesus inim wene mbanggugwa.

Lukas 9:30 Iomraidhean Croise

Lukas 1:17

Ap Elia Ala Averiniki ovaga agya lagagirik, anye vaga ogagya lagagi ako hak, Yohanes ovaga agya dogomindik, anderogoat ogagya dogosogon. Nenowa Inis Ombok warigiluk ogagya hegek, at endak okbigik lagya dugwit, enasini enendawi enaburi inim dambubugu, it avakwa enendawi lakot agarwik ako, it ap enendawi werek dugwit, Ala Wene dibaluk sek adigat ogasagwi ako it ndatak ogagu dogopwak yiluk, okbugu, eke, Nenowa warup ako avakwa enendawi dikduk erek dogopwak yiluk, At ake vipuk erogo bugu, ogarit lagya dogosogon o,” yiluk, yugogogi.

Lukas 24:27

At Ala en denogo mondok okbagagi ako wagya halok, “Anderogo ogasogon,” yiluk, Musa wene dirup watigi ako hudien it ap navi-navi Ala en yugirigya hegek yugurugu lagagwa dirup watugwa ako ovok erogo mbilinogo yugeragagi.

Lukas 24:44

Ninggya lagagirik, yugirigya dugwit, “Ninim dugwit, An ogarup wene ako Ala wene Musa en dirup watigi ako inim, it ap Ala en yugirigya hegek yugurugu lagagwa navi-navi dirup watugwa inim, mbuku Ndawi Wene dirup warek inim, ovok erogo atma des yisogon o, yiluk, yukhirigya lagi ako yiat okbenanggao o,” yiluk, yugeragagi.

Lukas 9:19

Yugirigya lagagimu, iren yugugu dugwit, “Avakwa ninen, ‘At Yohanes Ima Wombabugu lagagi menda ako aro,’ yugwi, eke ninen, ‘Elia-at,’ yugwi, eke, ninen, ‘Ap muk Ala en yugirigya hegek yugurugu lagagwa navi-navi ako menda ambi iluk akluk, mendek yagas,’ yugwi, yagalagwi o.”

Lukas 9:29

Unggu lagagwarik, Yesus samban ogagyama, At elese adik agya lagagirik, asum mudu amumulip digavok ovagak ogagya hegek,

Yohanes 1:17

Ala en wene “Yerogo ogarup, nderogo ogarup,” Musa yugugu halok, Musa en yukneragagi ovara, Ala endawi hunik en okbininaliga ako, At Yesus Keretus vaga enat, okbininaliga. Eke, avyarat wene des erogo vagalogo yukneraliga andi ogo, At Yesus Keretus enat yukneraliga.