Lukas 9:20 - ALA WENE HIVIS DIRUP WATUGWA

²⁰ Yugugu lagagwama, Aren it yugirigya dugwit, “Eke, hit andi, An sa numbutu dugwit, yagalagwi?” Yugirigya lagagimu, at Peterus en, “Ala en denogo bagagi Keretus andi Harat higyo o.”

Lukas 9:20 Iomraidhean Croise

Matius 22:42

“Ala en enogo mondok okbagagi Mesias ako, hirenen nggarogo ombasagwi? At sa ombao ombasagwi?” Yugirigya lagagimu, irenen, “Mesias andi, Daut ombao-at ombasagwi o.”

Matius 26:63

Yugogogi ovara, At Yesus ako anedek mbuverek-at welagagi. Mbuverek werekma, at imam-imam enasin ombok en, “Hat Ala Abut enogo mondok okbagagi Mesias ako heyalok, sigam erogo yukneranok yiluk, At Ala iluk agarik inis vaga yukhisiga.”

Matius 5:47

Eke, hit henaswemuni adigat hai warogo woginipu hiniselok, hit adigat henovavut sek ombasagwi? Dek. It avakwa weram Yakuri dek menda anderogo wane-wane ogasagwi atma, hiren ‘Nit iya,’ ombarubuk.

Markus 14:61

Yugugu lagagimu, At Yesus wene onggo ambi yegetek mbup yagagi. Mbup iri lagagimu, at imam-imam enasin akoen “At Mondok Sek Adigat Agarik ako, Abut avakwa enagap wendarupwak yiluk enogo lakba wagagi Mesias ako andi, Harat ai?” yiluk, aigwakma wogogi.

Markus 8:29

Yugugu lagagwama, Aren it yugirigya dugwit, “Eke, hit andi, An sa numbutu dugwit, yagalagwi?” Yugirigya lagagimu, at Peterus en, “Dek. Ala en avakwa enagap wendarupwak yiluk enogo lakba wagagi Keretus ako andi, Harat,” yiluk, yugogogi.

Lukas 22:67

“Ala en denogo mondok okbagagi Mesias ako, Hat heyalok, yukneran.” Yugugu lagagwama, At Yesus en, “An yukhirigya neyalok, hit avyarat nombarusogombuk,

Lukas 9:19

Yugirigya lagagimu, iren yugugu dugwit, “Avakwa ninen, ‘At Yohanes Ima Wombabugu lagagi menda ako aro,’ yugwi, eke ninen, ‘Elia-at,’ yugwi, eke, ninen, ‘Ap muk Ala en yugirigya hegek yugurugu lagagwa navi-navi ako menda ambi iluk akluk, mendek yagas,’ yugwi, yagalagwi o.”

Yohanes 1:41

At Andereas akoen owa Simon Peterus belalit lagya lagagimu mbikit il heyakbagya lagagirik, yugugu dugwit, “Simon wai! Mesias ako vage waga ninil higyo,” yiluk, yugogogi. (Mesias, yugogogi ako andi, nit nenane vaga Ala en denogo mondok okbagagi Keretus aro, yiluk yugogogi.)

Yohanes 1:49

Yugugu lagagimu, at Nataniel en, “Ngguru wai. Ala abut avakwa Iserali Enowa Inis Ombok Harat heyagi o.”

Yohanes 11:27

Yugugu lagagimu, at Mareta en, “Yu aga, Nasin. Ala Abut denogo mondok okbagagi Keretus o wen vaga yoma warup ako, Harat hombasiga o,” yiluk, yugogogi.

Yohanes 20:31

Ogagya lagagi mbuku dirup warek yi ako andi, hirenen Yesus andi, Ala en At Abut denogo mondok okbagagi Keretus-at, hit avyarat ombarovovok yiluk, wene yi dirup watis. Eke, avyarat umbutu dugwit, Yesus okbigigaliga vaga hiniluk mondok dogovovok yiluk, wene yi dirup watis o.

Yohanes 4:29

“An yi ogagek ndi ogagek ogagya lagagis ako At ovok vagalogo yuknigas ap ako bikha lasogomen omanes. Ala en denogo mondok okbagagi Keretus ako andi, ara?”

Yohanes 4:42

Avyarat umbutu lagagwarik, iren hwa ako yugugu dugwit, “Yogak nit nenendawi At ovaga vanggabaluk avyarat ombasagwi ako, hat yukneregen andi vaga adigat dek. Ata, niren At ane nenaruk hunggu lagurik, ap yi avakwa wema menda enagap wendarisiga menda avyarat ninilup agyo. Andi vaga nenendawi At ovaga vanggabaluk, avyarat ombasagwi o,” yiluk, yugogogwa.

Yohanes 7:41

eke, it ninen yugu dugwit, “Dek o! Ala en denogo mondok okbagagi Keretus ako yiat helagwi,” yugwi, ogagusigik, it ninen andi, “At Ala en denogo mondok okbagagi Keretus ako, o Galilea en wasogon embetep? Dek!

Lakbogogi Wene 17:3

Yugirigya dugwit, “At Ala en Nenowa Inis Ombok denogo bagagi Keretus ako, edup yagan wakbaluk, hambuluk lendagwima en iluk akluk mendok yup denek welagagirikmu, mondok yagagi o,” yiluk, yedok hapwak yiluk des erogo yugirigya lagagirik, “An Paulus en Yesus avok yukheraliga yi, Nenowa Inis Ombok Ala en denogo bagagi Mesias ako, Arat,” yiluk, mbilinogo yugeragagi.

Lakbogogi Wene 8:36

Yugirit iperen suvaga lagu dugwit, inamut yanggadekma ari lagu lagagwarik, ap akoen, “Inamut yi hil yokhanen! An ima wombabanup ndak a, dek a?”

Lakbogogi Wene 9:22

Anderogoat yugu lagagwa ovara, at Saulus akoen, wene yugirigya dugwit, ‘Yesus andi Nenowa Inis Ombok Ala en denogo bagagi Keretus aro,’ yiluk, avyarat ombarupwak yiluk, ‘Anderogo ogagya lagagi o,’ yiluk, yagan nagu lagagi ako adigat mbigalit lagu dugwit, it Yakuri menda o Ndamasik welagagwa ako enane nggarogo yuk erogo okbogogi.

1 Yohanes 5:1

Niren, “At Keretus Ala en denogo bagagi ako, At Yesus-at,” yiluk, avyarat umbutu niniselok, Ala enat endakninipigirikmu, nit At aburi-at agurik. Eke, Nenasin Ala nenendawi hunik ogagu dugwit halok andi, aburi endago ako inim nenendawi hunik oginivisagwi.