Lukas 9:1 - ALA WENE HIVIS DIRUP WATUGWA

¹ Ndugwis ambi vaga, At Yesus en it ap 12 menda ako homari warupwak yiluk, yanggup yugirigya lagagirik, wagu lagagwama, At anye vaga it enanye okbisiluk, yi madis ndi madis ovok erogo avakwa enendawima en nggigilogo wibugwis, yi aup ndi aup edup halok, sek okbugwis, At inis vaga oginivit nagu dogopwak yiluk, awene yugeragagi.

Lukas 9:1 Iomraidhean Croise

Matius 16:19

At mbogot vaga menda avema bisaup hunsi ako harat wokhirisogon atma, haren wen vaga yoma, ‘Ogarup moga,’ iri heyalok andi, mbogot vaga ogo ‘Ogarup moga,’ iri hayogon. Eke, haren wen vaga yoma, ‘Ogarup sek,’ iri heyalok andi, mbogot vaga ogo ‘Ogarup sek,’ iri hayogon, yiluk, yukhisiga.”

Matius 4:24

Ogarit nagu lagagi wene ako, o Propinsi Siria andoma ovok erogo inilup agya lagagimu, aup adem enovaga hunik adik-adik menda inim, idup-mbidup enovaga agarwik menda inim, madis enendawima nonggagagi menda inim, aup adem ambi ininggis-ndogom inisok-ndogom wasagwi menda inim, ininggis-inisok yidugup agarwik menda inim, ovok erogo woginiviluk At adema wagu lagagwama, At Yesus en sek oginipu lagagi.

Matius 8:9

An ogo, nasini enavema dugwit, enane hunggu, eke, an naori enayegen werek an navema dugwit, an nane hunggwis, ogasagwi atma, anen naori ambi, ‘Elak,’ yugugu neyalok andi, lagya, ambi, ‘Oma,’ yugugu neyalok andi, wagya, eke, an nayeloman, ‘Andi ogaru,’ yugugu neyalok andi, ogagya, ogasagwi o.”

Lukas 10:1

Andien, hivis Nenowa Yesus en ap adik 70 denogo lakbugu dugwit, yi awi ndi awi o kota adik-adik laup imbitigirikmu akoma it enendak mberen hondok lakbogogi.

Lukas 10:19

Mbas avakwa enasiga inim, hagudi inim, hinisok vaga sovalogo bagwi, at hinim ndup ogorek ako anyedek erogo bagwi, ogagu dogovovok yiluk, An nawene yukhirigi. Nawene yukhirigirikmu, weyak edup menda ambi henovaga asogon mondok dek aro.

Yohanes 14:12

Ap ambi saen endawi novaga vanggabaluk, avyarat nimbita halok, An ogasiga akoat ogagya dogosogon. An ogasiga yi maduk. Eke, An Nasin adema lamindikmu andi vaga, at saen novaga vanggabaluk avyarat ombasiga ako mondok ombogat ogagya dogosogon o, yiluk, mondok avyarat yukheraliga.

Lakbogogi Wene 1:8

Hit ako Averiniki henovaga wambu wagya dugwit, At anye okbugugu hegek, o Yerusalem inim, o Yudea ovok erogo inim, o Samaria inim, yi awi ndi awi atok-atokma andoma ovok erogo inim, An ogarit nagu lagagis hinil neyagu lagagup wene ako yugeregek nagu dogop,” yiluk, yugeragagi.

Lakbogogi Wene 3:16

‘Yesus en ogarup sek o,’ yiluk, nenendawi At ova vanggabaluk avyarat imbito ako vaga ap isok weyak hit hinilup hinil helagwi yi ako, ovok isok anye okbagas. Nenendawi Yesus avyarat imbito vaga at sek aga hinim agarik yi, hit ovok hinil hegep.”

Lakbogogi Wene 4:30

“It aup warek ambi iniselok, sek arupwak yiluk hinggis vakbisin. Eke, hayeloman Endawi Sek Adik Denek Yesus ako inis vaga nggarogo ogarubuk menda inim, inilup arup enalon werek menda inim, ogasiga ako, nit ogaruguluk okbininin,” yiluk, samban ogagagwa.

Lakbogogi Wene 9:34

Higya lagagirik, Peterus en at yugugu dugwit, “Eneas wai. Yesus Keretus en sek okhetarikmu, mondok iri dogomindik, ndalek nogo yiliga menda andi yunggul hedoman,” yiluk, ao yugugu hegek, mondok yagagi.