Lukas 8:48 - ALA WENE HIVIS DIRUP WATUGWA

⁴⁸ Yugugu lagagimu, Yesus en, “Nabut o. Hendawi An novaga vanggabaluk avyarat nembeten vaga sek agindikmu, hendawi ugun hamwa elak,” yugogogi.

Lukas 8:48 Iomraidhean Croise

Matius 12:20

At atma nggedok sek adigat enowak dilisiga ako, ombok arupwak yiluk, ao ogagetek dugwit, don owak yanggalek anyedek agarik ako hedalogo bayogonbuk, eke, lilin ageda hali abya asigadek, yuvuk adigat agarik ako, nagaulogo hekbayogonbuk.

Matius 8:13

Yugirigya lagagirik, Yesus en ap enayegen werek enasin ako yugugu dugwit, “Haren, ‘Yerogo ogarisogon,’ yiluk, avyarat nembeten ako wane-wane okbagasogon atma, hamwa elak,” yugugu lagagimu, ayeloman ako iri hegek andenam-at sek agagi.

Matius 9:2

Lagya lagagimu, ap ambi inggis-isok nggedok-kobok erek menda, At nogo yiliga menda ako vaga yo duriluk Yesus adema bawagu lagagwama, At Yesus en it enendawi At ovaga vanggabaluk avyarat umbutu dugwit wolok wagagwa yedok inigu lagagirik, ap inggis-isok nggedok-kobok erek ako yugugu dugwit, “Nabut wa! Hat weyak ogagya lagen ako degerogo bagagirikmu hendawi sek vaga dogwen.”

Matius 9:22

Vagatya lagagimu, At Yesus ambukmu dagalogo il bikhigya lagagirik yugugu dugwit, “Nabut wa! Hendawi sek vaga dogwen o. Hat hendawi novaga vanggabaniluk avyarat nembeten vaga sek agen o,” yiluk, ao yugugu lagagimu, hwa ako, andi hudiat sek agagi.

Markus 5:34

Vagalogo yugugu lagagimu, At Yesus en, “Ai, nabut o. Hat hendawi An novaga vanggabaluk, avyarat nembeten vaga sek agen. Sek dogosogon atma, hendawi ugunat elak,” yugogogi.

Lukas 17:19

Yiluk, Yesus en ap ako yugugu dugwit, “Hendawi novaga vanggabaluk, avyarat nembeten vaga sek agindikmu, mendek yiluk elak o,” yiluk, lakbagagi.

Lukas 18:42

Yugugu lagagimu, Yesus en, “Hil mbuk andi sek aru. Hat henendawi novaga vanggabaluk avyarat nembeten ako vaga hil ovok sek agen.”

Lukas 7:50

Yugusigik, Yesus en hwa ako yugugu dugwit, “Hendawi novaga vanggabaluk avyarat nembeten vaga Ala en hagap wendakhetas, hendawi ugun hamwa elak,” yiluk, yugogogi.

Lukas 8:47

Yugugu lagagimu, hwa akoen, “Vage yedok neyagas higi o,” yiluk, alon en owak dede iri dugwit, Yesus avema seve iri lagagirik, avakwa ovok inivaga adem ngga vaga Yesus ayum vagatigi inim, eke ao vagatya hegek eyave sek agagi ako inim, vagalogo yugogogi.

Lakbogogi Wene 14:9

Ap ako at Paulus wene yugirigya aruk hunggwiam, Paulus en il vurek dugwit, “Ap yi Ala ova vanggabaluk avyarat imbita dugwit sek okbanup ombasiga,” imbita ako yedok higya lagagirik,

2 Korindus 6:18

Eke, ambi, At Anye Adigat Agarik Nenasin Inis Ombok akoen iri dugwit: “An andi Henasin agya, eke, hiren An naburi avivak inim, hwiyavivak inim, agwi, ogarusogom o,” yagagi ako wane-wane, it avakwa avyarat embetetek halok, “Ninim nenendawi ambiat aro,” yiluk, ugun hinim nagu dogop moga.

Iberani 4:2

Sek wene ako o endak nenombawi yugeragagwa ako hak, nit ogo wane-wane Sek Wene yukneragagwa ovara, it wene yugeragagwa hunggugwa ako andi, enendawi avyarat embetetek dugwit wegetek atma, wene andi vaga ambi sek okhedegetek un enam warogo enaruk hunggugwa.