Lukas 8:41 - ALA WENE HIVIS DIRUP WATUGWA

⁴¹ Wugu lagagwama, ap ambi it Yakuri samban ogasagwima enasin inis Yairus, Yesus adema wagya lagagirik, avema seve yiluk, “An namwa niperen lasogom en, oma o,” yiluk, ane avuput vaga Yesus yugogogi.

Lukas 8:41 Iomraidhean Croise

Lukas 13:14

Andi ogagya lagagimu, ap Yakuri samban ogasagwima enasin ako it samban ogasagwi vaga Yesus en hwa ako sek okbagya higya lagagirik, aninis en avakwa yugirigya dugwit, “Yavup ogarup yiluk ndugwis 6 hudi denek werekma, ndugwis 6 hudi denek andi vaga edup sek okbigigapwak yiluk, wagu dogop andi sek. Eke, nit samban ogasagwi yi vaga edup sek okbigigapwak yiluk wagu dogobuk.”

Lukas 17:16

Ala inis siyabalin Yesus avema seve yi wagya lagagirik, endawi adenggen en, Yesus “Wa!” yugogogi. Eke, ap andi, awi Samaria menda aro.

Lukas 5:8

Simon Peterus en mburis ako sovanggya menda higya lagagirik, Yesus avema seve yiluk, “Ai, Nasin. An ap weyak ogasiga menda atma, baniluk wilin o,” yiluk, yugogogi.

Lukas 8:42

At abut adik ambengga hwavyak endago sawe hegek 12 tahun ogagagirikmu, mondok hambigiluk ogagyama yugogogi. Yugugu lagagimu, Yesus ako lagya hegek, it avakwa wisane inim linggililuk lagagwa.

Lukas 8:49

Ao yugugu hegek, ap ambi it Yakuri samban ogasagwima enasin amwa akoma en wagya lagagirik, ap Yairus ako yugugu dugwit, “Habut vage hombagarikmu Nenasin ngguru yi sup enam warogo wolok lagun en.”

Yohanes 11:21

Adema wunggu lagagirik, Yesus yugugu dugwit, “Ai, Nasin! Hat yoma mbikit waklinmu en, an nowa hambilipuk.

Lakbogogi Wene 13:15

Hora yiluk werekma, it samban ogasagwima vagago agarwik menda akoen Ala wene Musa en dirup watigi wene inim, navi-navi wene dirup warek inim, bikhegek yugurugu lagagwarik, “Nit nenendawi aik wakbininaup wene ambi werek halok yuknerapwak yiluk, nenaswei andi, hemerisenes o,” yiluk, yagagwa.

Lakbogogi Wene 18:17

Yugirigya lagagimu, wibugu lagagwama, it ovok en it Yakuri samban ogasagwima enasin at Sotenes ako, vagago, wene amburup mbalisagwima andenam en watusigik, at Nggalio en, “It inovadombok,” iri lagagirik, asuk-at, mbup yagagi.

Lakbogogi Wene 18:8

It Yakuri samban ogasagwima enasin Kiripus ako inim, at abut ogwa at amwa agarwik menda ovok erogo inim, enendawi Nenowa Yesus ovaga vanggabaluk avyarat umbutugwa. Eke, it Korindus menda wisane at Paulus en yugeragagi ako hobaluk, avyarat umbutu lagagwama, ima wombabogogwa.

Lakbogogi Wene 9:38

O Lida en Yope horok atma, “Peterus waga o Lida agarik,” yiluk, yugwi it Yesus ane wogogwa menda enaruk hunggu lagagwarik, at ako yiluguluk warupwak yiluk ap mberen yonggo lakbogogwa.

Wahyu 5:8

Wigya lagama, it avakwa en iniselagwidek menda eneyave 4 ako inim, mbogot vaga agarwik enanggok ap ombok-ombok eneyave 24 ako inim, Ndomba Eyak ako avema seve yagao. Seve yiluk, it enanggok ap ombok-ombok akoen nggindar inim, sogolowak mbusi emas vaga mendarek amben eyave sek menda nudik ako inim, enadik-enadik vagago dugwit, ndawi vaga yugugu sigis. Amben eyave sek menda sogolowak mbusi emas vaga nudik ako andi, it Ala aburi At ake denek samban ogasagwi enane nudik higi.