Lukas 8:37 - ALA WENE HIVIS DIRUP WATUGWA

³⁷ Yugurugu lagagwama, it avakwa o Nggerasa menda yi awi ndi awi andoma ovok erogo mondok enalon wisane agu lagagwarik, Yesus it enamwa andoma en hekbaluk wulupwak yiluk, yugogogwa. Yugugu lagagwama, Yesus mburis vaga nunggwigya lagagirik eyami vaga winggigi.

Lukas 8:37 Iomraidhean Croise

Matius 8:34

Yugurugu lagagwama, it ap o kota andoma welagagwa menda ako ovok erogo Yesus adema lagu lagagwarik, At Yesus o andenam en wulupwak yiluk, enane nggengges erogo yugogogwa.

Markus 5:17

Yugurugu lagagwama, it avakwa akoma en Yesus it enamwa hekbaluk wulupwak yiluk, enane nggengges erogo yugogogwa.

Lukas 10:16

Yugirigya lagagirik, At ane welagwi menda wene ambi yugirigya dugwit, “It avakwa hit henane hungguselok andi, An nane hulisagwi, hit hekbuguguselok andi, An hekbanunggwi, eke, iren An hekbanungguselok andi, At lakbani wagagi ako hekbelagwi aro,” yiluk, yugirigya lagagirik, lakbogogi.

Lukas 5:8

Simon Peterus en mburis ako sovanggya menda higya lagagirik, Yesus avema seve yiluk, “Ai, Nasin. An ap weyak ogasiga menda atma, baniluk wilin o,” yiluk, yugogogi.

Lukas 8:28

Aren Yesus higya lagagirik, avema seve iri lagagirik, ane ombok vaga, “Yesus wai! At Mondok Siyalek Adigat Agarik Ala Abut Hat Yesus yi, an nggarogo okbanigiluk wagen? An edup-mbedup okbaninggya heyaoen yiluk, yukhisiga,” yugogogi.

Lukas 8:36

Enalon umbutu lagagwama, it ap endak oklagagi inil hagagwa akoen, madis wisane ap endawima nonggagagwa Yesus en wibogogi wene ako mbilinogo yugeragagwa.

Lukas 8:38

Wungguma, at ap madis endawima wunggugwa akoen, “An ninim lasogom adigat,” yiluk, yugogogi ovara, Yesus en at amwa lakbagya dugwit,

Lukas 9:5

Yi awi ndi awi lamundikmu, heyaga warogo wokhinipitek halok andi, enamwa o kota en wunggu dugwit, inivaga inilamundinek hinisok vaga mupwak hak horogo baluk, andoma en wilitalo.”

Lukas 9:56

Mberirigya lagagirik, o adik ambima lagagwa.

Lakbogogi Wene 16:39

Enalon agu dugwit, it ako enadema wagu lagagwarik, “Ai, nenaswei! Weyak okbugugup atma,” yiluk, it ako lembaga en mo bisa lagu lagagwarik, “O kota yoma dogobuk. Elales,” yugurugu lagagwama,