Lukas 8:3 - ALA WENE HIVIS DIRUP WATUGWA

³ hwa ambi Yohana, agun inis Kusa ap ombok Herodes awi vagago welagagi ako inim, hwa Susana inim, eke, akwa nin wisane inim nagu lagagwa. It akwa ako enangge-enangge vaga At Yesus aswei inim enake ogagu lagagwa.

Lukas 8:3 Iomraidhean Croise

Matius 14:1

O andi hudi ap inis ombok o propinsi Galilea vagago welagagi Herodes akoen Yesus ogarit lagya ako, aruk hunggu lagagirik,

Matius 14:3

Andi, at Herodes akoen at aot Pilipus ogwa hegek, hwa Herodiana ako wigya lagagimu, at Yohanes en Herodes yugugu dugwit, “Hwa andi, wabuk hegek wegen atma, hiperen dogop mondok moga o,” yiluk, enanggadi wakbigik adigat iri halok, eyave vagarogo heda magago lembaga mabagagi.

Matius 14:6

Alon agya lagagirik, mbuverek werekma at Herodes endaklagagi amor-amor ari wagya lagagimu, hwa Herodiana eyak enanggelekma andoma velen-velen ndawi watya dugwit, Herodes endawi adenggen okbagya lagagimu,

Matius 2:11

Lagu lagagwarik, umwa nunggugu lagagwarik, avyak ako isa Maria iperen inugu lagagwarik, eneyave seve yiluk, avyak ako inis siyabagagwa. Inis siyabagu dugwit, enangge-enangge onggo ombok sek menda mbusi emas inim, yivi-nggami inim, yo mur amburup inim, hudilogo wogogogwa.

Matius 20:8

“Yugirigya lagagirik, andien, o hup agya lagagimu, at eyavup werek akoen at ayeloman yavup kepala ako yugugu dugwit, ‘It ap yavup ogasagwi ako yanggup yugirigya dogomindik, waguselok, it hivis nunggu wagao ako onggo enendak wogirigya, eke, enendak nunggu wagao ako onggo hivis wogirigya, ogaru.’

Matius 25:40

“Iren, yuknugu dogogupmu, An neve ninis ombok akoen it ako yugirigya dugwit, ‘Dek o. Hiren An naori maridugi ininis dek sovalek menda oginipugup ako andi, Anat okbanunggugup o, yiluk, avyarat yukheraliga,’ yugeragwis.”

Matius 26:11

It ininggidek andi, hinim mondok dogogup ovara, An andi, hit hinim mondok dogosogonbuk.

Matius 27:55

Eke, it akwa wisane Yesus yonggat-hugu lagagwa menda inim o Galilea en wagagwa ako, o adumu lenak Yesus yo vaga lobalek ako inil hagagwa.

Lukas 24:10

It akwa en ap lakbigik menda mbilinogo yugeragagwa ako andi, hwa Maria awi Makdalena menda inim, hwa Yohana inim, Yakobus isa Maria inim, it akwa adik inim, iren mbilinogo yugeragagwa.

Yohanes 12:6

Wene yagagi ako andi, it ap ininggidek ako enabwa imbita dugwit yagagibuk. Ata, at ap onggop menda atma, it enayoparip yidik ako at bendahara dugwit, nin onggop hidigya lagagi andien yiluk, yagagi.

Lakbogogi Wene 13:1

O Andiyokia andoma it Ala aburi homagu lagagwa enanggelekma it nin navi-navi en Ala yugirigya hegek yugurugwi, ninen wene mamulirugwi, ogagu lagagwa ininis andi, Mbarenabas inim; Simeon inis ambi salek ‘Mudis’ inim; ap awi Kirene menda Lukius inim; ap ambi ap inis ombok Herodes ako inim dugwit sawe agagi inis Menahem inim; Saulus inim; it ako enat ogagu lagagwa.

2 Korindus 8:9

Nenowa Inis Ombok Yesus Keretus en henabwa imbita dugwit, okhinipigi ako hinilup aro. At o sekma siyalek welagagi ovara, nit ogo inimat o sekma siyalek-at dogoguluk, At o wen vaga yoma sovabeta wambu wagagi.

Pilipi 4:22

Ala aburi ake denek o yoma agarwik it ovok erogo en wa yukhirugusigik, eve iya erogo andi, ap inis ombok Kaisar amwa agarwik menda en wa yukherelagwi.

1 Timotius 5:10

“Hwa andi sek ogasiga menda,” yuguselok, eyagi des erogo sawe oginipu halok, ap huru enagania isagya halok, it Ala aburi avyarat ombasagwi menda enayeloman ovagak oginipu halok, it avakwa anggin enovaga agya yonggar-inipu halok, eke, yi yavup ndi yavup sek okbisaup ovok erogo “An neyavup-at,” yiluk, ogasiga halok, ininis dirup warup sek ovara,