Lukas 8:25 - ALA WENE HIVIS DIRUP WATUGWA

²⁵ Dek agya lagagimu, Yesus en At ane welagwi menda yugirigya dugwit, “Henendawi novaga vanggabaluk avyarat nombasagwi ako nggayok lagipik yagalagwi?” Yugirigya lagagimu, enalon en at ambien at ambi yugigik yugu dugwit, “Avyak! Is o havut endengga yugugu hegek, At ane hulisiga yi sa embetep? Wi!” yiluk, vok yagagwa.

Lukas 8:25 Iomraidhean Croise

Matius 14:31

Yugugu lagagimu, Yesus inggis hamilogo vagatigi. Hamilogo vagatya dugwit, “Hat hendawi des erogo avyarat nembetetek yi, nggarogo yiluk hendawi mberen agindik?”

Matius 17:20

Yugugu lagagwama, “Henendawi des erogo avyarat nembetetek ako vaga ogarup meyanat welagep. Hit henendawi novaga vanggabaluk avyarat nombasagwi ako, yo vudok enggen maduk ovagak duklipmu en, ndom yi yugugu dugwit, ‘Yoma en higilogo o andoma elak,’ yiluk, yugugu hinigik, higilogo o andoma lagya helap. Henendawi mondok avyarat numbutu hiniselok, hit ogarup ombasagwi ako ambi ogarup meyan andi dek, ovok erogo ogagu dogogup o.” [

Matius 6:30

Yoangga-hedangga weram menda yogak mudi-mudis inggya, eke, heveret sakni baguselok, hali ninggya, ogasiga ovara, At Ala en elese sek erogo baliga atma, Aren yoangga ako madugat okbagya, eke, hit avakwa henendawi Ala des erogo avyarat ombasagwidek menda yi, hit mondok iya-at okbigigya, ogarisogonbuk ombasagwi?

Matius 8:10

Yugogogi ako At Yesus aruk hunggu lagagirik, “Wi!” yiluk, vok yagagi. Vok iri lagagirik, At inim nelagwi ako yugirigya dugwit, “It Iserali menda enanggelekma en ap weram Yakuri dek menda yi, endawi mondok avyarat nombasiga yerogo An ambi hinisaligadek, yiluk, avyarat yukheraliga.

Matius 8:26

Yugugu lagagwama, Yesus en, “Hit ap henendawi Ala des erogo avyarat ombasagwidek menda yi nggarogo yiluk henalon helagwi?” yugirigya lagagirik, mendek yiluk, o havut endengga inim, is mogoliluk navunak-kavunak iris ako inim, mberugu lagagimu, wadokdek mbuvat yagagi.

Markus 4:35

Yugirigya lagagirik, o howam agya halok, At Yesus en At ane welagwi menda ako yugirigya dugwit, “Is ambo elavokot lasogom en,” yiluk, yugeragagi.

Lukas 12:28

Yoangga-hedangga weram menda yogak mudi-mudis inggya, eke heveret sakni baguselok, hali ninggya, ogasiga ovara, At Ala en elese sek erogo baligama, Aren yoangga ako madugat okbagya, eke, hit avakwa henendawi Ala des erogo avyarat ombasagwidek menda yi, hit mondok iya-at okbigigya, ogarisogonbuk embetep?”

Lukas 8:24

Seve yagan wambigya lagagimu, Yesus adema lagu lagagwarik, iluk okbaluk, “Nenasin wai! Nenasin wai! Is mondok ndokal ninivisiga!” Yugugu lagagwama, At iluk akluk, o havut endengga inim, inamut mogoliluk ogagya inim, mberugu lagagimu, havut mbup iri lagagirik, is ako avolok dek agagi.

Lukas 8:26

Andoma en, is Galilea mbalogo ambo elavikit en avakwa Nggerasa menda werekma wombagagwa.

Yohanes 11:40

Yugugu lagagimu, Yesus en, “Hat hendawi novaga vanggabaluk, avyarat nimbita heyalok, Ala inis mondok siyalek dugwit, ogagya hayogon o, yukhigis akora?”