Lukas 8:18 - ALA WENE HIVIS DIRUP WATUGWA

¹⁸ “Henendawi dibavovok yiluk, An nane henaruk des erogo holek dogwes. It ap avyarat wene dibelagwi halok andi, hivis ambi inim erogo dibapwak yiluk, okbugu dogosogon. Eke, it avyarat wene dibelagwidek halok andi, horogat inilup dugwit, ‘An dibagi,’ ombasagwi andi, hivis mondok inunggut okbisayogon o,” yiluk, yugeragagi.

Lukas 8:18 Iomraidhean Croise

Matius 13:12

Saen ambi agarik halok, ambi inim ovaga hondalogo wogeramindikmu, wisane-at arisogon o. Eke, saen ambi dek halok, ambukumat agarik akoat haurogo hidigya hagup.

Matius 25:29

Saen ambi agarik halok, ambi inim ovaga hondalogo wogeramindikmu, wisane-at arisogon o. Eke, saen ambi dek halok, ambukumat vagago agarik akoat haurogo hidigya hagup.

Markus 13:14

Hit Ala wene dirup warek yi bikhelagwi menda andi, henendawi dibagu dogwes! Yesus en iri dugwit “‘Agoda werek weyak okbisaliga menda,’ o mogama mendek hinil hugu dugwit, ‘Wi’ yiluk, it o Yudea agarwik menda hoda o ndom vaga andoma hwilaklari lapwak.

Lukas 19:26

“Yugugu lagagwama, aren, ‘Hit menda ambi agarik halok andi, ambi inim ovaga hondalogo wokhirigya hagup. Eke, hit menda ambi dek halok andi, ambukumat agarik ako haurogo hidigya hagup o.

Lukas 9:44

“An wene yukheraliga yi, des erogo henaruk holes. An Ap-At Endaklagagis yi, narupwak yiluk neyave vagago ap wogirigya hagup.”

Yohanes 15:2

Yo inggis abwak ambi An ninim hunik dugwit, enggen yigitek halok, Nasin en mbalogo baliga. Eke, yo abwak ambi vaga enggen yugu halok, ambi inim yugu dogopwak yiluk, wererogo baliga.

Lakbogogi Wene 10:33

yuknugu lagama, mbikit yonggo lakbiselagirikmu hat nadema neya wagen atma, naswe wa. Neya wagen atma, yogak Hasin Ala en, ‘Anderogo yugerano’ yukhigas ako ovok erogo yukneranok yiluk, Ala ivaga homagyo,” yiluk, yugogogi.

Lakbogogi Wene 17:11

It avakwa Tesalonika menda andi, enendawi lakot ovara, it Berea menda andi, enendawi mondok sekma, Ala wene yugeragagwa ako, enendawi adenggen vaga wugu lagagwarik, “At Paulus en wene yukneraliga yi, avyarat a, dek a,” yiluk, hutun-howam Ala wene dirup warek bikhugu lagagwa.

Oroma 12:3

Ala en, “At yi, An nane yugeregek lagya dogopwak o,” yiluk, endawi hunik en onggodek unat andok okbaninggigi ako vaga hit ovok erogo wene ambi yukherayogon. Hit Sek Wene avyarat umbutu lagagupmu, Ala eyavup ogagu dogovovok yiluk, henadigetap-at andok okbigigi. Henadigetap andok okbigigi ako, dibaluk, “An yiat andok okbaninggigi higi,” yiluk, wane-wane ogarit lagu dugwit, hat horok madugat andok okbagagigi hegek, “An iya erogo andok okbaninggigi higi,” yiluk, wogobatugu dogobuk. Ata, “An yiat woknigigi atma,” yiluk, henendawi sovalek dugwit, ogarit lagu dogones.

1 Korindus 14:37

It sanien “An navi Ala en yuknugu hegek yugeraliga menda ai,” ata, “Ala Averiniki nendawima des yagas ai,” yiluk, imbita halok andi, aren “Wene Paulus dirup warogo wokneragagi yi, Nenowa Yesus en yugugu hegek dirup warogo wokneragagi avyarat ai,” yiluk, vagalupwak.

1 Korindus 3:18

Hirenen, “An ovok nilup atma, nendawi werek,” ombakluk, okhedegek nelagwi vaga henambukmu dagalhedelagwi atma, anderogo ombarubuk. It avakwa wen vaga menda en, “Nit ovok ninilup atma, nenendawi werek aro,” yiluk, ombasagwi wane-wane, hit ambi anderogo umbutu hiniselok, Ala en henendawi werek henombasigadek. Ata, Ala en henendawi werek henombarupwak yiluk, wes ovagak akluk, dogones o.

1 Korindus 8:2

Ap ambi saen, “Wene andi An ovok nilup,” imbita halok, at eyave des erogo ilup arup menda ao inggut hegek irisim atma, inggut enat yagaliga ombarup.

Pilipi 3:4

It ninen, “Nit nenagamut mbalek menda agurik,” andi vaga enendawi vanggabaluk, ombasagwi ako andi, horogat okbogogwa hegek ombasagwi. Eke, an andi, Yakuri enandogon ogasagwi menda eve iya erogo okbanunggugwa atma, nendawi andi vaga vanggabaluk, dogop segat ovara, “Andi vaga ambi okhedaup dek,” imbita lagirik hekbagagis ako yerogo:

Iberani 2:1

Anderogo atma, nit Ala wene nenaruk hobaluk wogogup ako, hekbaluk sup hunogoma nomaliluk lagu ninisaoen, ambi inim nggetok erogo vagago dogosogom.