Lukas 8:15 - ALA WENE HIVIS DIRUP WATUGWA

¹⁵ “Eke, awi wen mudis vaga wombagagi ako andi, it avakwa wene hobaluk enendawi eve sek vaga wugu lagarwik, hunik adigat ogagu dugwit, enggen yiliga ako aro,” yiluk, yugeragagi.

Lukas 8:15 Iomraidhean Croise

Matius 24:13

Anderogoat ari warugwi ovara, o hivis atok vaga henendawi wadokdek dogomwi halok, henagap wendakhinivugwi.

Lukas 11:28

Yugugu lagagimu, At Yesus en, “At ako endawi adenggen imbita dogosogon ovara, it Ala wene des erogo hobaluk, ogarit laguselok andi, enendawi mondok adenggen wisane umbutu dogosogom,” yiluk, yugeragagi.

Lukas 6:45

Ap ovavut sek menda en, sek menda endawima ndugerek agarik ako vaga sek adigat ogasiga. Eke, ap ovavut weyak menda en, weyak menda endawima ndugerek agarik ako vaga weyak adigat ogasiga. Endawima en nggeker-erek wunggu dugwit, abis vaga en yagaliga o,” yiluk, yugeragagi.

Lukas 8:14

“Awi yoangga hedangga aik werek anggelekma wombagagi ako andi, it avakwa wene enaruk hulisagwi ovara, eneyave dogop vaga enendawi anggin vaga wenggelit lagwi, ininggi werek okhedaup adigat enendawi wenggelit lagwi, wen vaga sek dogop adigat enendawi wenggelit lagwi, ogarit lagu dugwit, wene yugup ako mbalogo wombalisagwi aro. Enggen eve sek menda mondok yiligadek.”

Lukas 8:16

Yugirigya lagagirik, ambi yugirigya dugwit, “Lambu yevedogo baluk sogolowak vaga vi wogogo belagwidek, eke mbanggu avema belagwidek. Ata, yevedogo baluk, it avakwa sup nunggu wendagwi ako awiya hapwak yiluk, winimen sigama belagwi.

Yohanes 14:15

Yugirigya lagagirik, Yesus en ambi inim yugirigya dugwit, “Hit An henendawi hunik oknitu hiniselok, Anen, yerogo ogarup, nderogo ogarup, yukheraliga ako des erogo ogagu dogosogom.

Yohanes 15:10

Nasin en, ‘Yerogo ogarup, nderogo ogarup,’ yuknogogi ako An ogagya lagagis vaga endawi hunik okneraliga ako hak, Anen, ‘Yerogo ogarup, nderogo ogarup,’ yukheraliga ako ogagu hiniselok, nendawi hunik okhinivisogon atma, ninim hunigat dogosogom.”

Oroma 2:7

It avakwa ninen sek umbutu dugwit, “Ala en At abinak menda woknirigya, nenagayuk wutu, iniluk mondok dogop menda woknirigya, ogarupwak ai,” yiluk, enendawi sagain vaga hora yiluk, mbup yegetek sek adigat ogarit lendagwi. It avakwa anderogo ogasagwi ako, Ala en iniluk mondok dogop menda wogerayogon.

Oroma 6:22

Eke, yogak andi, hit weyak avema welagagup ako, Ala en heda visilogo bigigu lagagirik, At ayeloman dogovovok yiluk, okbigigi. Andi okbigigi ako vaga At ake denek sek adigat ogarit lagu dugwit, atok vaga hiniluk mondok dogop menda andok arugup.

Oroma 7:18

An sek ogarup ombasiga ovara, ogarup meyan asiga. An eve avakwa atma, nendawima sek ambi ogarup okneraligadek andi nilup agirik.

Oroma 7:4

Naswei. Anderogo wane-wane, hit ogo, Keretus eyave watugwa andi, hinimat hombagagup atma, Musa wene ako avema agipikbuk. Eke yogak andi, hit Ala ake sek ogagu dogovovok yiluk, At Yesus hambisagwima en iluk erogo mondok okbagagi ako At angge-at wokhinipigirikmu agipik.

Oroma 8:25

Ovara, ninil hegetek menda hasogom yiluk, nenape wenggelek agurik halok, nenendawi mondok hora yiluk, sok helagwi.

1 Korindus 7:19

Henagamut mbalek inim, henagamut mbalekdek inim, andi iya dek. Ata, At Ala en “Yerogo ogarup, nderogo ogarup,” yukneraliga ako ogarit laup halok, andiat mondok iya o.

Evesus 2:8

Hit avyarat umbutu dugwit, henendawi At ovaga vanggabagu hiniselok, henabwa en endawi hunik okhinipu dugwit, henagap wendatigi o. Hit ambi okhedagagup vaga okbigigitek. Ata, Ala en onggodek unat okbogogogi.

Pilipi 1:11

Yo enggen eve mondok sek yilin landiga andi hak, Yesus Keretus okbigigu hegek henovavut sek adigat ogarit lendagwi ako vaga avakwa en inil hinugu dogomundik, Ala inis adup ogagwi, wogobagwi, ogagu dogosogom o.

Kolose 1:10

Henake samban ogasagwi andi, Nenowa Inis Ombok endawi sek henombarupwak yiluk, ndatak ogarit lagu dugwit, yo enggen eve sek adigat yiliga hak, sek adigat ogarit lagwi, eke, Ala ogasiga hinilup agu dugwit, henendawi modo agwi, ogarovovok yiluk, henake samban ogasagwi.

Kolose 1:6

Sek wene Keretus avok henaruk hobaluk, Ala avyarat endawi nenabwa en okbininaliga wene ako yedok hugu lagagupik, avyarat umbutu dugwit, wagagup hudien, yogak aoat henanggelekma en wigaliluk landiga atma, yo enggen sek yiliga hak, o yi awi ndi awi ovok erogo anderogoat wigaliluk lagya dugwit, enggen eve wisane erogo yilin landiga.

Iberani 10:36

Ala wene vaga dirup ambi yerogo warek agarik: “At warup ako andi, aburuk erogo dukluk warisogonbuk. At mbikirat warisogon atma, it An naburi enendawi eve sek adigat akoen enendawi novaga vanggabaluk avyarat numbutuselok andi, iniluk-at dogosogom o. Eke, it avyarat nombasagwi ako hekbanungguselok andi, An sek enombarisogonbuk,” yiluk, dirup warek agarik atma, Ala en hit ogagu dogop hinimbitigi ako, mondok ogagu hiniselok, wokheraup yagagi ako wokherapwak yiluk, weyak okhinipusigik ovara, henendawi wadokdek dugwit, wugu dogones.

Iberani 2:1

Anderogo atma, nit Ala wene nenaruk hobaluk wogogup ako, hekbaluk sup hunogoma nomaliluk lagu ninisaoen, ambi inim nggetok erogo vagago dogosogom.

Yakobus 1:4

Anggin-mbanggin henovaga agya hegek, hit henendawi wadokdek horaik dugwit ogagu dogosogom halok, hit henendawi hoda okhinipu, eke mondok sek okhinipu, henendawi werek okhinipu, ogagya dogosogon o.

1 Yohanes 2:3

Ala en, “Yerogo ogarup, nderogo ogarup,” wene yukneragagi ako wane-wane ogasagwi vaga, “It ap yi, avyarat Ala inilup inugup o,” yiluk, yagalagwi.