Lukas 8:14 - ALA WENE HIVIS DIRUP WATUGWA

¹⁴ “Awi yoangga hedangga aik werek anggelekma wombagagi ako andi, it avakwa wene enaruk hulisagwi ovara, eneyave dogop vaga enendawi anggin vaga wenggelit lagwi, ininggi werek okhedaup adigat enendawi wenggelit lagwi, wen vaga sek dogop adigat enendawi wenggelit lagwi, ogarit lagu dugwit, wene yugup ako mbalogo wombalisagwi aro. Enggen eve sek menda mondok yiligadek.”

Lukas 8:14 Iomraidhean Croise

Matius 13:22

Eke, awi yoangga hedangga aik werek anggelekma wombagagi ako andi, it wene enaruk hulisagwi ovara, enendawi anggin dugwit wen vaga menda adigat wenggelit nagwis, enangge dek arup menda hegek, enendawi hunik okhedegek nagwis, ogasagwi ako vaga Ala wene wagagwa ako sovalogo hekbagarwikmu, eyave enggen yiklagetek-at agaruk.

Markus 4:19

wen vaga menda adigat enendawi anggin vaga wenggelit lagwi, yi menda ndi menda dek arup hegek enendawi wenggelit lagwi, yi menda ndi menda enendawi hogop ombarit lagwi, andi ogarit lendagwi vaga, wene ako sovalogo hekbelagwi atma, andi vaga eyave enggen yiklagetek-at agaruk.

Lukas 16:13

“Ap ambien asini mberen enayeloman akluk, enake ogagya dogop meyan. Iperen enake ogarit lagya halok, ambi anggon imbita dugwit, ambi endawi hunik ombarisogon, eke, ambien ogarup yugugu ako ova seve yiluk ogagya dugwit, ambien ogarup yugugu ako anggon adigat ombarisogon. Hiren At Ala inim, henangge-henayoparip wen vaga menda ako inim, iperen henendawi dambubaluk musek laup andi, meyan,” yiluk, yugeragagi.

Lukas 21:34

Yesus en wene ambi yugirigya dugwit, “Bagas sakno bagoma mbikit sopalandiga hak, ‘Ndugwis andi vaga anderogo okhinivisogon,’ yiluk, wene yukhirigi ako, hit avakwa o wen vaga yoma ovok erogo ndugwis ambi vaga mbikit supuk erogo okbigiga wasogon atma, henendawi suam wakhidugu dogones. Yi menda ndi menda henagaum dek heda nenggek nagwis, amburup nenek oginivisiga menda nenggek nagwis, ‘Nangge nggarogo okhedaik o,’ yiluk, henendawi anggin wisane wenggelit nagwis, ogagu dugwit, henendawi ugun obak hinisaoen, henendawi suam wakhidugu dogones.

Lukas 8:13

“Eke, awi helep iri vaga wombagagi ako andi, it avakwa Ala wene hobaluk enadenggen dugwit, wugu lagarwik, sidok avyarat ombasagwi ovara, enendawima omanggen segerogo yagetekma hivis enendawi avut mbanggya vaga hekbisiluk wilisagwi akoat.”

Lukas 8:15

“Eke, awi wen mudis vaga wombagagi ako andi, it avakwa wene hobaluk enendawi eve sek vaga wugu lagarwik, hunik adigat ogagu dugwit, enggen yiliga ako aro,” yiluk, yugeragagi.

Lukas 8:7

“Nin yoangga hedangga aik werek anggelekma wombalit lagagi. Yoangga hedangga aik werekma wombalit lagagi ako andi, adok-adok angge ako inim inggya dugwit, mbalogo wombanggigi.”

Yohanes 15:6

Abwak mbalogo bagarwikmu mbuk agya halok, avakwa en wonggalogo hali abyama beyak hanungguguselok, hali naliga hak, hit An ninim hunik dek hiniselok, anderogoat okbigigayogon.

1 Timotius 6:17

It avakwa o yogak ininggis werek agarwik ako, andi vaga enendawi wogobatugu dugwit, yi menda ndi menda dek arup hegek, enendawi andi vaga vanggabaluk wenggelek dogoguven, yugirigya dogwen. Nit adenggen ombaruguluk, At yi menda ndi menda nggilup-nggilup erogo wokneraliga Ala vaga vanggabaluk wenggelek dogopwak yiluk, yugirigya dogwen.

2 Timotius 4:10

Andi, ap Demas wen vaga menda adigat endawi hunik agagima, hekbaniluk o Tesalonika winggigi. Eke, ap Kerekes o Nggalatia lagya, ap Titus o Dalamatia lagya, ogagusigik,

Iberani 6:1

Anderogo atma, nit avyarat umbutu lagagurik, wene adem Keretus avok endak mamulik ako menda yugu dogosogombuk. Ata, nit nenendawi werek okbininaup wene ako inim yugu dogosogom. Weyak ogasagwi menda enam warogo ogagu lagagup ako nenasam helok, hekbiselagwi wene inim, Ala avyarat ombasagwi wene inim, wene adem andi menda ambi inim yukherasogombuk. Ima wombabiselagwi wene inim, inunggul nininggis vakbisiluk, samban ogasagwi wene inim, avakwa hombagao menda iniluk erogo mondok okbisaup wene inim, o hivis vaga enowak dilogo anggin mondok-mondok enovaga bisaup wene inim, wene adem endak mamulik menda ovok erogo andi, leget owak ngguvulik ovagak agarik segat ovara, nit nenendawi werek okbininaup wene yugeregetek andi, awurik bagetek owak adigat ngguvulik agarik ovagak andi, moga.