Lukas 8:13 - ALA WENE HIVIS DIRUP WATUGWA

¹³ “Eke, awi helep iri vaga wombagagi ako andi, it avakwa Ala wene hobaluk enadenggen dugwit, wugu lagarwik, sidok avyarat ombasagwi ovara, enendawima omanggen segerogo yagetekma hivis enendawi avut mbanggya vaga hekbisiluk wilisagwi akoat.”

Lukas 8:13 Iomraidhean Croise

Lukas 8:12

Awi suvaga wombagagi ako andi, avakwa en Ala wene hunggu lagaoma, Sile en wagya lagarik, wene hunggugwa ako avyarat ombasagwi vaga enagap wendatya haoen yiluk, wene enendawima yago ako haurogo wolok wilisiga.”

Lukas 8:14

“Awi yoangga hedangga aik werek anggelekma wombagagi ako andi, it avakwa wene enaruk hulisagwi ovara, eneyave dogop vaga enendawi anggin vaga wenggelit lagwi, ininggi werek okhedaup adigat enendawi wenggelit lagwi, wen vaga sek dogop adigat enendawi wenggelit lagwi, ogarit lagu dugwit, wene yugup ako mbalogo wombalisagwi aro. Enggen eve sek menda mondok yiligadek.”

Yohanes 15:2

Yo inggis abwak ambi An ninim hunik dugwit, enggen yigitek halok, Nasin en mbalogo baliga. Eke, yo abwak ambi vaga enggen yugu halok, ambi inim yugu dogopwak yiluk, wererogo baliga.

Yohanes 15:6

Abwak mbalogo bagarwikmu mbuk agya halok, avakwa en wonggalogo hali abyama beyak hanungguguselok, hali naliga hak, hit An ninim hunik dek hiniselok, anderogoat okbigigayogon.

Yohanes 5:35

Ap Yohanes andi, hali yevedek abya wisane ogasiga hak welagagi. Dugwit, awiya okbisaliga hak yukhirigya lagagi vaga henendawi adenggen sidok embetep ovara,

1 Korindus 13:2

An navi ovagak dugwit, Ala ane yugirigya dogogiluk, andok okbaninggya, yi wene ndi wene adem nilup akluk, des erogo yugirigya, wene agose hwilago menda ovok yedok higya, nendawi avyarat imbita dugwit, “Ndom yi heyave adikmu wiklaru o,” yiluk, yugugu neyalok, adikmu wiklari lagya, ogagya dugwit ovara, nendawi avakwa hunik okbigitek dugwit ogagya neyalok andi, an un enam warogo-at agirik higi.

1 Korindus 15:2

Yukheragagis ako hiren mondok wadokdek vagago dogosogom halok, Sek Wene andi vaga henagap wendarisogon. Anderogo ovara, hiren mondok wadokdek vagago dogosogombuk halok, un enam warogo avyarat umbutugup ai?

Nggalatia 3:1

Aga! Hit avakwa Nggalatia menda yi! Yesus Keretus yo winik vaga hombagagi wene ako, hwilago dek mondok sigam erogo mbilinogo yukhirigya lagagis hunggu lagagup ovara, ai! Yogak andi, henendawi apik erogo saen nomalhinivuluk wilisiga?

Nggalatia 3:4

Hit wene wagagup ako vaga mondok anggin eve iya erogo okbugugusigik, henendawi sagain vaga dugwit wugu lagagup ako andi, un enam warogo wugu lagagup yi? An anderogo ombasigadek, naswei.

Evesus 3:17

Hit avyarat ombasagwi atma, Keretus henendawima mondok awi valheda nunggu warupwak yiluk, henake samban ogasiga. Eke, yo omanggen wen mudis sek vaga yagoma wadokdek agarik hak, hit anderogoat henendawi wadokdek dugwit, avakwa hinim henendawi hunik okbugu dogovovok yiluk, henake samban ogasiga.

Kolose 1:23

Keretus andi ogagagi ako vaga, Ala hinim dambulogo bigigirikmu, Sek Wene Keretus avok hit hunggu lagagupik, avyarat umbutu dugwit, “Ala en anderogo okbininayogon higi,” yiluk, henape wenggelek agipik ako, hekbabuk. Ata, o owak ngguvulik hak Keretus vaga henendawi vanggabaluk, wene avyarat umbutugup ako, henendawi wadokdek dugwit, musek lagu dogones. Eke, Sek Wene yi awi ndi awi ovok erogo wigalit landiga ako andi, an Paulus ninimat yugirigya dogogiluk, Ala ayeloman ogarogo baninggigi.

Kolose 2:7

Henomanggen anye erogo Yesus vaga yakbaluk, hinim hunik dugwit, henendawi hoda okhidugu dogones. Eke, avyarat umbutugup ako wadokdek vagago dogovovok yiluk mamulheragagwa ako, wane-wane wadokdek vagago dogones. Ogagu dugwit, henendawi mondok adenggen vaga, Ala, “Wa!” yugugu dogones.

1 Tesalonika 3:5

Anderogo atma, hit nggarogo agipik an ninggut dogop meyan oknitya lagagimu, at nit weyak ogarupwak yiluk nenendawima malisiga menda akoen hit henendawi nomalhinivup hegek nit enam warogo wene yukhirugu lagagup haoen, nendawi anggin dugwit, hit henendawi Yesus ovaga vanggabaluk avyarat ombasagwi ako nggarogo ogasagwi an nilup arigiluk, henake ap Timotius lakba wagagis.

Iberani 10:39

It ap wene avyarat umbutu lagagwarik wogogwa ako, hekbaguselok, Ala en eneyave degerogo bisayogon ako menda nit dek o. Ata, it avyarat umbutuselok, mondok-mondok iniluk dogop ako menda nit agurik.

Yakobus 2:26

Neneyave yi hegek, nenendawi nggigis erogo wunggu halok, “Ap andi hombagas o,” yagalagwi ako ndatak nenendawi avyarat ombasagwi ovara, Ala wene andi eyave inim ogagetek halok andi, un enam warogo-at avyarat ombasagwi.

2 Peterus 2:20

It andi, nenagap wendasiga Nenowa Inis Ombok Yesus Keretus inilup dugwit, wen vaga yoma weyak ogarup oginivisagwi ako enasam hugu dugwit, enambukmunggan hekbagagwa ovara, andi okbaluk, hivis, it endak weyak ogagu lagagwa ako enendawima wenggebaluk ogarit laguselok, enandogon endak ambukum segat dugwit, ogagu lagagwa ovara, hivis atok vaga mondok weyak evenuk erogo okhedelagwi.

2 Peterus 2:22

Avakwa en wakhegek yagalagwi menda mberen yi, it ap andi ndatak ogasagwi: “Yangge en bobo ukbaluk, andien hivis eyami vaga dagalogo naliga,” yiluk, yagalagwi ako, eke, ambi, “Wam nggamo sek erogo wakbelagwi ovara, andien, eyami vaga suguliluk iborokma-at huli wari nunggwisiga,” yiluk, yagalagwi ako inim, avyarat yagalagwi atma, it ako andi wane-wane-at ogarit nelagwi.

1 Yohanes 2:19

It ap Keretus inim ogorek menda andi, endak ninim homagu lagagup ovara, “It andi, nit menda dek o,” yiluk, hekbininiluk wunggugwa. “It ap andi, nit menda aro,” yiluk ombatlipmu en, ninimat duklu ovara, Ala en, “It andi, ovok erogo hit menda dek, hunogo menda agarwik, yiluk, sigam arupwak,” yiluk, imbitigi vaga anderogo hekbininiluk wunggugwa.

Yudas 1:12

Hit nendawi-hendawi hunik vaga erom naguluk, wongganggusim, it ap andi enanggadidek dugwit, “Nit adigat nasogom,” yiluk, milo-milo nelagwi atma, yum eve mudu sek hegek, agakoma weyak mudis lobalek agarik ako hak dugwit, ogasagwi. It andi, musu nenggetek ovara, havut en enam warogo wolok naliga andi, irat. Yo enggen eve yupwak yiluk, awi yasagwi ovara, enggen yup amor ari wagyaim, enggen eyave yigitek angga mudu hale iri halok, henogo bagarwikmu, mondok mbuk asiga andi, irat.