Lukas 8:1 - ALA WENE HIVIS DIRUP WATUGWA

¹ Andien, At Yesus en Ala avema bisaup Sek Wene ako o kota ombokma inim, madukma inim, yugeregek nagu lagagi. Nagu dugwit, At ane welagwi menda 12 ako inim nagusim,

Lukas 8:1 Iomraidhean Croise

Matius 11:1

At Yesus en it At ane welagwi menda 12 ako, “Yerogo ogagu dogones o,” yugerelok, o andoma en avakwa enamwa kota-kota akoma wene mamulirigya, avakwa Sek Wene yugirigya, ogarit lagagi.

Matius 13:19

Awi suvaga wombagagi ako andi, it avakwa Ala avema bisaup wene enaruk hobaluk, dibagetek iniselok, at mondok weyak adigat ogasiga Sile akoen wagya lagarik, wene sek menda enendawima yago ako haurogo wolok wilisiga.

Matius 4:23

At Yesus o Galilea avilis-ambot ovok erogo nagu dugwit, it Yakuri samban ogasagwima wene mamulirigya, Sek Wene Ala avema bisaup wene ako, avakwa yugirigya, aup adem adik-adik menda inim, idup-mbidup menda inim, sek oginipu, ogarit nagu lagagi.

Matius 9:35

At Yesus o kota ombokma inim, o madukma inim yanonggegek-ndanonggegek lagya dugwit, it samban ogasagwima wene mamulirigya, Sek Wene At mbogot vaga menda avema bisaup wene ako avakwa yugirigya, it aup adem adik-adik menda inim, eneyave idup-mbidup menda inim, sek oginipu, ogarit nagu lagagi.

Markus 1:39

o Galilea avilis-ambot andoma it ap Yakuri samban ogasagwima yugeregek nagu dugwit, madis enendawima werek menda halok, nggigilogo wibisilin nagu lagagi.

Lukas 1:80

Eke, avyak Yohanes ako sawe agya dugwit, endawi mondok hoda agagi. Aren avakwa Iserali menda enadema sigam agetek hegek, o harumu avakwa dekma andoma welagagi.

Lukas 20:1

Hivis ndugwis ambi vaga At Yesus Ala awi valekma mbumbumu dugwit, wene mamulirigya, Sek Wene yugirigya, ogagyama, ap imam-imam enasini inim, it Ala wene vagago agarwik menda inim, ap ombok-ombok inim, At adema wagagwa.

Lukas 4:18

“It avakwa ininggidek ako Sek Wene yugirigya dogopwak yiluk, denogo baninggigi atma, Nasin Ala Averiniki novaga agarik o. It avakwa heda mago agarwik ako, ‘Visilogo bisayogon o,’ yiluk, yugirigya, inil mbuk ako, ‘Hinil sek okbigigaup andi, ndak,’ yiluk, yugirigya, it avakwa sovabisiluk agarwik ako wender erogo bugu,

Lukas 9:6

Yugirigya lagagimu, lakbogogi ako lagu lagagwarik, yi awi ndi awi lagu dugwit, Sek Wene yugurugwi, avakwa sek okbugwis, ogarit nagu lagagwa.

Lakbogogi Wene 10:38

At Ala en Yesus Nasaret menda Averiniki ovaga wombaba wagya dugwit, denogo bagya, anye wogugu, ogagya lagagirik, Ala inim atma, sek ogarit lagya, it madis Sile avakwa enendawima malit landiga menda ako haryogo wibugu, ogarit nagu lagagi.”

Lakbogogi Wene 13:32

“Ala en nit nenombawi avyarat nggatuk erogo yugeragagi ako, Yesus hambuluk lendagwima en iluk erogo mendok okbagagi ako vaga, it enombawi nit nenake atma des iri lagagimu, Sek Wene yiat yukherelagwi. Anderogo atma, At Ala en iri dugwit: ‘Hat An Nabut, eke yogak An Hat Hasin agi o,’ yiluk, mbuku Ndawi Wene pasal 2 vaga dirup watigi.”