Lukas 7:8 - ALA WENE HIVIS DIRUP WATUGWA

⁸ An ogo, nasini enavema dugwit, enane hunggu, eke, an naori enayegen werek ako navema dugwit, an nane hunggwis, ogasagwima, naori ambi, “Elak,” yugugu neyalok andi, lagya, ambi, “Oma,” yugugu neyalok andi, wagya, eke, nayeloman, “Yi ogaru,” yugugu neyalok andi, ogagya, ogasagwima, [Yesus ogo “Sek aru,” iri halok, atma asogon, yiluk,] yuguri elales,’ yiluk, lakbinina wagarikmu yukhisagwi,” yiluk, yugogogwa.

Lukas 7:8 Iomraidhean Croise

Lukas 7:7

Eke, an ap horok atma, At adema laup ogo, ombasigadek. Ata, suvaga lagya dugwit “Sek aru,” ane iri halok nayeloman sek asogon.

Lukas 7:9

Yugogogwa Yesus aruk hunggu lagagirik, “At endawi avyarat nembetas, wi!” yiluk, vok yagagi. Vok iri lagagirik, avakwa At ambetaga lagwi ako ena endenogo biginigu dugwit, “It avakwa Iserali menda ogo, enendawi horogat avyarat numbutusigik, at weram Yakuri dek menda andi adigat novaga vanggabaluk avyarat ombok erogo nembetas, yiluk, yukheraliga.”

Lakbogogi Wene 23:17

Hurimbis yugugu lagagimu, at Paulus akoen it enayegen werek enasin avema menda ambi, yanggup yugogogi wagya lagagimu, yugugu dugwit, “At apsawe yien, henasin wene ambi yugirigiluk wagarikmu, wolok elak.”

Lakbogogi Wene 23:23

Yugugu lagagirik, it enayegen werek enasin at avema menda mberen eneyanggup yugirigya lagagirik, wagu lagagwama, yugirigya dugwit, “O hup jam 9 vaga o Kaisarea laguluk ap enayegen werek eneyave 200 inim, ap yegen werek kuda ambot-vaga horaik lendagwi menda eneyave 70 inim, eke, ap enaregowa werek eneyave 200 inim, mondok dikduk ogagu dogomundik,

Lakbogogi Wene 23:26

“Hinis mondok siyalek agindik nenasin Gubernur Velikis wa. An Kolaudius Lisias en wene ambi yukhisogon.

Lakbogogi Wene 23:31

Dirup watya lagagirik, “Wolok elales,” yugeragagi wane-wane it enayegen werek ako o hup Paulus wolok, o Andipatiris hudi balagagwa.

Lakbogogi Wene 24:23

Yugirigya lagagirik, at enayegen werek enowa ako yugugu dugwit, “Paulus andi, heda mago hak enewogogo vagago werekma, aswei en ake wogori waguselok andi, sek, yugerano,” yiluk, yugogogi.

Lakbogogi Wene 25:26

Anderogo imbiti ovara, at ogaga ambi an dirup warogo nasin Kaisar ake lakbaup dek atma, at ogaga ambi adem des erogo yuknugu hiniselok, dirup Kaisar ake warogo lakbaup yiluk, at eyave wolok hit ovok henadema wagi. Wene adem des erogo andi, hat nenasin Agiripa en belalinyok yiluk hadema wolok wagi.

Kolose 3:22

Hit avakwa enayeloman onggo hunik menda yi ako, henasini enendawi sek henombarupwak yiluk, inil inigik adigat ogagu dogobuk. Ata, Nenowa agayuk wutu dugwit, it yukherelagwi ako ovok erogo “E o,” yiluk, henendawi sek vaga eneyavup ogarit lagu dogones.