Lukas 7:42 - ALA WENE HIVIS DIRUP WATUGWA

⁴² Iperen mbalegangge onggo wogorup meyan halok, enabwa en, ‘Asugen. Un onggodek hedomanes,’ yiluk, yugeragagi. At asugen yugeragagi ako andi, ap eneyave mberen ako, mbalegangge ombok welagagi akova mondok endawi hunik imbitigi a, ata mbalegangge maduk welagagi akova mondok endawi hunik imbitigi a?”

Lukas 7:42 Iomraidhean Croise

Matius 18:27

Yugugu lagagimu, asin ap ombok akoen at ayeloman ako endawi abwa ombok erogo higya dugwit, ‘Mbalegangge avoloma woknirup ako asugen, degerogo bagaliga,’ yiluk, hekbagagi.”

Matius 18:34

Mberugu dugwit, ‘Nayoparip avoloma ao woknigitek heyagek, heda marogo idup-eda okbagagu dogopwak,’ yiluk, aninis en it lembaga malenombogo agarwik menda ako wogeragagi o,” yiluk, Yesus en Peterus yugogogi.

Matius 6:12

Eke, it ap nit weyak erogo bininelagwi ako, niren enomaduk ninunggut erogo biselagwi hak, Haren nit nenomaduk hinggut erogo bininggu dogwen o.

Lukas 7:43

Yugugu lagagimu, Simon en, “Dek. Ap mbalegangge ombok welagagi akoen mondok endawi hunik imbitigi ai?” yugugu lagagimu, Yesus en, “Yegen andi aro.”

Oroma 3:24

Wane-wane agetek-at agurik ovara, At Yesus Keretus en nenonggo mbabaluk heda visilogo bininggigi ako vaga Ala nenabwa en onggodek unat “Hit segat,” yiluk, wokninipigirikmu agurik.

Oroma 5:6

Nit nenagap wendakhedaup mondok meyanat ninigik, Ala en, “Andi hudi Keretus warupwak o,” yiluk, imbitigi ako hudi atma des yi wagya lagagimu, nit weyak ogasagwi menda nenake At hombagagi.

Nggalatia 3:10

Ala en iri dugwit, “Ap ambi ogagya dogop wene dirup warek yi, vagago dugwit, ovogat des erogo ogagetek halok, at vudilek-at dogopwak o,” yiluk, yagagi dirup warek agarik. Anderogo wane-wane it avakwa en, “Ala woknenombapwak yiluk, Musa wene ako ndatak-at ogarit lagu dogosogom o,” yiluk, wene andi vaga enendawi vanggabaluk ogarusogom ovara, wane-wane ogarup meyan halok, vudilek-at iniselagwi o.

Evesus 1:7

At Ala nenabwa imbita dugwit, At endawi werek atma, mondok dibininggu lagagirik, eyave wisane hegek-hegek okbinilin wulu wandiga ako wane-wane, At Abut amuya vaga nenonggo mbabaluk, heda visilogo bininggu lagagirik, nenomaduk mondok degerogo bininggigi.

Evesus 4:32

Hekbaluk, hinim nabwa-habwa ogagu dugwit, henendawi sagain vaga at ambien at ambi sek okbagek ogagu dogones. Keretus ogagagi ako vaga Ala en hit henomaduk degerogo bagagi ako wane-wane, hikirat weyak okhedelagwi ako, hinunggut erogo hekbagu dogones.

Kolose 3:13

Hikirat henendawi hora yiluk dugwit, at ambien at ambi omaduk degerogo bagek ogagu dogones. Hit henaswe ambien weyak okbugugu halok, Nenowa en hit henomaduk mondok degerogo bagagi ako wane-wane, hit ogo anderogoat weyak okhinivisiga ako omaduk degerogo bagu dogones.