Lukas 7:3 - ALA WENE HIVIS DIRUP WATUGWA

³ Ap yegen werek enasin ako Yesus ogarit lagya aruk hunggu lagagirik, ayeloman sek okba warupwak yiluk, Yakuri enasini nin yuguri lapwak yiluk yonggo lakbogogi.

Lukas 7:3 Iomraidhean Croise

Matius 8:5

Andi okbaluk, At Yesus o Kapernaum nunggu wagya lagagirik werekma, it ap enayegen werek enasin ambi Yesus adema wagya lagagirik, nggino yugugu dugwit,

Lukas 7:2

Lagya lagagirik, werekma, it ap enayegen werek Oroma menda enasin ambi ayeloman mondok endawi hunik, aup edup mondok hambigiluk ogagagi.

Lukas 7:4

Yonggo Yesus adema lakbogogi, lagu lagagwarik, it Yakuri enasini akoen enane enabwa edik enabwa edok seve erogo Yesus yugugu dugwit, “Ai, at ap enayegen werek enasin andi, nit avakwa Yakuri menda ninim endawi mondok hunik okninivisigama, eke, arenen nit Yakuri samban ogasagwima o vabininggigirikmu, anderogo atma, ayeloman sek ogari laup andi sek o.”

Lukas 8:41

Wugu lagagwama, ap ambi it Yakuri samban ogasagwima enasin inis Yairus, Yesus adema wagya lagagirik, avema seve yiluk, “An namwa niperen lasogom en, oma o,” yiluk, ane avuput vaga Yesus yugogogi.

Lukas 9:38

Adema wagu lagagwarik, avakwa wisane homari wagagwa ako ambien ane ombok vaga Yesus yugugu dugwit, “Ngguru wai. Nabut ambengga endagoma bikhanok yiluk, yukhisiga, Nasin!

Yohanes 4:47

Abut ako aup warek werekma, ap ako Yesus o Yudea en o Galilea wagagi hunggu lagagirik, Yesus adema wambu wagya lagagirik, at abut idup mondok hambup-at agya lagagimu, Yesus en sek ogari lapwak yiluk, yugogogi.

Vilemon 1:10

an nabut Onesimus hat hayeloman onggo hunik menda ako avok yukhisogon. An lembaga yoma heda mago dugwit, at an nabut ovagak agagirikmu,