Lukas 7:16 - ALA WENE HIVIS DIRUP WATUGWA

¹⁶ Wogugu lagagimu, it avakwa wisane enalon akluk, Ala siyabagu dugwit, “Ap navi Ala en yugugu hegek yugeraliga menda ap ombok ambi nenanggelekma en mendek yagas o,” yugu lagagwarik, “At Ala en At aburi bikninisa waga higyo,” yiluk, yagagwa.

Lukas 7:16 Iomraidhean Croise

Matius 15:31

Okbugu lagagimu, enanedek menda enane yugwi, ininggis-inisok nggedok-hobok erek menda sek agwi, inisok weyak menda sup lagwi, inil mbuk menda inil hugwi, ogagwi ako it avakwa wonggalek welagagwa akoen inil inigu lagagwarik, “Iya,” yiluk, vok yugu dugwit, ap Iserali Enasin Ala ako inis adup ogagagwa.

Matius 21:11

Yugu lagagwama, it avakwa wonggalek welagagwa akoen, “Ap yi Yesus, navi Ala en yugugu hegek yukneraliga o Galilea awi Nasaret menda ako,” yiluk, yagagwa.

Matius 28:8

Yugirigya lagagimu, it akwa ako wimu bikha nunggugu lagagwarik, wulu wakluk, enalon ogonopigi ovara, enendawi mondok sek umbutu dugwit, hupuk it Yesus ane welagwi menda ako yugera lagusim,

Matius 9:8

Andi ogagagi ako, it avakwa inil hugu lagagwarik, enalon en, “Ala en it avakwa anderogo ogagu dogopwak yiluk, andok okbisaliga atma, iya!” yiluk, Ala siyabagagwa.

Lukas 1:65

Andi ogagagi vaga it inim agarwik ako enalon wisane agagwa. Eke, it avakwa o Yudea ndom vaga agarwik akoen yi wene ndi wene oklagagi ako mbilinogo yugeregek lagagwa.

Lukas 1:68

“Nit avakwa Iserali menda Nenasin Ala ako nenadema wagya lagarik, heda visilogo bininggarikmu, inis siyabagu dogosogom o.

Lukas 2:20

Eke, it ap ndomba andok ako eneyami vaga lagu dugwit, malaikat en it yugeragagi ako ndatak enaruk hunggwis, inil hugwi, ogagagwarikmu, Ala agayuk wurogo inis siyabalin lagagwa.

Lukas 24:19

Yugugu lagagimu, At Yesus en, “Nggarogo agarikmu yegep?” Yugirigya lagagimu, iren, “Ap Yesus awi Nasaret menda. At andi, Ala en yugugu hegek yugeraliga menda navi dugwit, wene yugirigya laga inim, ogagya laga inim, andi Ala ogo, nit avakwa ovok erogo ogo, ninivaga mondok anye iya erogo ogarit lagya hugu lagyo.

Lukas 5:26

Ako lagya hegek, it ogagya hagagwa ako vaga Ala inis siyabagu dugwit, “Yogak ninil helagwidek menda higyoma, wi nenalon!” yiluk, vok yagagwa.

Lukas 5:8

Simon Peterus en mburis ako sovanggya menda higya lagagirik, Yesus avema seve yiluk, “Ai, Nasin. An ap weyak ogasiga menda atma, baniluk wilin o,” yiluk, yugogogi.

Lukas 7:15

Yugugu lagagimu, apsawe hombagagi ako iluk akluk yo durik ako vaga hora iri lagagirik, ane yagagi. Ane iri lagagimu, Yesus en apsawe ako isa wogogogi.

Lukas 7:39

Ap Varisi menda, “Yesus ninim erom naup,” yugogogi akoen hwa ako ogagya higya lagagirik, endawi imbita dugwit, “Hwa yi, weyak ogasiga menda atma, ap Yesus yi ako navi avyarat duklipmu en, ‘Hwa weyak ogasiga menda en vaknitya higi,’ yiluk, andi vage yedok helap,” imbitigi.

Lukas 8:37

Yugurugu lagagwama, it avakwa o Nggerasa menda yi awi ndi awi andoma ovok erogo mondok enalon wisane agu lagagwarik, Yesus it enamwa andoma en hekbaluk wulupwak yiluk, yugogogwa. Yugugu lagagwama, Yesus mburis vaga nunggwigya lagagirik eyami vaga winggigi.

Lukas 9:19

Yugirigya lagagimu, iren yugugu dugwit, “Avakwa ninen, ‘At Yohanes Ima Wombabugu lagagi menda ako aro,’ yugwi, eke ninen, ‘Elia-at,’ yugwi, eke, ninen, ‘Ap muk Ala en yugirigya hegek yugurugu lagagwa navi-navi ako menda ambi iluk akluk, mendek yagas,’ yugwi, yagalagwi o.”

Yohanes 1:21

Yugirigya lagagimu, it akoen at Yohanes yugugu dugwit, “Andi halok hat andi sa? Hat ap Elia ako ai?” Yugugu lagagwama, at Yohanes en, “Ap Elia ako andi ogo, an dek.” Yugirigya lagagimu, iren, “Andi halok, ap Navi Ala en yugugu hegek yugeragiluk lakba warisogon yagagi ako, harat ai?” Yugugu lagagwama, aren iri dugwit, “Andi ogo, an dek.”

Yohanes 1:25

It lakbisa wagagwa Varisi menda akoen Yohanes yugugu dugwit, “Haren iri dugwit, ‘Avakwa enagap wendarupwak yiluk Ala en lakba warisogon andi, an dek. Ap Elia ako ogo an dek. Eke, ap Navi Ala en yugugu hegek yugeragiluk lakba warisogon yagagi ako ogo, an degat,’ yegen ovara, nggarogo yiluk avakwa ima wombabisilin naliga?”

Yohanes 4:19

Yugugu lagagimu, hwa akoen, “Ai, Nasin! Hat andi, avyarat navi Ala ane yugeraliga menda heyagi o.

Yohanes 6:14

Yedogo bagu lagagwama, avakwa akoma en inilup arup enalon werek menda ogagagi ako, inil hugu lagagwarik, yugu dugwit, “At Ala en yugugu hegek yugeraliga menda Navi o wen vaga yoma warup ako, ap yiat waga higyo.”

Yohanes 9:17

Ogot hudugu lagagwarik, at il mbuk welagagi ako ambi inim yugugu dugwit, “Avyak! Ap hat hil sek okhetas ako avok nggarogo yuknerami?” Yugugu lagagwama, aren it yugirigya dugwit, “Ala yugugu hegek yugeraliga menda navi Araro.”

Lakbogogi Wene 5:5

Yugogogi ako Ananias aruk hobaluk, wen vaga nggilinggu dugwit, andenam-at hombagagi. “Hombagas o,” yagagwa ako enaruk hunggugwarikmu it ovok en, “Wi!” yiluk, enalon wisane agagwa.

Lakbogogi Wene 7:37

“At ‘Henasin Ala en an lakbani wagagi hak, ap navi Ala en yugugu hegek yukheraliga menda ambi, hit menda-at, henake henadema lakba warisogon o,’ yiluk, it Iserali menda yugeragagi ako andi, at Musa-at.

Nggalatia 1:24

Hunggu lagagwarik, an ogasiga ako vaga vok yugu dugwit, Ala inis siyabagu lagagwa.