Lukas 7:13 - ALA WENE HIVIS DIRUP WATUGWA

¹³ Nenowa Yesus en hwa ako higya lagagirik, abwa wisane imbita dugwit, “Yup yarubuk,” yugogogi.

Lukas 7:13 Iomraidhean Croise

Markus 8:2

“It avakwa wisane yi, ninim nogo henggam yugu dugwit, enagarom ovok dek agarikmu, enabwa o.

Lukas 10:1

Andien, hivis Nenowa Yesus en ap adik 70 denogo lakbugu dugwit, yi awi ndi awi o kota adik-adik laup imbitigirikmu akoma it enendak mberen hondok lakbogogi.

Lukas 11:1

Ndugwis ambi vaga At Yesus o ambima samban ogagagi. Samban ogagya lagagimu, At ane welagwi menda ambien Yesus yugugu dugwit, “Nasin. Ap Yohanes en At ane welagwi menda samban ogarupwak yiluk, mamuleragagi ako hak, nit samban ogaruguluk, Hat mamulneran.”

Lukas 11:39

Ap Varisi ako imbita lagagimu, At Nenowa Yesus akoen, “Hit ap Varisi menda en henagas owak sogolowak inim, henowalup inim, agap weram adigat hurisagwi ovara hegek, henendawi ilim andi avakwa enangge haurogo hedaup inim, yi weyak ndi weyak ogarup inim, henendawima ovok erogo mbin erek agipik.

Lukas 12:42

Yugugu lagagimu, At Nenowa Yesus en, “Andi halok, Ap ombok ayeloman ambi endawi werek yavup dikduk ogagya halok andi, at asin ap ombok akoen at ayelomani nin andi yugirigya dogopwak yiluk, mondok okbagagi. Mondok okbaluk, winggigi. Wunggu hegek, ayeloman akoen, it nin ako enagarom wogeraup agya halok, enagarom des erogo wogeragagi.

Lukas 13:15

Yugirigya lagagimu, Nenowa Yesus akoen at yugugu dugwit, “Hit avakwa henendawi henagavoval ovagak yugerelagwi yi wai! Hit ovok samban ogasagwi vaga henanggom sapi a, henanggom keledai a, davoma larikmu, is napwak yiluk, sogop hurogo baluk woginiviluk lendagwi ako dek?

Lukas 17:5

Yugirigya lagagimu, it lakbigik menda akoen, “Nenasin o. Nenendawi hat hovaga vanggabaluk, avyarat hombasagwi ako ambi inim hoda aruguluk okbininin.”

Lukas 17:6

Yugugu lagagwama, At Nenowa Yesus en it yugirigya dugwit, “Hit henendawi novaga vanggabaluk, avyarat nombasagwi ako yo vudok enggen maduk ovagak duklipmu en yo wane ombok yi, ‘Hadem hen hedelok is endawima yaklarilak,’ yugugu hiniselok, yaklari lagya helap,” yiluk, yugeragagi.

Lukas 18:6

Yugirigya lagagirik, At Nenowa Yesus akoen “At ap wene owak sek erogo dilisigadek menda yagagi ako holes.

Lukas 19:8

Yugu lagagwama, at Sakius en it wisane inivaga Nenowa Yesus yugugu dugwit, “Ai Nasin. An nangge-nangge higirogo ap ininggidek halok, wogerayogon. Eke, ap yewes okbugu lagi ako, enangge ambi dek okbugu lagi halok, avoloma 4 hudi wogirigya, ap ambi adik angge dek okbugu lagi halok, avoloma 4 hudi wogirigya, ogarisogon o.”

Lukas 22:61

Ane iri lagagimu, Nenowa Yesus elokwe endenogo Peterus bikhigya lagagimu, Peterus akoen, “‘O yogak yi vaga ayam ane ao yegetek hegek, hat elap henggam vaga, Yesus an ninggut, yisogon o,’ yuknigas ako, yiat yagas,” yiluk, ape wenggenggu lagagirik,

Lukas 24:3

nonggagagwa ovara, Nenowa Yesus eyave warek bagagwa ako inil hegetek.

Lukas 7:12

O kota sup mbanggut leget wogoma ari lagusim, hwa sogwa ambi eyak ap adik ambengga hambigya lagagimu, yo duriluk wulu wagusim, it avakwa wisane o kota andoma agarwik inim, isa inim, lagu sogogi.

Lukas 7:14

Yugugu lagagirik, apsawe nggorak yo durik wolok wagusim vanggo yi lagya lagagirik, inggis vagatigi. Inggis vagatya lagagimu, apsawe yo durik wolok wagwi ako mbup yugu lagagwama, Yesus en, “Nabut! Hiluk aru! An Yesus en yukhisiga.”

Lukas 7:19

wagu lagagwama, it yugirigya dugwit, “At warup ako Arat waga a, ata adik ambi wasogon yiluk sok hugu dogomwi a? Yesus ako hemethelales,” yiluk, At Nenasin adema lakbogogi.

Lukas 8:52

Nunggwigya lagagirik, avakwa ovok erogo de wene yugwi, yup yagwi, inugu lagagirik, “Yup yarubuk. Hwavyak yi hombagabuk un nogo yiligama, yup yarubuk.”

Yohanes 11:2

Hwa Maria ako andi, Nenowa Inis Ombok Yesus isok vaga amburup amben eyave sek menda ndibaluk, iris vaga hotigi ako. At owa Lasarus ako aup idup ovaga agya lagagimu,

Yohanes 11:3

aori hwiyavivak mberen akoen enane sadi erogo lakbugu dugwit, “Nenasin o. Ap Hat hendawi hunik Lasarus ako aup idup wisane agarik,” yiluk, Yesus yuguri lapwak yiluk, lakbogogwa.

Yohanes 20:13

Inugu lagagimu, it malaikat akoen Maria yugugu dugwit, “Hat hwa yi. Nano yiluk yup adigat yasiga?” Yugugu lagagwama, at Maria en, “Dek. It avakwa en an Nasin wolok lagao. Eke, At eyave ogo o nggoma belagao ako an ninggut atma, yup yasiga.”

Yohanes 20:15

Embetetek werekma, Yesus en at yugugu dugwit, “Hwa yi wai. Hat nggarogo yiluk yup adigat yasiga? Sa belalisiga?” Yugugu lagagimu, at Maria akoen, “Ap yi, yavup yago malogo agarik akoat,” imbita dugwit, “Ai, Nasin. At eyave Harat wolok lagen halok, nggenam belagen yukniru, an welayogon en.”

Yohanes 4:1

Yesus en At eyaganggom wisane erogo wonggabisiluk, ima wombabugu, eke, Yohanes andi, at eyaganggom horok mberenat wonggabisiluk, ima wombabugu, ogagwi ako, it ap Varisi menda enaruk hunggugwa.

Yohanes 6:23

Andenam ao werekma, mburis nin vaga avakwa o Tiverias en wagu dugwit, Nenowa Inis Ombok Yesus en Nenasin Ala, “Wa,” yiluk, avakwa roti wogeragagi nunggugwarikmu akoma-at wagu sogogwa.

1 Korindus 7:30

Eke, hit yup yasagwi ako andi, yup yasagwidek ovagak akluk, dogop. Hit henendawi adenggen agipik ako andi, henendawi adenggen dek ovagak akluk, dogop. Hit yi menda ndi menda hunisagwi ako andi, yi menda ndi menda henangge dek ovagak akluk, dogop.

1 Tesalonika 4:13

Ai, nowa-nasin. It avakwa hambugu lagarwik nggarogo asagwi wene ako, hinunggut dogop andi, nenanggon. Avakwa nin hambuluk iniluk okbisaup wene ako enendawi Yesus vaga vanggabagetek dugwit, enaswe ambi hambigya halok enendawi wakhedelagwi hak, hit henendawi anderogo wakhidugu dogoguven yiluk mbilinogo yukherasogom.

Iberani 2:17

Anderogo atma, nit avakwa weyak ogagu niniselok, Ala aninis nenombasiga ako, endawi sagain arupwak yiluk, ap imam inis ombok winimen dugwit, nenabwa en Ala ake des erogo ogagya dogopwak en, nit okninivisiga menda ako, ovok erogo At wane-wane okbaup agya lagagimu, endak At aori nit ndatak-at okhedagagi.

Iberani 4:15

At Nenowa ap Imam Inis Ombok akoen, nit ap wen vaga menda atma, nenovavut weyak ogarup okninipu halok, “Nanggon,” ninimbita dugwit nenake ugun-ugun ogasigadek. Ata, “An hagagis akoat oginivisiga o,” yiluk, endawi sagain vaga nenake ogasiga. Nit nenavut mbaligiluk, anggin-mbanggin nenovaga asiga ako, At ogo anderogoat ovaga agya hegek weyak ogagetek endawi wadokdek dugwit, wogogi ilup atma,