Biblia Todo Logo
Bìoball air-loidhne

- Sanasan -




Lukas 6:47 - ALA WENE HIVIS DIRUP WATUGWA

47 It avakwa An nadema wagu lagarwik, An nane hobaluk, ogasagwi hak yukherayogon.

Faic an caibideil Dèan lethbhreac




Lukas 6:47
30 Iomraidhean Croise  

Ap saen An Nasin mbogot vaga menda endawi ombasiga wane-wane ogaguselok andi, hinya-naori it aro,” yiluk, yugeragagi.


Wene ao yugugu hegek, hena mudu amumulip menda akoen hwilak bugu hegek, hena anggelekma en ane ambi yugirigya dugwit, “An Nabut nendawi hunik nadenggen okneraliga ako yi atma, At ane henaruk des erogo hunggu dogones.”


Yugugu lagagimu, At Yesus en, “At ako endawi adenggen imbita dogosogon ovara, it Ala wene des erogo hobaluk, ogarit laguselok andi, enendawi mondok adenggen wisane umbutu dogosogom,” yiluk, yugeragagi.


“Hit hinisai-henasini inim, henabut-henogwa inim, henowai-henaori inim, eke, hit henadik heneyave inim, henendawi inim hunik ombok erogo dugwit, An ninim henendawi hunik horogat dugwit, An nadema wagu hiniselok, An nane welagwi menda arusogom mondok dek o.


Ap o valisagwi ako hak, it aro. Ap ambi wen ilim erogo bavunggu lagagirik, helep owak ndalek vaga owak wombabagagi. Wombabagagirikmu, hivis is nggut wagya dugwit, o valek masaligiluk ogagagi ovara, owak modo erogo wombalekma, wadokdek welagagi.


“Eke, awi helep iri vaga wombagagi ako andi, it avakwa Ala wene hobaluk enadenggen dugwit, wugu lagarwik, sidok avyarat ombasagwi ovara, enendawima omanggen segerogo yagetekma hivis enendawi avut mbanggya vaga hekbisiluk wilisagwi akoat.”


“Eke, nin wen mudis vaga wombalit lagagi. Wen mudis vaga wombalit lagagi ako andi, avuduk inggya lagagirik mudi-mudis inggya dugwit, adem ambien enggen 100 yugu, ambien 100 yugu, ogagagi o,” yiluk, yugeragagi. Wene andi yugirigya lagagirik, ane ombok vaga iri dugwit “Avyak! Henaruk werek halok andi, des erogoat hunggu dogones o,” yiluk, yugeragagi.


An nanggom ndomba andi, An nane hulisagwi. An andi it nilup agirik atma, iren An nambetaga namusek wendagwi.


An wene yukheraliga yi ako hinilup akluk ogagu dogosogom halok, henendawi adenggen wisane hugu dogogup.”


Yugirigya lagagirik, Yesus en ambi inim yugirigya dugwit, “Hit An henendawi hunik oknitu hiniselok, Anen, yerogo ogarup, nderogo ogarup, yukheraliga ako des erogo ogagu dogosogom.


hit hiniluk okhinivisogon yiluk, An nadema warup sek ovara, henanggon ombasagwi.”


Yugugu lagagwama, Yesus en, “Eve erom iniluk oginivisiga menda adem andi, An aro. Hit ambi An nadema wagu hiniselok, erom uvup okhinivisogon mondok dek. Eke, hit henendawi An novaga vanggabaluk, avyarat numbutu hiniselok, hivis ogo is uvup okhinivisogon mondok dek.


It An Nasin en woknisiga ako ovok erogo An nadoma warusogom. Eke, it avakwa An nadoma wendagwi ako andi, ‘An mondok nanggon o,’ yiluk, mbobisayogon mondok dek o.


Yugirigya lagagimu, it Yakuri menda en At Yesus yugugu dugwit, “Wene yegen andi vaga madis hendawima dugwit yagaliga avyarat heyagyo. At Averakam inim, it navi-navi inim, hambugu lagagwa ovara, hegek, Haren, ‘Ap ambi saen An nane dibaluk, musek lagya halok, hambisogon mondok dek’ andi, nggarogo yiluk yegen!


Asin ane hobaluk ogagya dugwit, nit okninivisiga menda ako At eve mondok dikduk erogo mamulhidigya lagagirik, nit At ane wokbaluk, ogarit lendagwi ako, ovok erogo niniluk mondok-mondok dogoguluk, nenagap wendakninipu dogop adem Arat agagi.


Eke, hit ambi sek ogarup hinilup dugwit ogagetek hiniselok andi, weyak aro.


At Yesus eve helep iluk agarik menda ovagak andi, adema omanes. Helep ako segat hegek avakwa en “Helep andi weyak,” yiluk, hekbagagwa ovara, At Ala en andi, “Mondok segat hegek mbobagagwa,” yiluk, enogo bagagi.


Andi halok, nowa-nasin. At Ala en adik enogo bininggu lagagirik, heneyanggup yukheragagi atma, yedok hinisapwak yiluk, henanye okhidugu dogones. Anderogo ogagu dogosogon halok, hinisogavit nggwes erogo nggedek wambusogombuk o.


At Keretus andi, At sek adigat atma nggedok ogasiga hinilup atma, it avakwa sek ogasagwi ako, “It yi At Ala en endaginipigi o,” yiluk, hinilup arusogom.


Naburi nenendawi hunik yi, wai. It avakwa ugun en hit nomalhinivit wagu hinisaoen, dibagu dogwes o. Ap ambi weyak ogagetek sek adigat ogarit lagya halok, At Keretus weyak ogasigadek mondok sek adigat agarik ako, ap andi ogo anderogo agarik.


Yuknugu lagarik, Yesus en ambi yuknugu dugwit, “It sogwesum mudu hothedelagwi ako, yo iniluk oginivisiga enggen nunggwi, eke, o kota sup hurik adigat agarik yoma nadema nunggu wagwi, ogarup andok okbugu neyalok, enendawi adenggen umbutu dugwit o kota nunggusogom.


Lean sinn:

Sanasan


Sanasan