Lukas 6:45 - ALA WENE HIVIS DIRUP WATUGWA

⁴⁵ Ap ovavut sek menda en, sek menda endawima ndugerek agarik ako vaga sek adigat ogasiga. Eke, ap ovavut weyak menda en, weyak menda endawima ndugerek agarik ako vaga weyak adigat ogasiga. Endawima en nggeker-erek wunggu dugwit, abis vaga en yagaliga o,” yiluk, yugeragagi.

Lukas 6:45 Iomraidhean Croise

Evesus 4:29

Wene weyak menda henelagapma en wibaup andi moga. Ata, it hulisagwi akoen ogo, “Nenabwa en yuknirugu sugup o,” yupwak yiluk, anggin ambi enovaga agya halok, enendawi modo okbisaup wene adigat yugu dogones.

Yohanes 7:38

Hit henendawi novaga vanggabaluk, avyarat numbutu hiniselok, ‘Is hiniluk okhinivisiga menda ambi henendawima en liris hudu-hudup wunggu dogosogon o,’ yiluk, Ala wene dirup watigi ako wane-wane, henendawima en wunggu dogosogon,” yiluk, yugeragagi.

Kolose 3:16

Keretus iri lagagi wene ovok erogo henendawima mondok ambi inim hobo-hobo erogo hidugu dogones. Hidugu dogomundik, henendawi werek akluk, hikirat Ala wene mbilinggwis, mbilape vaga henaruk war-wat yugwi, eke, Ala hai watu dugwit, Daut ndawi bagagi ako inim, hiwene ndawi inim, Ala ogasiga ndawi inim, ovok erogo watu dogones.

Kolose 4:6

Hiren wene yugurugu dugwit, erom angga ai arupwak yiluk, garam masagwi hak, hit anderogoat henane edadek enabwa umbutu dugwit, sagain erogo yugurugu dogones. Anderogo yugurugu dugwit, it avakwa en ambi hemekhinipuselok, onggo nggarogo yugeraup andi hinilup arusogom.

Iberani 8:10

Andi hudi ovogat ari wagya halok, it avakwa Iserali vaga wigalek wene swi menda nggatuk erogo yugeraup ako yiat: ‘Anen ogagu dogop wene enape wenggelek dogopwak yiluk wogirigya, it enendawima dirup ovagak warogo bagya, ogarisogon atma, An it Enasin Ala agya, eke, it An naburi agwi, ogarusogom.

Evesus 5:19

Eke, hikirat henendawi mondok adenggen vaga Nenasin inis adup ogagu dugwit, Daut ndawi bagagi ako inim, hiwene ndawi inim, Ala ogasiga ndawi inim, ovok erogo watu dogones.

Lakbogogi Wene 5:3

Bawagya lagagimu, at Peterus en, “Ananias wai. Hawen onggo wokhigao nin higirogo hekbategen ako andi, hat nggarogo yiluk Sile hendawima nunggwigya lagarik, hat hane huluk Averiniki ambukmu enggen?

Yudas 1:15

Wambu wagu dogomundik, Ala en it avakwa ovok erogo enowak dinggu dugwit, it avakwa Ala eve enanggon ombasagwi menda, yi weyak ndi weyak ogasagwi ako anggin enovaga bugu, it Ala enanggon ombasagwi menda en weyak ogagu dugwit enane wiyiknom-weyaknom erogo belagwi ako, anggin enovaga bugu, okbisayogon o,” yiluk, yagagi.

Evesus 3:8

It Ala aburi adik denek ako ovok erogo ininis werek inigik, an ninis dek sovalek-at neyagek ovara, Keretus elola en hegek-hegek okbinilin wulu wandiga wene ako, hit ap weram Yakuri dek menda yukheragiluk, endawi hunik en andok okbaninggigi.