Lukas 6:26 - ALA WENE HIVIS DIRUP WATUGWA

²⁶ It avakwa yi, enombawi en ap Ala inis vaga huluk wene yugurugusigik ovara, siyabugu lagagwa ako ndatak, it ap ovok en hininis siyabuguguselok anggin henovaga arugup!” yiluk, yugeragagi.

Lukas 6:26 Iomraidhean Croise

Matius 7:15

Yugirigya lagagirik, ambi inim yugirigya dugwit, “It ap Ala wene huluk molalogo yukherelagwi menda akoen henambukmu unggu saoen, dibagu dogones. It ap andi ndomba elose ovagak okhedelok henadema wendagwi ovara, enendawi andi, yangge do ovagak enaninis wisane agarwik.

Lukas 6:25

Hit yogak henagaum agipik yi, hivis uvup arugup! Hit yogak enda yasagwi yi, hivis henendawi burup yugu dugwit, yup yagu dogogup!

Yohanes 15:19

Hiren it avakwa o wen vaga yoma agarwik ako menda duklip en, iren, ‘Nit menda aro,’ yiluk, vage enendawi hunik okhinivilip ovara, hit it menda dekma, eke, it ako inigik, An denogo bigigis atma, enanggon henombasagwi.

Yohanes 7:7

It avakwa en hit enanggon henombarusogombuk ovara, An andi, it avakwa ogasagwi andi, ‘Hit weyak ogasagwi,’ yiluk, vagalogo yugeraligama, enanggon adigat nombasagwi.

Oroma 16:18

It ap anderogo ogarit nelagwi menda ako andi, Nenowa Inis Ombok Keretus eyavup ogarit nelagwidek. Ata, enagaum ake adigat belalit nagu dugwit, “Yerogo ogarusogom o, nderogo ogarusogom o,” yiluk, enane hulugat agil-amok vaga it ap enendawi ugun weyak ogarup embetetek menda ako enendawi nomalivisagwi atma, hinim dambulubuk.

Yakobus 4:4

Hwa ambien ap ya hedegek nda hedegek ogarit landiga hak ogasagwi yi, it avakwa wen vaga menda weyak ogasagwi inim, weyak ombasagwi inim, ako hinim henendawi hunik okhidugu hiniselok, Ala hiperen ogot hedelagwi ako hinunggutmu, ogasagwi? Anderogo atma, ap ambi, “It ap wen vaga menda weyak ogasagwi inim, weyak ombasagwi inim, ako ninim hunhedayogon o,” imbita dugwit, ogagya halok, Ala inim ogot hedaliga.