Lukas 6:19 - ALA WENE HIVIS DIRUP WATUGWA

¹⁹ Yesus anye endawima agarik ako wulu wagya dugwit, avakwa sek oginivit lagyama, it avakwa ovok erogo sek arusogom yiluk, Yesus ininggis vakhaguluk, ogagagwa.

Lukas 6:19 Iomraidhean Croise

Matius 14:36

Bisa wagagwa akoen “Hasum atok adigat ninggis vagatu neyalok, sek arisogon,’ yiluk, nggino yugugu lagagwarik, ininggis vagatuselok, it ovok erogo sek agu lagagwa.

Markus 3:10

At mburis ambi amot okbomanes yugeragagi ako, it avakwa wisane erogo sek oginipigirikmu, it aup warera akoen Yesus ininggis vagaruguluk horok-horok nonggagagwa.

Markus 5:30

Imbita hegek, At Yesus akoen, “An nanye ambi dek agya higi,” yiluk, yedok higya lagagirik, avakwa linggililuk wagwi ako, avilimu ambukmu dagalogo biginipu dugwit, “An nasum saen inggis vaknetas?” yiluk, yugeragagi.

Markus 6:56

O madukma inim, o ombokma inim, o adik-adik andoma inim, nagu haoen, it aup warek ako pasar vaga bisa wagu lagagwa. Bisa wagu lagagwarik, un Yesus ayum atok ininggis vagarupwak yiluk, nggino yugugu lagagwama, vakhuguselok, Aren ovok sek oginipu lagagi.

Markus 8:22

Hivis, andi okbaluk, it ako o Mbesaida andoma wagagwa. Wagu lagagwama, it avakwa andoma en ap il mbuk werekma At adema wolok wagu lagagwarik, At Yesus en at eyave inggis vagarupwak yiluk, enabwa edok erogo Yesus yugogogwa.

Lukas 5:17

Ndugwis ambi vaga Yesus umwa en wene mamulirigyama, it ap Varisi menda inim, it ap Ala wene vagago welagagwa menda inim, yi awi ndi awi o Galilea en, Yudea en, Yerusalem en, wagu lagagwarik, ugun horaik dugwit, Yesus ane hunggu lagagwa. Avakwa aup warek sek oginivupwak yiluk, Nenasin Ala anye ako Yesus okbagya hegek, ogagya lagagi.

Lukas 6:18

Yesus ane hunggwis, aup edup iniselok sek okbugu, ogarupwak yiluk, At adema homari wagagwa. Eke, it avakwa madis edup agoda werek menda enendawima nonggegek ogagu lagagwa ako sek okbogogi.

Lakbogogi Wene 19:12

Nggarogo ogarubuk menda iya erogo ogagya lagagi andi, at adigak hothedaliga menda inim, asum mudis arugwi en yiluk yirik welagagi menda inim, wolok lagu lagagwarik, it avakwa aup edup ako, enovaga bugusigik, aup edup ako dek agwi, madis enendawima nonggagagi ako nggigilogo wibugu, ogagya lagagi.

1 Peterus 2:9

hit andi, o hwiserekma welagagup ako hekbaluk, At Ala en At o awiya eve mondok iya-at agarikmu akoma dogovovok yiluk, henayonggo bigigu lagagirik, At mondok sek ogasiga menda sigam erogo yugurugu dogovovok yiluk, enogo bigigi. Aren “Hit An menda aro,” yiluk, enogo bigigu, imam-imam ovagak dugwit, At Nenasin Inis Ombok ake ogagu dogovovok yiluk mendek okbigigu, “Hit An naburi nake sek adik enek dogogup o,” yiluk, enogo bigigu, eke, hit hininis unggul At inis unggul menda salogo bigigu, ogagagi.