Lukas 6:13 - ALA WENE HIVIS DIRUP WATUGWA

¹³ O yanggo iri lagagimu, At ane welagwi menda ako warupwak yiluk, yanggup yugeragagi, wagu lagagwama, ap eneyave 12 miginipu lagagirik, ininis “Lakbigik menda,” sabigigi.

Lukas 6:13 Iomraidhean Croise

Matius 10:2

It ap 12 menda lakbogogi ako ininis yiat: ap endak inis andi, ap Simon inis ambi Peterus salek ako inim, at aot Andereas inim, ap Sevedius aburi Yakobus aot Yohanes inim,

Matius 19:28

Yugugu lagagimu, Yesus en, “Hit An ninim nelagwi yi, hivis yi menda ndi menda swi ogagya hegek, An Ap-At Endaklagagis ako, nabinak vaga wene yugeraligama akoma horaik neyagek, hit ogo wene yugurugu dogopim 12 akoma horaik dugwit, avakwa Iserali menda ininis unggul 12 ako enowak dilinipu dogogup.

Matius 9:36

Ogarit nagu dugwit, avakwa wam ndomba enasin vagenombogo eyave dek ovagak atma, anggin-mbanggin enovaga agarik ako, saen yonggar-inisabuk il inigu lagagirik, enabwa adigat imbitigi.

Markus 6:30

At Yesus lakbogogi ako eneyami vaga At adema wagu lagagwarik, it ogarit nagu lagagwa wene inim, mamuleregek nagu lagagwa wene inim, wene mbilinogo yugiri wagagwa.

Markus 6:7

Nagu lagagirik, aori 12 menda ako warupwak yiluk, eneyanggup yugeragagi. Wagu lagagwama, madis agoda werek menda nggigilogo wibigik nagu dogopwak yiluk, At awene yugirigya lagagirik, mberen hondok lakbogogi.

Lukas 11:49

Anderogo yiluk, At yi menda ndi menda ovok ilup agarik Ala akoen iri dugwit, ‘Navi-navi inim, lakbigik menda inim, lakbisa wagya neyalok, hit Iserali menda en nin initwis, nin anggin enovaga bisaguluk enamusek lagwi, ogagu hinisayogon o,’ yiluk, yagagi.

Lukas 6:14

It miginipigi ako andi yi: Simon inis ambi Peterus sanggigi ako inim, at Simon aot Andereas inim, Yakobus inim, Yohanes inim, Pilipus inim, Batolomeus inim,

Yohanes 4:33

Yugirigya lagagimu, At ane welagwi menda ir-it wene mbanggu dugwit, “At naup erom ambi wogori wagao ai?”

Lakbogogi Wene 1:13

O kota Yerusalem nunggu wagu lagagwarik, it agarwikmu handimen akoma unggugwa. It unggugwa ako eneyave andi, Peterus, Yohanes, Yakobus, Andereas, Pilipus, Tomas, Batolomeus, Matius inim. Alepeus abut Yakobus ako inim, at Simon ap Selot menda inim, Yakobus ambi abut Yudas inim, akoat unggugwa.

Evesus 2:20

O valuguluk, o owak modo menda endak ngguvulisagwi hak andi, Keretus Yesus eyave-at. Eke, o eyave valit unggu dugwit, helep owak wenamen belagwi hak andi, it lakbigik menda inim, it ap Ala ane yugirigya hegek yugurugu lagagwa menda navi-navi ako irat. Eke o winimen eyave valek hak andi, nit avyarat ombasagwi Ala aburi nit neneyave-at agurik.

Evesus 4:11

At nenadigetap andok okbininggigi ako, it nin lakbigik menda dogopwak yiluk andok okbugu, nin andi navi Ala ane yugurugu dogopwak yiluk andok okbugu, nin andi Sek Wene yi awi ndi awi hunogoma yugeregek nagu dogopwak yiluk andok okbugu, nin andi o ambekma Ala aburi des erogo vagenombogo dugwit, Ala wene yugurugu dogopwak yiluk andok okbugu, ogagagi.

Iberani 3:1

Anderogo atma naswei o. At mbogot vaga menda akoen ninimat nenayonggo bininggu lagagirik, At aburi enogo bininggigi atma, ap imam inis ombok winimen agarik nenake ogagya dogopwak yiluk, lakba wagagi Yesus ako, sek erogo dibagu dogones.

2 Peterus 3:2

It navi adik enek menda o muk Ala en At ane yugirigya hegek yugurugu lagagwa wene ako henape wenggenggwis, eke, nenagap wendasiga Nenowa Inis Ombok en, “Yerogo ogagu dogopwak o,” yiluk, it ap lakbigik menda yugirigya lagagimu, yukhirugu lagagwa wene ako inim henape wenggenggwis, wene mberen andi henape wenggenggu dogovovok yiluk, dirup yi warogo wokheraliga.

Wahyu 12:1

Ogagwi ako inugu lagirik, mbogot vaga andoma ninilup arup menda mondok iya erogo ambi ogagya higi. Higya dugwit, hwa ambi saut eyave vaga mendek werekma, sogwesum hak andi, mo il-at yirik, eke, unggul vaga nggudit-nggudit mendarek anggelekma dadiwap 12 hudi hunik higi.

Wahyu 18:20

Yuknugu lagama, ane ambi iri dugwit: “Hit mbogot vaga agipik menda, henadenggen umbutu dogones! Hit Ala aburi ake denek inim, Sek Wene yugeregek lagu lagagup lakbigigigi inim, navi-navi inim, it o kota Babel yien hit anggin okbugugu lagagwa ako Ala en owak ndilogo onggo okbigas atma, henendawi adenggen umbutu dogones,” yiluk, iris ako naruk hunggis.

Wahyu 21:14

O leget eyave valek andi, helep owak bago 12 vaga valek higi. Eke, helep owak bago ako vaga, At Ndomba Eyak aori lakbigik menda 12 ako ininis dirup warek agarik higi.