Lukas 5:32 - ALA WENE HIVIS DIRUP WATUGWA

³² Anderogo ndatak, Anen it ap ‘An sek’ ombasagwi menda eneyanggup yugeragiluk wagatek. Ata, it weyak ogasagwi menda enasam helok, enomaduk mbo bapwak yiluk, eneyanggup yugera wagagis o,” yiluk, yugeragagi.

Lukas 5:32 Iomraidhean Croise

Matius 18:10

Yugirigya lagagirik, ambi inim yugirigya dugwit, “It avyak maridugi inadigetap enomalaikat agarwik akoen An Nasin mbogot vaga menda adema mondok-mondok vagalogo yugisagwi atma, hiren avyak maridugi yi, meyan henanggon inimbutu hinisaoen, henendawi dibagu dogones. [

Matius 9:13

Andi ndatak, Anen it ap ‘An sek,’ ombasagwi menda eneyanggup yugeragiluk wagatek. Ata, it ap weyak ogasagwi menda andiat eneyanggup yugeragiluk wagagis. Ala en iri dugwit, ‘Henanggom ndomba warogo nake belagwi ako andi, An hogop ombasigadek. Ata, avakwa enabwa en sek okbisaup andi, An, “Ai,” imbita dugwit sek okbisaup, ombasiga o,’ yiluk, yagagi dirup warek ako, adem des erogo mamulhedelales,” yiluk, yugeragagi.

Markus 15:10

Yugeragagi ako, it ap imam-imam enasini en Yesus enanggon umbutu dugwit wolok wagwi yedok inugu lagagirik, anderogoat yugeragagi ovara,

Markus 15:7

akoma dugwit, it nin, “Pemerintah enane hulup nenanggon,” yiluk, ndup ogagu dugwit, ap watu lagagwama, heda magago lembaga mabogogwa ako, ambi inis Barabas inim welagagi.

Markus 2:17

Yugurugwi ako At Yesus aruk hunggu lagagirik, “It ap aup edudek halok, dokter adema laup ombasagwidek. Ata, aup edup halok sek oknerapwak en yiluk, dokter adema laup ombasagwi. Andi ndatak, Anen it ap ‘An sek,’ ombasagwi menda eneyanggup yugeragiluk wagatek o, ata weyak ogasagwi menda eneyanggup yugeragiluk wagagis,” yiluk, At Yesus en it Varisi menda enadema yugeragagi.

Lukas 15:10

Andi ndatak ap weyak ogasiga menda ambiat en weyak ogagya lagagi ako asam higya dugwit, mbobagya halok, it Ala yonggo lakbisa wandiga menda malaikat akoen enendawi adenggen umbutu dogosogom, yiluk, yukheraliga o,” yugeragagi.

Lukas 15:7

Andi wane-wane, ap eneyave 99 umbutu dugwit, ‘Nenendawi mondok sek adigat halok nenomaduk mbobaup dek,’ ombasagwi halok, it mbogot vaga agarwik enendawi adenggen horogat ombarusogom ovara, it ap weyak ogasagwi menda ambien weyak ogagya lagagi ako, asam helok, mbobagya halok andi, it mbogot vaga agarwik ako enendawi adenggen ombok erogo umbutu dogosogom o, yiluk, yukheraliga,” yugeragagi.

Lukas 19:10

An Ap-At Endaklagagis yi, it avakwa yelemele yagagwa ako havedogo enagap wendarigiluk, wagagis o,” yiluk, yugogogi.

Lukas 24:47

Hit weyak ogasagwi ako henasam helok, henomaduk mbobagu hiniselok, Ala en henomaduk degerogo bigigayogon o,’ yiluk, wene ako At inis vaga, eve endak o Yerusalem en yi awi ndi awi ovok erogo yugeregek wunggu dogosogom o, yiluk, Ala wene dirup watugwa ako yiat okbenanggao.

Lukas 5:31

Yugurugu lagagwama, At Yesus en, it yugirigya dugwit, “It ap aup edudek halok andi, ap dokter adema laup ombasagwidek. Ata, aup edup halok sek oginivupwak yiluk, dokter adema laup ombasagwi.

Lukas 5:33

Yugirigya lagagimu, it ap Varisi menda akoen Yesus yugugu dugwit, “It ap Yohanes ane welagwi menda andi, Ala ake yiluk, erom hunis dugwit, samban ogasagwi. Eke, nit ap Varisi nenane welagwi menda andi, anderogo ogasagwi ovara, Hat hane welagwi menda andi, erom ugun nunggwi, is ugun nunggwi, ogagu selagwi.”

Lakbogogi Wene 17:30

O muk erogo ninunggut dugwit ogagu ninigik, Ala en ugun welagagi ovara, yogak andi, nit yi avakwa ndi avakwa ovok erogo nenomaduk nenasam helok mondok mbobaluk Yesus ambetaga lagu dogop yiluk yukneraliga.”

Lakbogogi Wene 2:38

Yugurugu lagagwama, at Peterus akoen, “Henomaduk degerogo bigigapwak yiluk, hit henadik-henadik weyak ogasagwi ako henasam helok mbobagu dogomundik, Yesus ambetaga lagu dogwes. Mbobagu hiniselok, Yesus Keretus inis vaga ima wombabigigaup. Eke, andi ogagu hiniselok, Ala en Averiniki ako un onggodek wokherayogon o.

Lakbogogi Wene 20:21

Mamulhirigya lagagis ako andi, hit Yakuri menda inim, hit Yunani menda inim, henasam helok, Ala adema wagwi, henendawi Nenowa Yesus Keretus ovaga vanggabaluk avyarat umbutwi, ogarovovok yiluk, des erogo yukhirigya lagagis.”

Lakbogogi Wene 3:19

Des iri lagagimu, Henasin Ala en hit henomaduk degerogo bugugu halok, henendawi adenggen ugun dogovovok yiluk, henasam helok henomaduk mbobagu dogomundik Yesus ambetaga lagu dogwes. Anderogo ogagu hiniselok, henake denogo bagagi Keretus ako andi, Yesus atma, lakba wasogon.”

Lakbogogi Wene 3:26

Andi halok, At Ala en At ayeloman mondok okbagya lagagarik, hit henovavut weyak ogasagwi akomaen henadik-henadik wokhiniviluk wulu wagya dugwit, adenggen henovaga bigigapwak yiluk, endak hirat henadema lakba wagagi o,” yiluk, wene anderogoat at Peterus en yugeragagi.

Lakbogogi Wene 5:31

Mondok okbagya lagagirik, nit Nenowa Inis Ombok, nit nenagap wendarisiga menda ako, At Ala inggis amotkan dogopwak yiluk siyabagagi. Nit avakwa Iserali menda weyak ogasagwi ako, nenasam helok weyak ako mbobagu dogomundik, Yesus ambetaga lagu niniselok, nenomaduk degerogo bininapwak yiluk siyabagagi o.

2 Peterus 3:9

Anderogo atma, Nenowa en, “An hivis warisogon o,” yiluk, yagagi ako, it avakwa ninen, “Ao wagetek yi, huluk yagagi a?” yiluk, ombasagwi ako hak, hit anderogo umbutu dogobuk. Ata, “Ala en, ‘Avakwa degerogo bisaup andi, nanggon o,’ imbita dugwit, nit yi avakwa ndi avakwa ovok erogo nenasam helok, weyak ogasagwi ako hekbapwak yiluk, Ala endawi sagain vaga nenabyam agarik,” umbutu dogones.