Lukas 5:30 - ALA WENE HIVIS DIRUP WATUGWA

³⁰ it ap Varisi menda inim, ap Varisi menda Ala wene vagago welagagwa menda inim, iren Yesus ane welagwi menda ako enanggin-enanggon yiluk, yugurugu dugwit, “A! It pemerintah enake yoparip wonggalisagwi menda inim, it weyak ogasagwi menda nin inim, hit nggarogo yiluk hinim dambulik dugwit erom is nelagwi?”

Lukas 5:30 Iomraidhean Croise

Matius 5:46

It henabwa ombasagwi ako, enadigat hit henendawi hunik okbugu hiniselok, andi onggo ambi hedaup ombasagwi? It ap weyak pemerintah enake yoparip wonggalisagwi menda ako ogo anderogoat ogasagwi atma, onggo hedaup degat umbutu dogones.

Matius 9:11

Inim erom nunggwi ako it ap Varisi menda en inigu lagagwarik, Yesus ane welagwi menda ako yugurugu dugwit, “Henowa ngguru yi, it ap pemerintah enake yoparip wonggalisagwi menda inim, it weyak ogasagwi menda inim, nggarogo yiluk inim dambulik dugwit, erom naliga?” yiluk, yugeragagwa.

Markus 2:16

it ap Varisi menda Ala wene vagago welagagwa menda nin akoma en Yesus it weyak menda ako inim At erom nunggwi inil inugu lagagwarik, At eyaganggom yugurugu dugwit, “It pemerintah enake yoparip wonggalisagwi menda inim, it weyak ogasagwi menda inim, Yesus nggarogo yiluk inim dambulik dugwit erom naliga?” Yesus avok mbanggu dugwit, yugeragagwa.

Markus 7:3

(It Varisi menda ako inim, it Yakuri ovok erogo inim adat it enombawi ogagu lagagwa yugadek ogagu lagagwarikmu, ininggis adat vaga horekdek halok andi erom nenggetek wulugu lagagwa.

Markus 9:16

Yesus en “Hit ap yi hinim nano avok yagalagwi?” yiluk, yugeragagi.

Lukas 18:11

Iperen Ala awi valekma nunggugu lagagwarik, ap Varisi akoen mendek yiluk, samban okhidigya dugwit, ‘Ai, Nasin Ala! It avakwa enonggop welagwi menda inim, weyak ogasagwi menda inim, wanggi welagwi menda inim, eke, ap pemerintah enake yoparip wonggalisiga menda yi ako inim, an anderogo hak dek atma, wa yukhisiga.

Lukas 19:7

It avakwa en Yesus iperen lagwi inugu lagagwarik, enanggin-enanggon yugu dugwit, “Ap weyak ogasiga menda inimat amwa lendagwi yi bigisanes!”

Lukas 5:17

Ndugwis ambi vaga Yesus umwa en wene mamulirigyama, it ap Varisi menda inim, it ap Ala wene vagago welagagwa menda inim, yi awi ndi awi o Galilea en, Yudea en, Yerusalem en, wagu lagagwarik, ugun horaik dugwit, Yesus ane hunggu lagagwa. Avakwa aup warek sek oginivupwak yiluk, Nenasin Ala anye ako Yesus okbagya hegek, ogagya lagagi.

Lukas 5:21

Yugugu lagagimu, it ap Ala wene vagago welagagwa menda ako inim, it ap Varisi menda inim, iren enendawi umbutu dugwit, “A! Nit nenomaduk degerogo bininaliga ako At Ala adigat agarik. Ambi inim dek. Ap Ala wiyiknom-weyaknom erogo baliga yi sa embetep?” yiluk, umbutugwa.

Lukas 7:34

Eke, An Ap-At Endaklagagis yi erom inim, anggur agas inim, ugun nenggek wagya neyalok, hiren yugu dugwit, ‘Erom inim, is anggur agas inim, ovadek en nenggek lagya dugwit, it ap pemerintah enake yoparip wonggalisagwi menda inim, ap weyak ogasagwi menda inim, it inim hunik oginivit landiga yi, hinil hanes o,’ yiluk, yagalagwi [atma, Anen, ‘Hit avyak ndatak agipik,’ yiluk, yukheraliga.

Lukas 7:39

Ap Varisi menda, “Yesus ninim erom naup,” yugogogi akoen hwa ako ogagya higya lagagirik, endawi imbita dugwit, “Hwa yi, weyak ogasiga menda atma, ap Yesus yi ako navi avyarat duklipmu en, ‘Hwa weyak ogasiga menda en vaknitya higi,’ yiluk, andi vage yedok helap,” imbitigi.

Lakbogogi Wene 23:9

Ogotbaluk, enane yandyak-handyak yugu dugwit, it Varisi menda Ala wene vagago welagagwa ninen, mendek yiluk yugurugu dugwit, “At yi, weyak ambi ogagetek higyo o. Avakwa enanggela ambien yugogogi vaga yagaliga a, malaikat ambien yugogogi vaga yagaliga a?” yiluk, enane winimuk ombok erogo yagagwa.