Lukas 5:24 - ALA WENE HIVIS DIRUP WATUGWA

²⁴ Yugirigya lagagirik, “An Ap-At Endaklagagis wen vaga yoma dugwit, avakwa enomaduk degerogo bisapwak en yiluk, Ala en An andok okbaninggigi ako hinilup arovovok yiluk sek okbayogon,” yiluk, yugeragagi. Yugirigya lagagirik, ap inggis-isok nggedok-kobok erek ako yugugu dugwit, “Mendek yiluk, hat hagone nogo yiliga menda ndalek andi, hedelok hamwa wilinok yiluk, yukhisiga.”

Lukas 5:24 Iomraidhean Croise

Matius 16:13

At Yesus o Kaisarea Pilipi ari lagu lagagwarik andoma nagu dugwit, At ane welagwi menda yugirigya dugwit, “Avyak! An Ap-At Endaklagagis yi, it avakwa en sa numbutu dugwit, yagalagwi?”

Matius 25:31

At Yesus en wene ambi inim yugirigya dugwit, “An Ap-At Endaklagagis nabinak werek niri-novagangge dikduk-dakduk okhedelok, it malaikat ovok erogo ninim wagya dogogurik, An wene yugeraligama nabinak vaga hora yisogon.

Matius 26:64

Yugugu lagagimu, At Yesus en yugirigya dugwit, “Harenenat anderogo yegen ovara, An ambi hit ovok erogo yukherayogon. O yogak yi hudien An Ap-At Endaklagagis yi, At Anye Adigat Agarik menda inggis amotkan horaik dugwit, mbogot vaga hena anggelekma wambu wagya neyagup o, yiluk, yukheraliga.”

Matius 28:18

Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma,

Matius 4:24

Ogarit nagu lagagi wene ako, o Propinsi Siria andoma ovok erogo inilup agya lagagimu, aup adem enovaga hunik adik-adik menda inim, idup-mbidup enovaga agarwik menda inim, madis enendawima nonggagagi menda inim, aup adem ambi ininggis-ndogom inisok-ndogom wasagwi menda inim, ininggis-inisok yidugup agarwik menda inim, ovok erogo woginiviluk At adema wagu lagagwama, At Yesus en sek oginipu lagagi.

Matius 9:6

Ala en An Ap-At Endaklagagis ako o wen vaga yoma dugwit, avakwa weyak ogasagwi menda Anen degerogo bisagiluk andok okbaninggigi hinilup arovovok yiluk, ogarisogon,” yiluk, yugirigya lagagirik, ap inggis-isok nggedok-kobok erek ako yugugu dugwit, “Mendek yiluk, hat hagone nogo yiliga menda ndalek andi, hedelok hamwa lanok yiluk, yukhisiga.”

Lukas 5:13

Yugugu lagagimu, Yesus inggis vakbagya dugwit, “Sek okbagaup imbitirikmu, sek aru!” wene ao yugugu hegek, at amu hunik ako dek agagi.

Lukas 5:18

Akoma werekma, ap ambi inggis-isok nggedok-kobok erek, ap en yo duriluk, Yesus adema ba nungguguluk, ogagagwa ovara,

Lukas 5:23

‘Homaduk degerogo bagagi,’ yugurup andi, iya a, ata ‘Mendek yiluk lagya dogwen,’ yugurup andi, iya a? Hit eres!”

Lukas 7:14

Yugugu lagagirik, apsawe nggorak yo durik wolok wagusim vanggo yi lagya lagagirik, inggis vagatigi. Inggis vagatya lagagimu, apsawe yo durik wolok wagwi ako mbup yugu lagagwama, Yesus en, “Nabut! Hiluk aru! An Yesus en yukhisiga.”

Lukas 8:54

Aganda yagagwa ovara, Yesus en hwavyak ako inggis vagatya dugwit, “Nabut mendek iru!”

Yohanes 11:43

Yugugu lagagirik, At ane ombok vaga, “Lasarus wai! Wuluma.”

Yohanes 17:2

An Habut, yi avakwa ndi avakwa ovok erogo vagenombogo dugwit, avakwa woknigigin ako mondok-mondok iniluk oginivigiluk, mondok okbaninggigin.

Yohanes 3:13

Ap ambi arogo wema en mbogot vaga mondok enggetek ovara, An Ap-At Endaklagagis yi, nadigat mbogot vaga en wambu wagagis o.”

Yohanes 5:27

Abut An Ap-At Endaklagagis atma, avakwa enowak dilogo onggo okbisaup Nasin en awene yuknigigi o, yiluk, mondok avyarat yukheraliga.”

Lakbogogi Wene 14:10

at yugugu dugwit, “Hisok ngges erogo mondok iru,” yiluk, ane ombok vaga yugugu lagagimu, at ako soklok erogo mondok iri lagagirik, sup lagagi.

Lakbogogi Wene 5:31

Mondok okbagya lagagirik, nit Nenowa Inis Ombok, nit nenagap wendarisiga menda ako, At Ala inggis amotkan dogopwak yiluk siyabagagi. Nit avakwa Iserali menda weyak ogasagwi ako, nenasam helok weyak ako mbobagu dogomundik, Yesus ambetaga lagu niniselok, nenomaduk degerogo bininapwak yiluk siyabagagi o.

Lakbogogi Wene 9:34

Higya lagagirik, Peterus en at yugugu dugwit, “Eneas wai. Yesus Keretus en sek okhetarikmu, mondok iri dogomindik, ndalek nogo yiliga menda andi yunggul hedoman,” yiluk, ao yugugu hegek, mondok yagagi.

Lakbogogi Wene 9:40

Yup yagusim Peterus en, “Hit ovok erogo wilitales,” yugirigya lagagirik, erambo yunggubaluk, samban ogagagi. Samban okbaluk, at hombagagi ako avikit bikhigya dugwit, “Tabita wai. Mendek iru,” yugugu lagagimu, il huvunik ako venggenogo Peterus il bikhigya lagagirik, nggilik ako mendek yiluk hora yagagi.

Wahyu 1:13

Eke, hali yevedogo bagek 7 ogarek ako anggelekma ilim andenam avakwa enelose ovagak ambi higi. Ap ako andi, asum adup unggumu en isokmu hudi yirik, eke mbup nggetalek mbusi emas menda eyave vaga yirik higi.