Lukas 5:22 - ALA WENE HIVIS DIRUP WATUGWA

²² Enendawi umbutwi ako Yesus yedok inugu lagagirik, yugirigya dugwit, “Hit nggarogo yiluk henendawi anderogo winggilisagwi?

Lukas 5:22 Iomraidhean Croise

Matius 12:15

At Yesus akoen it wene mbanggwis ako yedok inigu lagagirik, o andoma hekbaluk, lagya lagagimu, avakwa wisane inim lagagwa. Lagu dugwit, it aup idup ovok erogo sek oginipu lagagirik yugirigya dugwit,

Matius 12:25

yagagwa ako At Yesus en yedok inigu lagagirik, it yugirigya dugwit, “Ap enowa o vagago ambi at avema agarwik inim, it adik-adik okhidugu dugwit ndup-at okhidugusigik, at avema bisaligama akoma mondok anyedek asogon. Eke, o kota ambi a, yapwi ambi a, it adik-adik okhidugu dugwit ndup-at okhedelagwi ako, enamwa andi o danggop-at agya dogomindik weyagat dogosogom.

Matius 9:4

It enendawima umbutugwa ako At Yesus yedok inigu lagagirik, yugirigya dugwit, “Hit nggarogo yiluk henendawi weyak wenggelisagwi?

Markus 8:17

it yugwi ako Yesus inugu lagagirik, “Hit nggarogo yiluk erom roti dek andi yagalagwi? An yukhirigi ako ao dibagetek hinunggut dugwit, yagalagwi? Hit henendawi obak ugun dugwit, yagalagwi?

Lukas 24:38

Enalon wisane agu lagagwama, Yesus en it yugirigya dugwit, “Hit nggarogo yiluk henendawi anggin dugwit, henendawi yunggup yegek yagalagwi?

Lukas 5:21

Yugugu lagagimu, it ap Ala wene vagago welagagwa menda ako inim, it ap Varisi menda inim, iren enendawi umbutu dugwit, “A! Nit nenomaduk degerogo bininaliga ako At Ala adigat agarik. Ambi inim dek. Ap Ala wiyiknom-weyaknom erogo baliga yi sa embetep?” yiluk, umbutugwa.

Lukas 5:23

‘Homaduk degerogo bagagi,’ yugurup andi, iya a, ata ‘Mendek yiluk lagya dogwen,’ yugurup andi, iya a? Hit eres!”

Lakbogogi Wene 5:3

Bawagya lagagimu, at Peterus en, “Ananias wai. Hawen onggo wokhigao nin higirogo hekbategen ako andi, hat nggarogo yiluk Sile hendawima nunggwigya lagarik, hat hane huluk Averiniki ambukmu enggen?

Iberani 4:12

At Ala ane andi, mondok iluk dugwit, anye erogo nenendawima sapok yi nunggwisiga. Ndisugalit ovat venak-venak marek andi, horogat nininggis-ninisok agulikmu mondok ilim hetnaro sapok yi nunggwigya dugwit, nenowak nenamonggok vodo-vodo hanunggwisiga ovara, Ala wene yi andi, eve mondok ovat iya erogo atma, nenendawi-nenanggela mondok sapok yi nunggwigya dugwit, ogarup nenendawi wenggelisagwi inim, hogop ombasagwi inim, ovok erogo sigam okbininggu helagwi.

Wahyu 2:23

Hwa andi, eyagi at ane welagwi menda ako it ovok erogo enarit lagya neyasogom. Enarit lagya neyalok, it An naburi yi awi ndi awi homasagwi menda ako ovok erogo, ‘Nit nenendawi ombasagwi inim, nenendawi hobaluk ogarit lendagwi inim, ovok erogo dibininiluk onggo wane-wane wokneraliga Yesus andi, Arat higyo,’ yiluk, An neyave inilup arusogom.