Lukas 5:17 - ALA WENE HIVIS DIRUP WATUGWA

¹⁷ Ndugwis ambi vaga Yesus umwa en wene mamulirigyama, it ap Varisi menda inim, it ap Ala wene vagago welagagwa menda inim, yi awi ndi awi o Galilea en, Yudea en, Yerusalem en, wagu lagagwarik, ugun horaik dugwit, Yesus ane hunggu lagagwa. Avakwa aup warek sek oginivupwak yiluk, Nenasin Ala anye ako Yesus okbagya hegek, ogagya lagagi.

Lukas 5:17 Iomraidhean Croise

Matius 11:5

Inil mbuk menda inil hugwi, inisok weyak menda sup sek lagwi, amu hunik menda sek agwi, enaruk nggulup menda enaruk hunggwis, hombagao menda iniluk erogo mondok okbugu, eke, ininggidek ako Sek Wene yugirigya, ogagya neyagep ako, yugirilales.

Matius 15:1

Andien, ap Varisi menda nin inim, it Ala wene vagago welagagwa menda nin inim, o Yerusalem en Yesus adema wagu lagagwarik, yugugu dugwit,

Markus 1:45

Aruk warogo lakbagagi ovara, ap ako amwa akoma en wunggu lagagirik, at sek okbagagi wene ako ovok erogo yi awi ndi awi vagalogo yugeregek lagagi. Vagalogo yugeregek lagya lagagimu, At Yesus ako o kota yi awi ndi awi andoma selekma nagu dogop meyan agya lagagimu, avakwa dekma lagya lagagirik werekma, avakwa yi awi ndi awi andoma en At adema homari wagek ogagu lagagwa.

Markus 16:18

mbas huli ininggis vagatwis, heda nalis amburup nungguselok, hambegetek inugwis, aup edup iniselok, enovaga ininggis vakbisiluk, sek okbugwis, ogarit lagu dogosogom o,” yiluk, yugeragagi.

Markus 3:22

Vagaruguluk ogagusim, it Ala wene vagago welagagwa menda ako o Yerusalem en wagu lagagwarik, “Ap yi madis enasin Sile Mbelesebul endawima nonggagagi. Madis enasin anye ako vaga At madis nggigilogo wibisaliga,” yiluk, yugu lagagwa.

Markus 5:30

Imbita hegek, At Yesus akoen, “An nanye ambi dek agya higi,” yiluk, yedok higya lagagirik, avakwa linggililuk wagwi ako, avilimu ambukmu dagalogo biginipu dugwit, “An nasum saen inggis vaknetas?” yiluk, yugeragagi.

Markus 7:1

Andi okbaluk, it ap Varisi menda inim, it Ala wene vagago welagagwa menda inim, Yerusalem en Yesus adema wagagwa.

Lukas 15:2

Adema wagu lagagwama, it Varisi menda inim, it Ala wene vagago agarwik menda inim, iren Yesus it ap weyak ogasagwi menda inim inigu lagagwarik, enanggon umbutu dugwit, “Ap yi, avakwa weyak ogasagwi menda woginipu lagarik, inim erom naliga hinil yokhanes!” yagagwa.

Lukas 2:46

Belanggu dugwit, ndugwis henggam okbaluk, Ala awi valekma, it ap wene mamulerelagwi menda enanggelekma horaik dugwit, enane hunggu, Aren it enaigwakma wigya, ogagyama hagagwa.

Lukas 5:21

Yugugu lagagimu, it ap Ala wene vagago welagagwa menda ako inim, it ap Varisi menda inim, iren enendawi umbutu dugwit, “A! Nit nenomaduk degerogo bininaliga ako At Ala adigat agarik. Ambi inim dek. Ap Ala wiyiknom-weyaknom erogo baliga yi sa embetep?” yiluk, umbutugwa.

Lukas 5:30

it ap Varisi menda inim, ap Varisi menda Ala wene vagago welagagwa menda inim, iren Yesus ane welagwi menda ako enanggin-enanggon yiluk, yugurugu dugwit, “A! It pemerintah enake yoparip wonggalisagwi menda inim, it weyak ogasagwi menda nin inim, hit nggarogo yiluk hinim dambulik dugwit erom is nelagwi?”

Lukas 6:19

Yesus anye endawima agarik ako wulu wagya dugwit, avakwa sek oginivit lagyama, it avakwa ovok erogo sek arusogom yiluk, Yesus ininggis vakhaguluk, ogagagwa.

Lukas 7:30

Anderogo ovara, it ap Varisi menda inim, Ala wene vagago welagagwa menda inim, it ako andi, Yohanes en it ima wombabininaup nenanggon umbutugwarikmu, Ala en it ogagu dogop inimbitigi ako ogo mbobagagwa.)

Lukas 8:46

Yugugu lagagimu, Yesus en, “Dek. An nanye ambi dek agya higirikmu, saen vaknetas?”

Yohanes 3:10

Yugugu lagagimu, At Yesus en, “Hat avakwa Iserali menda mamuleraliga ovara, An wene yukhisiga yi, dibagetek agindik?

Yohanes 3:21

Anderogo ovara, it avyarat wene Ala yagagi ako ogasagwi halok andi, Ala inim hunik dugwit, ogasagwi sigam arupwak yiluk, At awiya ako avema wendagwi o,” yiluk, yugogogi.

Lakbogogi Wene 19:11

Ala en okbagya hegek, Paulus en nggarogo ogarubuk menda mondok iya erogo ogagya lagagi.

Lakbogogi Wene 4:30

“It aup warek ambi iniselok, sek arupwak yiluk hinggis vakbisin. Eke, hayeloman Endawi Sek Adik Denek Yesus ako inis vaga nggarogo ogarubuk menda inim, inilup arup enalon werek menda inim, ogasiga ako, nit ogaruguluk okbininin,” yiluk, samban ogagagwa.

Lakbogogi Wene 5:34

Umbutugwa ovara, ap Varisi ambi Ala wene vagago welagagi, avakwa ovok en agayuk wutu lagagwa, inis Nggamaliel. Aren it ap wene amburup mbalisagwi menda inivaga mondok iri lagagirik, yugirigya dugwit, “It sidok dukluk nunggu warupwak yiluk, wulupwak.”