Lukas 5:11 - ALA WENE HIVIS DIRUP WATUGWA

¹¹ Yugugu lagagimu, mburis ako is omban vaga bagu lagagwarik, yi menda ndi menda ovok erogo hekbaluk, Yesus inim lagagwa.

Lukas 5:11 Iomraidhean Croise

Matius 10:37

An henanggon ovagak numbutu dugwit, hinisa a, henasin a, henendawi hunik ogagu hiniselok andi, An ninim dogop meyan. Eke, An henanggon ovagak numbutu dugwit, henabut avyak a, hwavyak a, henendawi hunik okhidugu hiniselok andi ogo, ninim dogop meyanat.

Matius 19:27

Yugirigya lagagimu, at Peterus en Yesus yugugu dugwit, “Nit yi menda ndi menda ovok erogo hekbaluk, Hat ninim nagu dogoguluk wagyo atma, onggo nano menda woknerami?”

Matius 19:29

An ninis ombok arupwak yiluk, henawi valek inim, henowa-henaot inim, hinisa-henasin inim, henabut-henogwa inim, heneyavup ogarek inim, ovok erogo hekbaluk wagu hiniselok, avoloma heda nggeralogo 100 hudi wokhirigya dogomindik, mondok-mondok hiniluk dogovovok yiluk, okhinivisogon o.

Matius 4:20

Yugirigya lagagimu, mbikit yum yarin ikan wasagwi menda ako, hekbaluk, Yesus inim lagagwa.

Matius 4:22

Yugirigya lagagimu, mbikit mburis inim, enasin Sevedius inim, hekbaluk, Yesus inim lagagwa.

Markus 10:21

Yugugu lagagimu, At Yesus il vu erogo yokhigya lagagirik, abwa imbita dugwit, “Wene ambiat andi ao ogagetek heyagi. Hat hangge ovok erogo onggo hunogo it ap ininggidek menda ako wogerelak. Wogirigya heyalok, hat hangge eve sek menda andi hivis mbogot vaga en ombogat hedayogon. Anderogo ovok wogirigya dogomindik, ninim nagu dogoguluk, omano,”

Lukas 5:28

yugugu lagagimu, at Lewi ako yi menda ndi menda ovok erogo hekbaluk, mendek iri lagagirik, Yesus inim lagagi.