Lukas 4:7 - ALA WENE HIVIS DIRUP WATUGWA

⁷ Anderogo atma, Hat navema seve yiluk, siyabaninggya heyalok, hil hegen ako ovok erogo Hat vagago dogonyok yiluk, wokhisogon o.”

Lukas 4:7 Iomraidhean Croise

Matius 2:11

Lagu lagagwarik, umwa nunggugu lagagwarik, avyak ako isa Maria iperen inugu lagagwarik, eneyave seve yiluk, avyak ako inis siyabagagwa. Inis siyabagu dugwit, enangge-enangge onggo ombok sek menda mbusi emas inim, yivi-nggami inim, yo mur amburup inim, hudilogo wogogogwa.

Lukas 17:16

Ala inis siyabalin Yesus avema seve yi wagya lagagirik, endawi adenggen en, Yesus “Wa!” yugogogi. Eke, ap andi, awi Samaria menda aro.

Lukas 4:6

Inuk ugu lagagirik, “It ap ininis werek enavema biselagwima andi ovok sek halok, avakwa en vok yagalagwi yi ako, an vagago dogopwak yiluk, woknogogirikmu, an nendawi en wogeraliga.

Lukas 4:8

Yugugu lagagimu, At Yesus en, “Ala en iri dugwit, ‘Henasin Ala avema seve yiluk, At adigat siyabagwi, At yagaliga halok adigat dibaluk ogarit lagwi, ogagu dogones,’ yiluk, yagagi ako dirup warek agarik.”

Lukas 8:28

Aren Yesus higya lagagirik, avema seve iri lagagirik, ane ombok vaga, “Yesus wai! At Mondok Siyalek Adigat Agarik Ala Abut Hat Yesus yi, an nggarogo okbanigiluk wagen? An edup-mbedup okbaninggya heyaoen yiluk, yukhisiga,” yugogogi.

Wahyu 22:8

Wene yagan wagao naruk hunggu, oklarit wagao nil higya, oklaga ako andi, an Yohanes enat higi. An naruk hunggu, nil higya, ogagya lagirik, at hivis ogarup wene yuknigas malaikat ako inis siyabagiluk, avema seve iri lagima,

Wahyu 4:10

Ogagusigik, it enanggok ap ombok-ombok eneyave 24 akoen At mondok-mondok iluk itok agarik wene yugeraligama kursi sek vaga horaik agarik ako, avema seve yiluk, inis siyabagu dugwit, “Nenasin Ala wa. Hat hendawi wenggebaluk, ‘Yi menda ndi menda ovok erogo werek ogarisogon o,’ yiluk, ogagagin. Hat hadigat mondok eve ombok agindik atma, yi avakwa ndi avakwa ovok Hat havema seve yiluk, hinis siyabagagwi, hai wakhitwi, ogagu dogopwak,” yiluk, nggudit-nggudit mendarek yirik ako, nggolalogo At avema bawagu sigis.

Wahyu 5:8

Wigya lagama, it avakwa en iniselagwidek menda eneyave 4 ako inim, mbogot vaga agarwik enanggok ap ombok-ombok eneyave 24 ako inim, Ndomba Eyak ako avema seve yagao. Seve yiluk, it enanggok ap ombok-ombok akoen nggindar inim, sogolowak mbusi emas vaga mendarek amben eyave sek menda nudik ako inim, enadik-enadik vagago dugwit, ndawi vaga yugugu sigis. Amben eyave sek menda sogolowak mbusi emas vaga nudik ako andi, it Ala aburi At ake denek samban ogasagwi enane nudik higi.