Lukas 4:6 - ALA WENE HIVIS DIRUP WATUGWA

⁶ Inuk ugu lagagirik, “It ap ininis werek enavema biselagwima andi ovok sek halok, avakwa en vok yagalagwi yi ako, an vagago dogopwak yiluk, woknogogirikmu, an nendawi en wogeraliga.

Lukas 4:6 Iomraidhean Croise

Lukas 4:7

Anderogo atma, Hat navema seve yiluk, siyabaninggya heyalok, hil hegen ako ovok erogo Hat vagago dogonyok yiluk, wokhisogon o.”

Yohanes 12:31

It avakwa o wen vaga yoma agarwik enowak dilogo anggin enovaga bisaup ako, o yogak yiat. At o wen vaga yoma vagago agarik ako haryogo wibaup yogak yiat.

Yohanes 14:30

It avakwa o wen vaga agarwik enowa inis ombok Sile ako vage wandiga atma, wene ambi inim adup erogo yukherayogonbuk. At wagya dogomindik, An at avema banup mondok dek.

Yohanes 8:44

Hit yi, henasin at Sile atma, at ogarup ombasiga menda ako adigat, ogarusogom, ombasagwi. At o endak en ogarit wagya hegek, yogak yi hudi avakwa inirisiga menda-at agarik. Avyarat wene Ala avok ako at endawima agarikbuk atma, Ala yagaliga ako at mondok ogagetek-at agarik. At itok huluk molalogo yagaliga menda aratma, huluk wene yagalagwi menda enasin arat dugwit, at endawi en wene ugun-ugun wenggebaluk, huluk molalit landiga menda arat.

2 Korindus 11:14

At Sile ogo, malaikat elose awiya agarik ako wane-wane okbaluk, ogarit landiga atma, it andi ogasagwi halok, “Wi!” vok yubuk.

Evesus 2:2

O andi vaga, hit ap wen vaga menda enendawi ninggya halok ugun musek lendagwi ako hak ogarit nagu lagagup. Anderogo ogagu dugwit, it yi madis ndi madis mbogot avema o ilim yenam agarwik enasin inis ombok ako avakwa Ala wene weyak erogo baguselok enendawima mabisilin landiga menda akoen, yukhirigya halok, henaruk hobaluk ogarit lagu lagagup.

1 Peterus 1:24

Andi, Ala wene endak dirup warek ambi, yerogo yagagi: “Avakwa ovok erogo, eneyave yoangga-hedangga ovagak, avakwa sek yiluk vok yagalagwi andi, yo agare yugu halok avakwa “Wi,” yiluk vok yagalagwi hak aro. Yo angga mbuk agya dugwit, agare yabo-yabo wambisiga.

1 Yohanes 5:19

Yi avakwa ndi avakwa weyak ogasagwi ako ovok erogo at weyak ogonivisiga Sile ako avema agarwik ninilup ovara, nit andi, Ala aburi-at agurik.

Wahyu 12:9

at mbas ombok ako aori inim haryogo wema mbombo bisa wagu sigis. At mbas ombok awigovak ovagak wombaba waga ako andi, o muk en yi avakwa ndi avakwa ovok erogo enambukmu dagasiga menda inis Sile ako andi, inis ambi Setan aratma, at aori inim ovok erogo mbogot vaga en haryogo wen vaga wombabisa wagu sigis.

Wahyu 13:2

Yangge do ovagak aninis werek ima en wulu wagya higi eyave ako andi, yangge harimau ovagak. At isok andi, ombok wam beruang isok ovagak, eke, elagap ako andi, yangge singga elagap banerek ako ovagak higi. At mbas ombok awigovak ovagak akoen, “An nanye vaga ogarit lagya, an wene yugeraligama dugwit, wene yugirigya, ogagya dogonyok yiluk, ovok erogo hat hadigat handok okbagagi o,” yiluk, yugugu higi.

Wahyu 13:7

It ap ininis unggul adik-adik inim, enane adik-adik inim, enagamut adik-adik inim, yi avakwa ndi avakwa ovok erogo at yangge akoen enasin inis ombok dugwit avema sovalogo bisapwak yiluk, mondok okbagya higi. Eke, at yangge akoen it Yesus aburi ake denek ako inim ndup sumbutu dugwit, inirit lagya dogopwak yiluk, mondok okbagya higi.