Lukas 4:5 - ALA WENE HIVIS DIRUP WATUGWA

⁵ Yugugu lagagimu, at Sile akoen Yesus wolok ndom vaga inggya lagagirik, andoma en wen vaga yoma yi avakwa ndi avakwa ininis werek enavema biselagwima ovok erogo o digavok yagaliga hak ambi vaga-at inuk ogogi.

Lukas 4:5 Iomraidhean Croise

Matius 24:14

Ala avema bisaup Sek Wene yi, avakwa ininis unggul adik-adik menda inilup arupwak yiluk, yi awi ndi awi ovok erogo mondok sigam erogo yugeregek naguselok andi, o hivis oklarup avyarat arugwi,” yiluk, yugeragagi.

Matius 4:8

Yugugu lagagimu, at Sile akoen Yesus wolok ndom mondok adup vaga inggya lagagirik, wen vaga yoma yi avakwa ndi avakwa ininis werek enavema biselagwima inim, it enangge mondok widao menda inim, ovok erogo inuk ogogi.

1 Korindus 7:31

Eke, hit wen vaga yi menda ndi menda wokbaluk, henendawi hunik ogasagwi ako, henendawi hunik dek ovagak akluk, dogop. Andi, o wen vaga yoma helagwi ako dek arup hudi vage horok ari wagarikmu, yiluk, yukheraliga.

2 Korindus 4:17

Yogak anggin-mbanggin novaga asiga yi, hivis okbininaup wane-wane mondok dek. Hivis okbininaup ako andi, yogak anggin nenovaga asiga andi vaga, nit siyabininagwi ako mondok-mondok siyalek-at dogosogom. Anderogo atma, yogak okbininelagwi yi, “Un sidok madugat okbininelagwi,” ombasagwi.

Evesus 2:2

O andi vaga, hit ap wen vaga menda enendawi ninggya halok ugun musek lendagwi ako hak ogarit nagu lagagup. Anderogo ogagu dugwit, it yi madis ndi madis mbogot avema o ilim yenam agarwik enasin inis ombok ako avakwa Ala wene weyak erogo baguselok enendawima mabisilin landiga menda akoen, yukhirigya halok, henaruk hobaluk ogarit lagu lagagup.

Evesus 6:12

Ndup ninim sumbutu dugwit, yidilhedelagwi ako andi, nit ap wen vaga menda ninim sumburisagwidek. Ata, it enagayuk werek o ilim yoma nagu dugwit, avakwa wen vaga yoma enendawi o hup ovagak agarwik ako, weyak ogarupwak yiluk, enendawi nomalinivisagwi menda inim, Sile aori yi madis ndi madis inim, ovok erogo ninim ndup sumbutu dugwit, yidilhedelagwi.