Lukas 4:41 - ALA WENE HIVIS DIRUP WATUGWA

⁴¹ Eke, it avakwa wisane madis enendawima nonggagagi ako ogo, sek okbugu dugwit, “Wilitales!” yiluk, madis ako yugirigya lagagimu, enane na yugu dugwit, “Ala Abut Harat o!” yiluk, nggigilogo wunggugwa. Ala en ap Inis Ombok Denogo Mondok Okbagagi Keretus ako it inilup atma, enane yugusigik ovara, At Yesus en mberirigya dugwit, “Hit henanedek mbuverek dogwes!” yiluk, yugeragagi.

Lukas 4:41 Iomraidhean Croise

Matius 26:63

Yugogogi ovara, At Yesus ako anedek mbuverek-at welagagi. Mbuverek werekma, at imam-imam enasin ombok en, “Hat Ala Abut enogo mondok okbagagi Mesias ako heyalok, sigam erogo yukneranok yiluk, At Ala iluk agarik inis vaga yukhisiga.”

Matius 4:3

Erom uvup ogagya lagagimu, at avakwa enendawima nomalivisiga menda Sile akoen wagya lagagirik, Yesus adoma yugugu dugwit, “Hat avyarat Ala Abut heyalok, helep yi, erom arupwak yiluk, yuguru!”

Matius 8:16

O howam agya hegek, it madis enendawima werek menda wisane avakwa en woginiviluk Yesus adema bisa wagu lagagwama, At ane vaga madis avakwa enendawima en nggigilogo wibugu, it aup idup menda ovok erogo sek oginipu, ogagagi.

Matius 8:29

Ap mberen ako Yesus wagya hugu lagagwarik, enane ombok vaga At yugugu dugwit, “Ala Abut wai. Hat nggayok bininagiluk nenadoma wandiga? Nit nenarup andi ao hegek, Hat nit nenendak nenarigiluk wandiga ai?” yugogogwa.

Matius 8:4

Sek agya lagagimu, Yesus en ap ako yugugu dugwit, “Avakwa mondok yugerabuk. At imam en il heyapwak yiluk, adema elak. At Musa en iri dugwit, ‘Avakwa eneyave sek aguselok, Ala ake anderogo baup o,’ yiluk, yagagi wane-wane hat sek okbagagirikmu, avakwa en bagya heyapwak yiluk, Ala ake anderogo belak,” yiluk, yugogogi.

Markus 1:25

Yugugu lagagimu, At Yesus en mberugu dugwit, “Hat hanedek, wilin!” yiluk,

Markus 1:32

O howam mo huruk irisim it avakwa andoma en, it aup warek menda inim, madis enendawima werek menda inim woginiviluk Yesus adema lagagwa.

Markus 1:34

Homagusigik, At Yesus en avakwa yi aup ndi aup adik-adik menda akoma ovok erogo sek okbugu, avakwa madis enendawima werek menda akoma nggigilogo wibugu, ogagagi. It madis ogo At Yesus inilup atma, At Yesus en “Hit henanedek mbuverek dogwes!” yugirigya lagagimu, enanedek wunggugwa.

Markus 3:11

Horok-horok werekma, it madis enendawima nonggagagwa ako it madis akoen Yesus inil hugu lagagwarik, “Ala Abut Hat aro,” yiluk, na yugu dugwit, yeve-reve yagagwa.

Lukas 4:39

Yugugu lagagwama, at eyave nogo yuguma lagya lagagirik, alilimu mendek dugwit, “Aup edudek aru,” ao yugugu hegek, dek agagi. Dek agya lagagimu, hwa ako mbikit mendek yiluk, it enake ogagya lagagi.

Yohanes 20:31

Ogagya lagagi mbuku dirup warek yi ako andi, hirenen Yesus andi, Ala en At Abut denogo mondok okbagagi Keretus-at, hit avyarat ombarovovok yiluk, wene yi dirup watis. Eke, avyarat umbutu dugwit, Yesus okbigigaliga vaga hiniluk mondok dogovovok yiluk, wene yi dirup watis o.

Yakobus 2:19

Hiren, “Ala andi, adigat agarik avyarat ombasagwi,” yiluk, ombasagwi andi segat ovara, it madis inim wene andi anderogoat avyarat umbutu dugwit, enalon en enowak wuruk-wuruk yagalagwi ovara, hit andi avyarat umbutu dugwit, mbuverek adigat hinisaliga.