Lukas 4:36 - ALA WENE HIVIS DIRUP WATUGWA

³⁶ Nggigilogo wunggu lagagimu, it avakwa ovok erogo enalon en, “Wi!” yiluk, at ambien at ambi yugigik yugu dugwit, “Avyak! Ap yi, ane yagaliga, ayai! At ane avuput anye vaga madis edup agoda werek menda, ‘Wilin,’ yugirigya halok, wibisaliga wi!” yiluk, yagagwa.

Lukas 4:36 Iomraidhean Croise

Matius 9:33

madis ako nggigilogo wibagya lagagimu, At anedek welagagi ako, ane werek agagi. Ane werek agya lagagimu, it avakwa wonggalek agarwik akoen, “Wi!” yiluk, vok yugu dugwit, “Nit ap Iserali menda nenamwa yoma anderogo ambi ogagu selagwidek ovara, ap yi ogagya helagwi,” yiluk, yagagwa.

Markus 1:27

Wunggu lagagimu, it ovok erogo “Ayai” yiluk, enalon wisane agu lagagwarik, at ambien at ambi yugigik yugu dugwit, “Avyak. Nggarogonggan winggas? Wene adik swi mamulik ane anye vaga ‘Wilin,’ yugugu halok, madis agoda werek ako endawi hobaluk ap endawima en winggas,” yagagwa.

Markus 7:37

Yugeregek nagwis ako enaruk hunggu lagagwarik, “Enaruk nggulup ako enaruk hurogo bugu, enanedek ako, enane werek erogo bugu, oginivit lagya dugwit, yi ogagek ndi ogagek sek adigat ogarit naliga yi, wi,” yiluk, enalon agu dugwit, vok yugu lagagwa.

Lukas 2:18

It ndomba andok en wene mbilinogo yugeragagwa ako, avakwa hunggu lagagwarik, it ovok erogo, “Wi!” yiluk, vok yagagwa.

Lukas 4:32

Wene mamulirigya dugwit, At endawi werek dugwit ane anye vaga yugirigya halok, avakwa en, “Wi!” yiluk, enalon agagwa.

1 Peterus 3:22

At eyave iluk akluk, mbogot vaga inggya lagagirik, Ala inggis amotkan horaik dugwit, it malaikat inim, it enanye werek o ilim yenam agarwik inim, yi madis ndi madis inim, At avema sovabigigirikmu agarwik.