Lukas 4:35 - ALA WENE HIVIS DIRUP WATUGWA

³⁵ Yugugu lagagimu, Yesus en mberugu dugwit, “Hat hanedek, wilin!” Yugugu lagagimu, madis akoen ap eyave avakwa enanggelekma wen vaga andoma ndun okbagya lagagirik, eyave edup yagan watitek hegek, madis nggigilogo winggigi.

Lukas 4:35 Iomraidhean Croise

Matius 17:18

Yiluk, yugirigya lagagimu, wolok wagu lagagwama, At Yesus en madis ako mberugu lagagimu, madis ako avyak endawima en wunggu hegek, avyak ako andi hudiat sek agagi.

Matius 8:26

Yugugu lagagwama, Yesus en, “Hit ap henendawi Ala des erogo avyarat ombasagwidek menda yi nggarogo yiluk henalon helagwi?” yugirigya lagagirik, mendek yiluk, o havut endengga inim, is mogoliluk navunak-kavunak iris ako inim, mberugu lagagimu, wadokdek mbuvat yagagi.

Markus 1:26

yugugu lagagimu, at madis ap endawima nonggagagi akoen eyave wuruk-wuruk dede iri dugwit, naik iri lagagirik, nggigilogo winggigi.

Markus 4:39

Yugugu lagagwama, iluk agya lagagirik, havut ako, “Moga,” mberugu lagagirik, is ako “Havolok dek mbup iru,” yugugu lagagimu, havut inim, is inim avolok dek agagi.

Markus 9:26

yiluk, mbet yugugu lagagimu, madis ako na iri lagagirik, avyak ako inggis isok irup-wadok ogagya lagagirik, winggigi. Wunggu hegek, avyak ako nggorak ovagak werekma, it avakwa wisane akoma en yugu dugwit “Wi! Avyak yi ako hombagas,” yagagwa ovara,

Lukas 11:22

ap anye werek adik ambi en ap ako awi vaga mikheda nunggwigya dugwit, at eyave sovalogo bagya halok andi, ayegen-ndugudis ako vaga endawi vanggabaluk, dogomi ako angge-angge ako wokbaluk, sumbureraliga.

Lukas 4:23

Yugu lagagwama, Yesus en it yugirigya dugwit, “It avakwa en, ‘Dokter wai. Hat heyave sek okhedomano,’ mbilape yagalagwi ako, eke, ‘O Kapernaum ogagya lagen, hunggup ako, hat hawi adem vaga endaklagagindikmu yoma anderogo ogagya dogwen,’ An yuknirup yiluk, yugu hinigis.”

Lukas 4:39

Yugugu lagagwama, at eyave nogo yuguma lagya lagagirik, alilimu mendek dugwit, “Aup edudek aru,” ao yugugu hegek, dek agagi. Dek agya lagagimu, hwa ako mbikit mendek yiluk, it enake ogagya lagagi.

Lukas 4:41

Eke, it avakwa wisane madis enendawima nonggagagi ako ogo, sek okbugu dugwit, “Wilitales!” yiluk, madis ako yugirigya lagagimu, enane na yugu dugwit, “Ala Abut Harat o!” yiluk, nggigilogo wunggugwa. Ala en ap Inis Ombok Denogo Mondok Okbagagi Keretus ako it inilup atma, enane yugusigik ovara, At Yesus en mberirigya dugwit, “Hit henanedek mbuverek dogwes!” yiluk, yugeragagi.

Lukas 8:24

Seve yagan wambigya lagagimu, Yesus adema lagu lagagwarik, iluk okbaluk, “Nenasin wai! Nenasin wai! Is mondok ndokal ninivisiga!” Yugugu lagagwama, At iluk akluk, o havut endengga inim, inamut mogoliluk ogagya inim, mberugu lagagimu, havut mbup iri lagagirik, is ako avolok dek agagi.

Lukas 9:39

Madis en avyak ako vagari wagek adigat ogagya halok, na iri hegek, legogo wen vaga ndun okbagya lagarik, inggis-isok ndogom-ndogom watya, owarilagap ogarupwak yiluk, okbagya, ogagya lagarik, wasiga. Hekbaluk, wulup andi, ombasigadek.

Lukas 9:42

Yugugu lagagimu, ao wolok wagya hegek, madis akoen avyak eyave legogo wen vaga ndun okbagya lagagirik, inggis-isok ndogom-ndogom yupwak yiluk okbagagi. Okbagya hegek, At Yesus en madis edup agoda werek menda ako mberugu lagagirik, avyak ako sek okbaluk asin wogogogi.

Wahyu 12:12

Hat mbogot inim, hit mbogot vaga agipik inim, henendawi adenggen umbutu dogones o. Eke, hit wen vaga agipik ako inim, is ombok yanggadek laut vaga agipik ako inim, hit ako andi, henanggelekma at Sile wombaba waga akoen, ‘An dek okbanup ako, o vage horok ari wandiga o,’ yiluk, aninis wisane en hit avakwa sali-vali erogo bigigayogon atma, Henabwa o!” yiluk, iri higi.