Lukas 4:34 - ALA WENE HIVIS DIRUP WATUGWA

³⁴ “Yesus wai. Hat ap Nasaret menda nit madis nggarogo okbininagiluk wagen? Nit dek okbininagiluk wagen a? Hat Ala Abut weyak ogasigadek mondok sek adik denek agindik ako, heyave an nilup.”

Lukas 4:34 Iomraidhean Croise

Matius 8:29

Ap mberen ako Yesus wagya hugu lagagwarik, enane ombok vaga At yugugu dugwit, “Ala Abut wai. Hat nggayok bininagiluk nenadoma wandiga? Nit nenarup andi ao hegek, Hat nit nenendak nenarigiluk wandiga ai?” yugogogwa.

Markus 1:24

naik hunik iri dugwit, “Yesus wai, Hat ap Nasaret menda nggarogo okbininagiluk wagen? Hat dek okbininagiluk wagen a?” yugugu lagagirik, “Ala Abut weyak ogasigadek mondok sek adigat enek menda heyave an nilup,” yugogogi.

Markus 1:34

Homagusigik, At Yesus en avakwa yi aup ndi aup adik-adik menda akoma ovok erogo sek okbugu, avakwa madis enendawima werek menda akoma nggigilogo wibugu, ogagagi. It madis ogo At Yesus inilup atma, At Yesus en “Hit henanedek mbuverek dogwes!” yugirigya lagagimu, enanedek wunggugwa.

Markus 5:7

“Yesus wai. Hat Ala Mondok Siyalek Adigat Agarik ako Abut yi an nggayok neragiluk wagen?” yiluk, ane ombok vaga naik iri dugwit, “Ala inis vaga an edup-mbedup okbanubuk,” yiluk, yugogogi.

Lukas 1:35

Yugugu lagagimu, malaikat akoen, “Averiniki hovaga wambu wagya hegek, At Mondok Siyalek Adigat Agarik anye okbaga wagya dogomima, havula agya dogomindik, hat heyak endarisogon ako avakwa en, ‘Wi, mondok Sek Adik Denek agarik yi, Ala Abut aro,’ yugu dogosogom.

Lukas 4:33

Ndugwis ambi vaga ap ambi madis edup agoda werek menda endawima nonggagagirikmu, it Yakuri samban ogasagwima welagagi. At ap ako ane naik hunik iri dugwit,

Lukas 4:41

Eke, it avakwa wisane madis enendawima nonggagagi ako ogo, sek okbugu dugwit, “Wilitales!” yiluk, madis ako yugirigya lagagimu, enane na yugu dugwit, “Ala Abut Harat o!” yiluk, nggigilogo wunggugwa. Ala en ap Inis Ombok Denogo Mondok Okbagagi Keretus ako it inilup atma, enane yugusigik ovara, At Yesus en mberirigya dugwit, “Hit henanedek mbuverek dogwes!” yiluk, yugeragagi.

Lukas 8:28

Aren Yesus higya lagagirik, avema seve iri lagagirik, ane ombok vaga, “Yesus wai! At Mondok Siyalek Adigat Agarik Ala Abut Hat Yesus yi, an nggarogo okbanigiluk wagen? An edup-mbedup okbaninggya heyaoen yiluk, yukhisiga,” yugogogi.

Lukas 8:37

Yugurugu lagagwama, it avakwa o Nggerasa menda yi awi ndi awi andoma ovok erogo mondok enalon wisane agu lagagwarik, Yesus it enamwa andoma en hekbaluk wulupwak yiluk, yugogogwa. Yugugu lagagwama, Yesus mburis vaga nunggwigya lagagirik eyami vaga winggigi.

Lakbogogi Wene 16:39

Enalon agu dugwit, it ako enadema wagu lagagwarik, “Ai, nenaswei! Weyak okbugugup atma,” yiluk, it ako lembaga en mo bisa lagu lagagwarik, “O kota yoma dogobuk. Elales,” yugurugu lagagwama,

Lakbogogi Wene 3:14

At Endawi Mot, Sek Adigat Denek Agarik ako, “Nenanggon o,” yiluk, avoloma ap enasiga menda ambi hekbaup yiluk yagagup ako, hit Iserali menda aro.

Lakbogogi Wene 4:27

“Yagagi ako, o kota yoma it Herodes inim, Pondius Pilatus inim, it weram Yakuri dek menda inim, it Iserali menda inim, iren Hat hayeloman Endawi Sek Adik Denek Yesus, Hat denogo mondok okbagagin ako, At warogo bapwak yiluk avyarat o kota yoma homagagwa.

Iberani 2:14

Aren, “Avakwa andi An naburi,” yiluk yagagi andi, nit avakwa neneyave wen vaga hambisagwi menda wane-wane okhedagagi andien, At eyave hambigya dugwit, hambisagwi menda adem andok agarik Sile ako, At Yesus en anyedek erogo sovalogo baluk,

Yakobus 2:19

Hiren, “Ala andi, adigat agarik avyarat ombasagwi,” yiluk, ombasagwi andi segat ovara, it madis inim wene andi anderogoat avyarat umbutu dugwit, enalon en enowak wuruk-wuruk yagalagwi ovara, hit andi avyarat umbutu dugwit, mbuverek adigat hinisaliga.

1 Yohanes 3:8

At Sile o muk endak en weyak adigat ogarit naliga atma, ap ambi weyak adigat ogarit lagya halok, at Sile abut-at agarik. Eke, at Sile ako weyak adigat ogarit naliga atma, At Ala Abut wambu wagagi ako andi, at Sile en ogasiga ako mondok degerogo bagiluk, wambu wagagi.

Wahyu 20:2

Wambu wagya lagarik, at mbas ombok awigovak ovagak o muk erogo avakwa enambukmu dagasiga menda Sile ako, inis ambi Setan aratma, at sovalogo bagya dugwit vagago mbusi heda ako vaga makbaluk, 1.000 tahun vaga dogopwak yiluk,

Wahyu 3:7

Yuknugu lagarik, wene ambi yuknugu dugwit, “At malaikat An naburi o Viladelipia homarisagwi malenombogo agarik akoen aburi yugerapwak yiluk, dirup warogo lakbanogen, yukhisogon.” “An huluk yagaligadek avyarat adigat yagaliga Ala ake nadik denek agirik akoen, Daut agunsi ako vagago dugwit, sup hurutu neyalok avakwa en larup meyan, eke, latya neyalok avakwa en hururup meyan, An nadigat vagago agirik yi akoen, it An naburi o Viladelipia menda wene yi yugeraliga: