Lukas 4:23 - ALA WENE HIVIS DIRUP WATUGWA

²³ Yugu lagagwama, Yesus en it yugirigya dugwit, “It avakwa en, ‘Dokter wai. Hat heyave sek okhedomano,’ mbilape yagalagwi ako, eke, ‘O Kapernaum ogagya lagen, hunggup ako, hat hawi adem vaga endaklagagindikmu yoma anderogo ogagya dogwen,’ An yuknirup yiluk, yugu hinigis.”

Lukas 4:23 Iomraidhean Croise

Matius 13:54

At awi adem vaga akoma wagya lagagirik, it Yakuri samban ogasagwima akoma dugwit, wene mamulirigya lagagimu, it avakwa wene hunggugwa akoen, “Wi,” yiluk, vok yugu dugwit, “Wene nggoma en wigya lagarik, endawi werek dugwit iris, nggarogo ogarubuk menda ogagya, ogasiga ombasagwi?

Matius 4:13

Lagya lagagirik, o kota Nasaret akoma hekbaluk, o kota Kapernaum is Galilea yanggadek omban vaga ap ininis unggul Sebulon, Naftali, enamwa akoma-at mbup yi lagagi.

Matius 4:23

At Yesus o Galilea avilis-ambot ovok erogo nagu dugwit, it Yakuri samban ogasagwima wene mamulirigya, Sek Wene Ala avema bisaup wene ako, avakwa yugirigya, aup adem adik-adik menda inim, idup-mbidup menda inim, sek oginipu, ogarit nagu lagagi.

Markus 6:1

O andoma en Yesus At ane welagwi menda inim, awi adem vaga lagagwa.

Lukas 2:39

“Avyak endaklagya halok, yerogo ogagu dogop,” yiluk, Nenasin Ala wene dirup warek ako, isa-asin en ovok erogo dikduk-dakduk okbagu lagagwarik, eneyami vaga enamwa o Galilea o kota Nasaret wunggugwa.

Lukas 2:51

Andien, At inim o Nasaret lagu lagagwarik, At isa-asin enavema dugwit, enane des erogo hunggu hegek, At isa akoen andi, it avakwa yugwi ako endawima wigya dugwit, wenggenggu lagagi.

Lukas 4:16

Andien, At Yesus sawe agagirikmu o Nasaret akoma lagagi. Lagya lagagirik, it Yakuri samban ogasagwi vaga it samban ogasagwima akoma nonggegek iri lagagi ndatak, At nunggwigya lagagirik, Ala wene dirup warek vaga bikhegek yugeragiluk, mendek yagagi.

Lukas 4:31

Andien, hivis, o Galilea kota ambi Kapernaum lagagi. Lagya lagagirik, it Yakuri samban ogasagwi vaga wene mamulirigya lagagi.

Lukas 4:35

Yugugu lagagimu, Yesus en mberugu dugwit, “Hat hanedek, wilin!” Yugugu lagagimu, madis akoen ap eyave avakwa enanggelekma wen vaga andoma ndun okbagya lagagirik, eyave edup yagan watitek hegek, madis nggigilogo winggigi.

Lukas 6:42

Eke, yo agako mbalek hit hinimu wikhegetek dugwit, ‘Naswe. Yo iluvulu himu nonggagas ako wikheyayogon,’ andi nggarogonggan yugurup ombasagwi? Ee! Henagavoval yagalagwi! Yo agako mbalek hit hinimu winik agarik ako endak wikhelok, henaswe imu wikhaup andi, sigamat hagup o,” yiluk, yugeragagi.

Yohanes 4:28

Yugigitek inigik, hwa akoen agas owak hekbaluk, amwa o kota akoma lagya lagagirik, avakwa yugeregek lagya dugwit,

2 Korindus 5:16

Anderogo atma, it avakwa wen vaga menda en, enelese dibisiluk sek umbutu dugwit yugerelagwi hak, nit anderogo yugerelagwidek. Eke, endak andi, nit Keretus anderogo o, yiluk dibagetek dugwit yugu lagagup hak, yogak nit anderogo yagalagwidek.