Lukas 4:18 - ALA WENE HIVIS DIRUP WATUGWA

¹⁸ “It avakwa ininggidek ako Sek Wene yugirigya dogopwak yiluk, denogo baninggigi atma, Nasin Ala Averiniki novaga agarik o. It avakwa heda mago agarwik ako, ‘Visilogo bisayogon o,’ yiluk, yugirigya, inil mbuk ako, ‘Hinil sek okbigigaup andi, ndak,’ yiluk, yugirigya, it avakwa sovabisiluk agarwik ako wender erogo bugu,

Lukas 4:18 Iomraidhean Croise

Matius 11:5

Inil mbuk menda inil hugwi, inisok weyak menda sup sek lagwi, amu hunik menda sek agwi, enaruk nggulup menda enaruk hunggwis, hombagao menda iniluk erogo mondok okbugu, eke, ininggidek ako Sek Wene yugirigya, ogagya neyagep ako, yugirilales.

Matius 12:18

“Anen enogo betagagis nayeloman nendawi hunik nadenggen okneraliga yi, hinil yokhanes. An Naberiniki At ovaga bagya neyalok, Aren An atma nggedok sek adigat enowak dilisiga ako, yi avakwa ndi avakwa yugeregek lagya dogosogon.

Matius 12:20

At atma nggedok sek adigat enowak dilisiga ako, ombok arupwak yiluk, ao ogagetek dugwit, don owak yanggalek anyedek agarik ako hedalogo bayogonbuk, eke, lilin ageda hali abya asigadek, yuvuk adigat agarik ako, nagaulogo hekbayogonbuk.

Matius 4:16

o hwiserekma welagagwa ovara, o awiya ombogat inil hagagwa. Eke, it hambisagwi avema hwiserekma welagagwa ako, awiya adigat enovaga okbogogi,” yiluk, yagagi ako atma des yupwak yiluk, o andoma-at lagagi.

Matius 5:3

“It avakwa enendawi sovalek Ala ovaga vanggabaluk agarwik andi, At mbogot vaga menda en At avema bisaliga iratma, enendawi adenggenat umbutu dogopwak o.

Lukas 4:17

Mendek iri lagagimu, mbuku virik-verek Ala wene ap navi Yesaya en dirup watigi ako Yesus wogogogi. Wogugu lagagimu, mbuku ako mbigalogo baluk yugirigya dugwit:

Lukas 6:20

Anderogo ogasagwima, Yesus en At ane welagwi menda ako il biginigu lagagirik, yugirigya dugwit: “Hit ap henangge dek yi, Ala en hit At avema bigigaliga atma, henendawi adenggen umbutu dogones o.

Lukas 7:22

Lagagwa akoen Yesus yugugu lagagwama, Yesus en, “Ogagya hinil neyagep inim, yagan lagya henaruk hunggip inim, andi, heneyami vaga Yohanes yugurilales. Inil mbuk menda inil hugwi, inisok weyak menda sup sek erogo lagwi, amu hunik menda sek agwi, enaruk nggulup menda enaruk hunggwis, hombagao menda iniluk erogo mondok okbugu, eke, ap ininggidek ako Sek Wene yugirigya, ogasiga ako yugurilales.

Yohanes 1:41

At Andereas akoen owa Simon Peterus belalit lagya lagagimu mbikit il heyakbagya lagagirik, yugugu dugwit, “Simon wai! Mesias ako vage waga ninil higyo,” yiluk, yugogogi. (Mesias, yugogogi ako andi, nit nenane vaga Ala en denogo mondok okbagagi Keretus aro, yiluk yugogogi.)

Yohanes 12:46

Hit ambien henendawi novaga vanggabaluk, avyarat numbutu hiniselok, o hwiserekma dogoguven yiluk, o awiya vaga dogovovok yiluk, An awiya ovagak o wen vaga yoma wagagis.”

Yohanes 3:34

At Ala en lakba wagagi andi, Ala en Averiniki hudi bagetek wisane erogo wogisiga andien, Ala aneat yugeraliga.

Lakbogogi Wene 10:38

At Ala en Yesus Nasaret menda Averiniki ovaga wombaba wagya dugwit, denogo bagya, anye wogugu, ogagya lagagirik, Ala inim atma, sek ogarit lagya, it madis Sile avakwa enendawima malit landiga menda ako haryogo wibugu, ogarit nagu lagagi.”

Lakbogogi Wene 26:18

It o hup ovagak agarwik ako, inil venggenogo bisiluk, awiyama nunggu wagwi, eke, at Sile avema bogogirikmu en wulukluk, Ala avema nunggu wagwi, ogarupwak yiluk, lakbagasogon. It ako enendawi novaga vanggabaluk avyarat numbutuselok, enomaduk Ala en degerogo bisiluk, At aburi denogo bogogirikmu inim lobalogo bisapwak yiluk, lakbagasogon,’ yuknogogi,” yiluk, yugeragagi.

Lakbogogi Wene 4:26

At Nenasin Ala inim, At denogo bagagi ako inim, weyak okbisaguluk, ap ininis ombok yi awi ndi awi en dikduk ogagwi, avakwa enasini ap ombok-ombok homakbaluk, wene hologo bagwi, ogasagwi o.’”

Lakbogogi Wene 4:27

“Yagagi ako, o kota yoma it Herodes inim, Pondius Pilatus inim, it weram Yakuri dek menda inim, it Iserali menda inim, iren Hat hayeloman Endawi Sek Adik Denek Yesus, Hat denogo mondok okbagagin ako, At warogo bapwak yiluk avyarat o kota yoma homagagwa.

Kolose 1:13

At o hwiserek andok akoen nit heda mago ovagak werekma, Ala en nenagap wendarogo At Abut endawi hunik ako avema binina wagya lagagimu,

Yakobus 2:5

Nowa-nasin, hit an nendawi hunik ako, wene yi des erogo henaruk hunggu dogwes. It avakwa en, “Ap yi, ininggidek,” umbutusigik, Ala en miginipigi ako andi, it Yesus avyarat ombasagwi ako vaga Ala en it ininggis werek enombasiga. Eke, At Ala en iri dugwit, “It avakwa enendawi hunik okbanungguselok, navema bisayogon,” yiluk, nggatuk erogo yagagi ako, Ala avema bisaligama mavorangge hak andok okbisagiluk, miginipigi.

1 Peterus 2:9

hit andi, o hwiserekma welagagup ako hekbaluk, At Ala en At o awiya eve mondok iya-at agarikmu akoma dogovovok yiluk, henayonggo bigigu lagagirik, At mondok sek ogasiga menda sigam erogo yugurugu dogovovok yiluk, enogo bigigi. Aren “Hit An menda aro,” yiluk, enogo bigigu, imam-imam ovagak dugwit, At Nenasin Inis Ombok ake ogagu dogovovok yiluk mendek okbigigu, “Hit An naburi nake sek adik enek dogogup o,” yiluk, enogo bigigu, eke, hit hininis unggul At inis unggul menda salogo bigigu, ogagagi.