Lukas 4:17 - ALA WENE HIVIS DIRUP WATUGWA

¹⁷ Mendek iri lagagimu, mbuku virik-verek Ala wene ap navi Yesaya en dirup watigi ako Yesus wogogogi. Wogugu lagagimu, mbuku ako mbigalogo baluk yugirigya dugwit:

Lukas 4:17 Iomraidhean Croise

Lukas 16:29

“Yugugu lagagimu, Averakam en at yugugu dugwit, ‘Musa dirup watigi wene inim, it navi-navi enane inim, yugerelagwi ako hunggu dogopwak.’”

Lukas 20:42

At Daut adik en mbuku Ndawi Wene vaga dirup watya dugwit: ‘At Nenasin Inis Ombok Ala en an Nasin Inis Ombok yugugu dugwit, “It hinim ndup ogorek menda ako, An sovalogo havema bigitek neyagek, ninggis amotkan hora yima,” yugogogi,’ yiluk, yagagi dirup watigi ako andi,

Lukas 4:16

Andien, At Yesus sawe agagirikmu o Nasaret akoma lagagi. Lagya lagagirik, it Yakuri samban ogasagwi vaga it samban ogasagwima akoma nonggegek iri lagagi ndatak, At nunggwigya lagagirik, Ala wene dirup warek vaga bikhegek yugeragiluk, mendek yagagi.

Lukas 4:18

“It avakwa ininggidek ako Sek Wene yugirigya dogopwak yiluk, denogo baninggigi atma, Nasin Ala Averiniki novaga agarik o. It avakwa heda mago agarwik ako, ‘Visilogo bisayogon o,’ yiluk, yugirigya, inil mbuk ako, ‘Hinil sek okbigigaup andi, ndak,’ yiluk, yugirigya, it avakwa sovabisiluk agarwik ako wender erogo bugu,

Lukas 4:20

Wene ako ovok yugirigya lagagirik, mbuku ako yunggulogo yonggaragak wogugu lagagirik, hora yagagi. Hora iri lagagimu, it avakwa Yakuri samban ogasagwima homagagwa ako, ovok erogo inil At adigat vurek welagagwa.

Lakbogogi Wene 13:15

Hora yiluk werekma, it samban ogasagwima vagago agarwik menda akoen Ala wene Musa en dirup watigi wene inim, navi-navi wene dirup warek inim, bikhegek yugurugu lagagwarik, “Nit nenendawi aik wakbininaup wene ambi werek halok yuknerapwak yiluk, nenaswei andi, hemerisenes o,” yiluk, yagagwa.

Lakbogogi Wene 13:27

Anderogoat ovara, it avakwa Yerusalem menda enasini ap ombok-ombok inim akoen, ‘At Yesus andi, nenagap wendarisiga menda aro,’ yiluk, yedok hegetek dugwit, ndugurek-ndagarek it Yakuri samban ogasagwi vaga, it ap navi-navi wene dirup warek bikhegek yagalagwi ako, At warup hobaluk, warogo bagagwa vaga, wene andi atma-at agagi.

Lakbogogi Wene 7:42

Ogagu lagagwama, At Ala endawi hologo baluk, mo il inim, saut inim, dadiwap inim, mbogot vaga menda ovok erogo, siyabagek ogagu dogopwak yiluk hekbogogi. Andi ogagagwa ako, Ala en it navi-navi yugirigya hegek dirup watugwa ako wane-wane-at ogagagwa. It dirup watugwa andi yerogo: ‘Hit Iserali menda andi, o harumu wokhenombolok wagya dugwit, 40 tahun ogagya hegek, henanggom warogo An nake bagagup, yagalagwi yi?