Lukas 4:15 - ALA WENE HIVIS DIRUP WATUGWA

¹⁵ O Galilea andoma dugwit, it Yakuri samban ogasagwima wene mamuleregek lagya halok, avakwa ovok erogo inis siyabagagwa.

Lukas 4:15 Iomraidhean Croise

Matius 13:54

At awi adem vaga akoma wagya lagagirik, it Yakuri samban ogasagwima akoma dugwit, wene mamulirigya lagagimu, it avakwa wene hunggugwa akoen, “Wi,” yiluk, vok yugu dugwit, “Wene nggoma en wigya lagarik, endawi werek dugwit iris, nggarogo ogarubuk menda ogagya, ogasiga ombasagwi?

Matius 4:23

At Yesus o Galilea avilis-ambot ovok erogo nagu dugwit, it Yakuri samban ogasagwima wene mamulirigya, Sek Wene Ala avema bisaup wene ako, avakwa yugirigya, aup adem adik-adik menda inim, idup-mbidup menda inim, sek oginipu, ogarit nagu lagagi.

Matius 9:35

At Yesus o kota ombokma inim, o madukma inim yanonggegek-ndanonggegek lagya dugwit, it samban ogasagwima wene mamulirigya, Sek Wene At mbogot vaga menda avema bisaup wene ako avakwa yugirigya, it aup adem adik-adik menda inim, eneyave idup-mbidup menda inim, sek oginipu, ogarit nagu lagagi.

Matius 9:8

Andi ogagagi ako, it avakwa inil hugu lagagwarik, enalon en, “Ala en it avakwa anderogo ogagu dogopwak yiluk, andok okbisaliga atma, iya!” yiluk, Ala siyabagagwa.

Markus 1:27

Wunggu lagagimu, it ovok erogo “Ayai” yiluk, enalon wisane agu lagagwarik, at ambien at ambi yugigik yugu dugwit, “Avyak. Nggarogonggan winggas? Wene adik swi mamulik ane anye vaga ‘Wilin,’ yugugu halok, madis agoda werek ako endawi hobaluk ap endawima en winggas,” yagagwa.

Markus 1:39

o Galilea avilis-ambot andoma it ap Yakuri samban ogasagwima yugeregek nagu dugwit, madis enendawima werek menda halok, nggigilogo wibisilin nagu lagagi.

Markus 1:45

Aruk warogo lakbagagi ovara, ap ako amwa akoma en wunggu lagagirik, at sek okbagagi wene ako ovok erogo yi awi ndi awi vagalogo yugeregek lagagi. Vagalogo yugeregek lagya lagagimu, At Yesus ako o kota yi awi ndi awi andoma selekma nagu dogop meyan agya lagagimu, avakwa dekma lagya lagagirik werekma, avakwa yi awi ndi awi andoma en At adema homari wagek ogagu lagagwa.

Lukas 13:10

Andien, hivis At Yesus it Yakuri samban ogasagwi vaga it samban ogasagwima ambi wene mamulirigyama,

Lukas 4:16

Andien, At Yesus sawe agagirikmu o Nasaret akoma lagagi. Lagya lagagirik, it Yakuri samban ogasagwi vaga it samban ogasagwima akoma nonggegek iri lagagi ndatak, At nunggwigya lagagirik, Ala wene dirup warek vaga bikhegek yugeragiluk, mendek yagagi.