Lukas 4:1 - ALA WENE HIVIS DIRUP WATUGWA

¹ Averiniki ako Yesus endawima des iri lagagimu, is Yorodan hekbaluk, Averiniki en wolok o harumu avakwa dekma andoma lagagi.

Lukas 4:1 Iomraidhean Croise

Matius 3:16

“Yu,” iri lagagirik ima wombabagya lagagimu, Yesus ima en mondok iri dugwit, mbogot heyarogo Averiniki swa suwa ovagak wigaliluk At ovaga vakba wagya il hagagi.

Lukas 2:27

Averiniki en Simeon endawima yugugu halok, Ala awi valekma mbumbumu nonggagagi. Nunggwigya lagagirik, werekma, Yesus isa-asin en Ala wene dirup warek ogagu lagagwa ako, ndatak ogaruguluk, avyak Yesus ako wolok nonggagagwa.

Lukas 3:3

Yugugu hegek, Yohanes en avakwa yugirigya dugwit, “At Ala en hit weyak ogasagwi ako degerogo bigigapwak en, henasam helok, weyak ako nggelabisines. Nggelabugu hiniselok ima wombabigigayogon,” yiluk, wene andi, is Yorodan liris ambut ovok erogo yugeregek nagu lagagi.

Lukas 3:38

Kenan andi, Enos abut. Enos andi, Set abut. Set andi, Adam abut. Eke, Adam andi, Ala abut-at.

Lukas 4:14

Wunggu lagagimu, At Yesus ako Averiniki anye endawima dugwit, eyami vaga o Galilea lagagi. Lagya lagagirik, werekma, At avok ako o andoma ovok erogo wigak yagagi.

Lukas 4:18

“It avakwa ininggidek ako Sek Wene yugirigya dogopwak yiluk, denogo baninggigi atma, Nasin Ala Averiniki novaga agarik o. It avakwa heda mago agarwik ako, ‘Visilogo bisayogon o,’ yiluk, yugirigya, inil mbuk ako, ‘Hinil sek okbigigaup andi, ndak,’ yiluk, yugirigya, it avakwa sovabisiluk agarwik ako wender erogo bugu,

Yohanes 1:32

Yugirigya lagagirik, at Yohanes vagalogo yugirigya dugwit, “Ala Averiniki swa suwa ovagak mbogot vaga en wigak-wigak yagan wambu wagya lagagirik, Yesus ovaga horaik agarik nil higi.

Yohanes 3:34

At Ala en lakba wagagi andi, Ala en Averiniki hudi bagetek wisane erogo wogisiga andien, Ala aneat yugeraliga.

Lakbogogi Wene 10:38

At Ala en Yesus Nasaret menda Averiniki ovaga wombaba wagya dugwit, denogo bagya, anye wogugu, ogagya lagagirik, Ala inim atma, sek ogarit lagya, it madis Sile avakwa enendawima malit landiga menda ako haryogo wibugu, ogarit nagu lagagi.”

Lakbogogi Wene 8:39

Wombabagya lagagirik, wulu wagyama, at Pilipus ako Ala Averiniki en supuk erogo wolok wunggu lagagimu, ap akoen Pilipus ako ambi inim il hegetek ovara, endawi sek vaga amwa lagagi.