Lukas 3:7 - ALA WENE HIVIS DIRUP WATUGWA

⁷ Yugirigyama, it avakwa wisane ima wombabininapwak yiluk at adema homari wagagwa ako, yugirigya dugwit, “Mbas edup aburi endago menda hit yi aro. Ala aninis henovaga bigigya wasogon ako, hoda wolovovok yiluk, saen hurimbis yukheraga?

Lukas 3:7 Iomraidhean Croise

Matius 12:34

Mbas idup aburi endago menda hit yi aro! Nenendawima en nggeker-erek daga wagya dugwit, nenabis vaga yagalagwi atma, hit eve weyak dugwit, henane vaga nggarogonggan en wene sek yup? Meyan.

Matius 23:33

“Hit mbas idup aburi endago menda yi! Ala en henowak dilogo hali abya wuluk-herek adigat yagaligama andoma lakbigigu halok, hit nggarogo hoda wulumwi? Mondok meyan.

Matius 3:6

it enasam helok, enomaduk avyarat vagangguselok, at Yohanes en is Yorodan ima wombabugu lagagi.

Yohanes 8:44

Hit yi, henasin at Sile atma, at ogarup ombasiga menda ako adigat, ogarusogom, ombasagwi. At o endak en ogarit wagya hegek, yogak yi hudi avakwa inirisiga menda-at agarik. Avyarat wene Ala avok ako at endawima agarikbuk atma, Ala yagaliga ako at mondok ogagetek-at agarik. At itok huluk molalogo yagaliga menda aratma, huluk wene yagalagwi menda enasin arat dugwit, at endawi en wene ugun-ugun wenggebaluk, huluk molalit landiga menda arat.

Lakbogogi Wene 13:10

“Ayai! Hat Sile abut yi, hane huluk wisane erogo yugeregek naliga, eke sek ogarup hanggon dugwit weyak ogarup adigat ombasiga andi, harat. Hat Ala arup amot ovara mbirik ogasiga ako mera hudi mbup yimi?

1 Tesalonika 1:10

Eke, Ala en At abut Yesus hambuluk lendagwima en iluk erogo mondok okbagya lagagimu, hivis ambi At aninis en nit weyak okbininggu haoen, At nenagap wendasiga Yesus mbogot vaga en wambu warisogon atma yiluk, it abyam agurik o,” yiluk, hit ogasagwi ako ovok erogo nit yugu selagwi.

Iberani 6:18

At Ala en wene adem mberen Averakam yugugu dugwit, ambi andi, At avok yugogogi, eke, andien wene ambi, huluk ombaruguven yiluk At inis inim hanum mbalogo yugogogi. At huluk yup meyan atma, wene adem mberen andi degerogo babuk menda-at yugogogi. Anderogo yugogogi vaga, nit Ala avema nunggu wagu lagurik agurik menda nenendawi en “Okbigigayogon,” yagagi nenape wenggelek dugwit, nenendawi wadokdek vagago dogoguluk, nirat yukneragagi.

1 Yohanes 3:8

At Sile o muk endak en weyak adigat ogarit naliga atma, ap ambi weyak adigat ogarit lagya halok, at Sile abut-at agarik. Eke, at Sile ako weyak adigat ogarit naliga atma, At Ala Abut wambu wagagi ako andi, at Sile en ogasiga ako mondok degerogo bagiluk, wambu wagagi.