Lukas 3:22 - ALA WENE HIVIS DIRUP WATUGWA

²² Averiniki eyave swa suwa ovagak wigak yagan Yesus ovaga wambu wagagi. Ovaga wambu wagya lagagimu, mbogot vaga en ane iri dugwit, “Hat Nabut nendawi hunik atma, nendawi adenggen ogagya heyagi o,” yiluk, yugugu hagagi.

Lukas 3:22 Iomraidhean Croise

Matius 12:18

“Anen enogo betagagis nayeloman nendawi hunik nadenggen okneraliga yi, hinil yokhanes. An Naberiniki At ovaga bagya neyalok, Aren An atma nggedok sek adigat enowak dilisiga ako, yi avakwa ndi avakwa yugeregek lagya dogosogon.

Matius 17:5

Wene ao yugugu hegek, hena mudu amumulip menda akoen hwilak bugu hegek, hena anggelekma en ane ambi yugirigya dugwit, “An Nabut nendawi hunik nadenggen okneraliga ako yi atma, At ane henaruk des erogo hunggu dogones.”

Matius 27:43

Endawi Ala ovaga vanggalek dugwit, ‘An Ala Abut,’ iri lagarikmu, Ala en endawi hunik halok, agap wendarupwak,” yiluk, yagagwa.

Matius 3:13

Yugirigya lagagirik, akoma werekma, At Yesus ako, “Yohanes en ima wombabanupwak,” imbita lagagirik, o Galilea en Yohanes is Yorodan ima werekma, adema wagagi.

Matius 3:16

“Yu,” iri lagagirik ima wombabagya lagagimu, Yesus ima en mondok iri dugwit, mbogot heyarogo Averiniki swa suwa ovagak wigaliluk At ovaga vakba wagya il hagagi.

Matius 3:17

Il higya lagagimu, mbogot vaga en ane iri dugwit, “Nabut nendawi hunik ako yi atma, nendawi adenggen wisane oknitya higi o,” yiluk, iri hagagi.

Markus 1:11

Higya lagagimu, At Ala ane mbogot vaga en iri dugwit “Hat Nabut nendawi hunik atma, nendawi adenggen ogagya heyagi o,” yagagi.

Markus 1:9

At Yohanes en ima wombabuguma, At Yesus o Galilea kota Nasaret en adema wagagi. Wagya lagagimu at Yohanes en is Yorodan ima wombabagagi.

Markus 9:7

Yugugu lagagimu, hena wambu wagya dugwit, lovarogo bugu lagagirik, hena anggelekma akoma en ane ambi iri dugwit, “An Nabut nendawi hunik yi atma, At ane henaruk des erogo hunggu dogwes o,” yiluk, iri hagagwa.

Lukas 2:14

“At mbogot winimen agarik Ala ako, inis siyabagu dogosogom o. Eke, o wen vaga yoma it avakwa Ala endawi sek enombasiga ako, enendawi ugun wadokdek dogopwak o,” yiluk, yagagwa.

Lukas 4:21

Inil vurek werekma, Yesus en it yugirigya dugwit, “Ala wene dirup warek bikhegek yukhirigi ako, o yogak yi henaruk hunggu hinigik, atma des yagas o,” yiluk, yugeragagi.

Yohanes 1:32

Yugirigya lagagirik, at Yohanes vagalogo yugirigya dugwit, “Ala Averiniki swa suwa ovagak mbogot vaga en wigak-wigak yagan wambu wagya lagagirik, Yesus ovaga horaik agarik nil higi.

Yohanes 12:28

Halok, Nasin, Hat hinis siyabetoman,” yiluk, yugogogi. Yugugu lagagimu, mbogot vaga en ane iri dugwit, “Ninis ovok siyabitigi atma, ambi inimat siyabetayogon,” yiluk, yagagi.

Yohanes 5:37

“An Nasin lakbani wagagi ogo navok vagalogo yukheragagi ovara, hit At ane henaruk hunggwis, eke, At elose ogo, hinil hugwi, mondok ogagetek-at agipik.

Lakbogogi Wene 10:38

At Ala en Yesus Nasaret menda Averiniki ovaga wombaba wagya dugwit, denogo bagya, anye wogugu, ogagya lagagirik, Ala inim atma, sek ogarit lagya, it madis Sile avakwa enendawima malit landiga menda ako haryogo wibugu, ogarit nagu lagagi.”

Kolose 1:13

At o hwiserek andok akoen nit heda mago ovagak werekma, Ala en nenagap wendarogo At Abut endawi hunik ako avema binina wagya lagagimu,

1 Peterus 2:4

At Yesus eve helep iluk agarik menda ovagak andi, adema omanes. Helep ako segat hegek avakwa en “Helep andi weyak,” yiluk, hekbagagwa ovara, At Ala en andi, “Mondok segat hegek mbobagagwa,” yiluk, enogo bagagi.