Lukas 3:11 - ALA WENE HIVIS DIRUP WATUGWA

¹¹ Yugugu lagagwama, Yohanes en, “Hit henasum yikhedelagwi mberen halok, ap ambi asum dek halok, ambi wogugwis, eke, henagarom werek halok andi, anderogo wogirugwi, ogagu dogones,” yiluk, yugeragagi.

Lukas 3:11 Iomraidhean Croise

Matius 25:40

“Iren, yuknugu dogogupmu, An neve ninis ombok akoen it ako yugirigya dugwit, ‘Dek o. Hiren An naori maridugi ininis dek sovalek menda oginipugup ako andi, Anat okbanunggugup o, yiluk, avyarat yukheraliga,’ yugeragwis.”

Lukas 11:41

Dek! Henendawima ilim en it ap ininggidek wogorugu hiniselok andi, Ala en sek henombarisogon.

Lukas 18:22

Yugugu ako At Yesus hunggu lagagirik, “Wene andi ovok erogo ogasiga ovara, ambiat andi, ogagetek heyagi ako yukhisogon. Hat hangge ovok erogo onggo hunbaluk, it ap ininggidek menda ako wogerelak. Wogera lagya heyalok, hivis hangge-hangge eve sek menda mbogot vaga andoma hedelayogon. Anderogo ovok wogera lagya dogomindik, ninim nagu dogoguluk, omano,” yiluk, yugogogi.

Lukas 19:8

Yugu lagagwama, at Sakius en it wisane inivaga Nenowa Yesus yugugu dugwit, “Ai Nasin. An nangge-nangge higirogo ap ininggidek halok, wogerayogon. Eke, ap yewes okbugu lagi ako, enangge ambi dek okbugu lagi halok, avoloma 4 hudi wogirigya, ap ambi adik angge dek okbugu lagi halok, avoloma 4 hudi wogirigya, ogarisogon o.”

Yohanes 13:29

Ap Yudas enayoparip yidik ako at bendahara werekma, it ninen umbutu dugwit, “At Yesus en isogo isarup yi menda ndi menda ambi inim huni lapwak yiluk, yugisiga a, ata ap ininggidek halok, nin wogeraup yiluk, yugisiga a?” umbutugwa.

Lakbogogi Wene 10:2

At ap ako aburi inim [it weram Yakuri dek menda ovara] ovok erogo Ala enalon umbutu dugwit, Ala wene des erogo ogagu lagagwa. Aren it Yakuri menda wisane erogo ininggidek halok, yonggar-inipu, samban adigat ogagya, ogagya lagagi.

Lakbogogi Wene 10:31

‘Korenelius wai. Hat samban ogagen akom Ala aruk hunggu, eke, avakwa ininggidek menda yonggar-inipu lagen ako Ala il heyakbagagya lagarikmu,

Lakbogogi Wene 10:4

Yugugu lagagimu, at Korenelius anggela wunggu lagagirik, alon en il vurek dugwit, “Nasin. Nggarogo yiluk wagen?” Yugugu lagagimu, at malaikat en “Dek o. Avakwa ininggidek halok yonggar-inipu, samban ogagya, ogasiga ako vaga At Ala il heyakbagagirikmu, hat vaga ape wenggelek agarik.

Evesus 4:28

Hit henonggop welagwi ako, ambi inim henonggop wugu dogobuk. Ata, hininggis vaga adigat okbetaluk nunggwi, it avakwa enangge-enangge dek iniselok yonggar-inipwis, ogagu dogovovok yiluk, yavup ambi ogarup-at vakbaluk, hininggis anye vaga okhedegek lagu dogones.

1 Timotius 6:17

It avakwa o yogak ininggis werek agarwik ako, andi vaga enendawi wogobatugu dugwit, yi menda ndi menda dek arup hegek, enendawi andi vaga vanggabaluk wenggelek dogoguven, yugirigya dogwen. Nit adenggen ombaruguluk, At yi menda ndi menda nggilup-nggilup erogo wokneraliga Ala vaga vanggabaluk wenggelek dogopwak yiluk, yugirigya dogwen.

1 Timotius 6:18

It avakwa ininggis werek agarwik ako yi sek ndi sek ogagu dugwit, avakwa sek okbigik nagwis, enendawi dek avunya weyak avakwa wogeraup adigat enendawi hunik okbugwis, ogagu dogopwak yiluk, mamulirigya dogwen.

Iberani 6:10

Hit Henasin Ala andi, atma nggedok ogasiga menda atma, hit henendawi hunik en At eyavup ogarit lagu dugwit, henaswei Ala aburi yonggar-inipu lagagup inim, yogak ao yonggar-inivisagwi inim, At inggut arisogonbuk.

Yakobus 1:27

Nenasin Ala ivaga At ane dibaluk eyave mondok sek adigat ogagu dogop andi, it avyak hwavyak wenavorangge inim, akwa sogwa inim, enendawi wakhiduguselok, enabwa en yonggar-inipwis, eke it avakwa enendawi weyak en weyak ogarupwak yiluk, henendawima manggu saoen, hwalogo dugwit suam watwis, ogagu dogwes.

Yakobus 2:14

Nowa-nasin o. Hiren, “An nendawi avyarat ombasiga o,” yagalagwi ovara, eyave ogagetek hiniselok, nano ogaruguluk yagalagwi embetep? Ala wene eyave ogagetek dugwit, un avyarat ombasagwi vaga adigat Ala en henagap wendarisogon embetep?

1 Yohanes 3:17

Ap ambi yi menda ndi menda werek en, aswe ambi yi menda ndi menda dek il haliga ovara, abwa embetetek, “Nanggon,” yiluk, hekbagya halok, Ala en avakwa enabwa ombasiga ako menda endawima mondok degat agarik.

1 Yohanes 4:20

Ap ambi at aswe Ala wene waliga menda il higya dugwit ovara, endawi hunik ogasigadek halok, At Ala il hegetek atma nggarogonggan endawi Ala inim hunik ogarup ombasagwi? Mondok meyan atma, at aswe anggon imbita dugwit, “An Ala nendawi hunik agirik o,” iri halok, ap andi huluk yagaliga menda aro.