Lukas 3:1 - ALA WENE HIVIS DIRUP WATUGWA

¹ Ap Kaisar Tiberius inis ombok dugwit, yi awi ndi awi Oroma menda ovok erogo at avema vagago welagagi. Vagago werekma, tahun 15 andi vaga at avema welagagwa menda ako, ap ambi Pondius Pilatus o Yudea Gubernur vagago welagagi. Eke, ambi, ap Herodes o Galilea vagago welagagi. At aot Pilipus o Itureya Serakonitis vagago welagagi. Eke, ambi, ap Lisanias o Abilene vagago welagagi.

Lukas 3:1 Iomraidhean Croise

Matius 14:1

O andi hudi ap inis ombok o propinsi Galilea vagago welagagi Herodes akoen Yesus ogarit lagya ako, aruk hunggu lagagirik,

Matius 14:3

Andi, at Herodes akoen at aot Pilipus ogwa hegek, hwa Herodiana ako wigya lagagimu, at Yohanes en Herodes yugugu dugwit, “Hwa andi, wabuk hegek wegen atma, hiperen dogop mondok moga o,” yiluk, enanggadi wakbigik adigat iri halok, eyave vagarogo heda magago lembaga mabagagi.

Matius 14:6

Alon agya lagagirik, mbuverek werekma at Herodes endaklagagi amor-amor ari wagya lagagimu, hwa Herodiana eyak enanggelekma andoma velen-velen ndawi watya dugwit, Herodes endawi adenggen okbagya lagagimu,

Matius 22:17

ap inis ombok Pemerintah Oroma enasin Kaisar ake yoparip pajak baup sek a, weyak a? Hat hendawi nggarogo ombasiga?”

Matius 27:2

eyave heda marogo at Gubernur inis Pilatus ako wogiri lagagwa.

Markus 6:17

Andi, hwa Herodiana at Herodes aot Pilipus ogwa hegek, at Herodes en hedagagirikmu, at Yohanes en Herodes yugugu dugwit, “Hat haot ogwa hegek, wigindikmu hinim dogop moga o,” yiluk, enanggadi wakbigik adigat iri halok, at Herodes en hwa ako endawi sek arupwak yiluk, Yohanes heda marupwak yiluk, ap enayegen werek lakbugu lagagimu, lagu lagagwarik, heda makbaluk, lembaga mabagagwa.

Markus 6:21

Warup dek agagi ovara, at Herodes endaklagagi amor ari wagagirikmu, at aori, kepala-kepala mondok okbogogi inim, it enayegen werek inim, it ap Galilea menda enasini ap ombok-ombok inim, adenggen isogo isagusim, hwa Herodias akoen, “Ee! Yogak andi nanonggal homagaoma,” imbitigi.

Lukas 13:31

O andi vaga, it ap Varisi menda ninen Yesus adema wagu lagagwarik, At yugugu dugwit, “Ap Herodes harup ombasiga atma, yoma en hodorogo wilin.”

Lukas 2:1

Yohanes ao nggedera helan, ap inis ombok Kaisar Agustus yi awi ndi awi o Oroma ovok erogo vagago welagagi. Vagago werekma, it avakwa ovok erogo eneyave maren hudi agarwik ako, ilup arigiluk, ininis dirup warupwak yiluk, yugeragagi.

Lukas 23:24

at okbaup yugogogwa ako Pilatus en anggon imbita dugwit ovara, “Sek aro,” yiluk, yugeragagi.

Lukas 3:19

Enaruk watya lagagimu, ap inis ombok Herodes akoen at aot ogwa Herodiana ndiyalogo hidigya, eke, yi weyak ndi weyak wisane ogarit lagya, ogagya lagagimu, Yohanes en “Hat ogo weyak,” yiluk mberogogi.

Lukas 9:7

Ogarit lagwi ako it avakwa en inigu lagagwarik, Yesus andi sa yiluk, it ninen “At andi, at Yohanes Herodes en mondok watigirikmu hambuluk bisa lendagwima en iluk akluk, mendek yagas ai,” yugwi, eke, it ninen, “Dek. Ap navi endak welagagi Elia ako sigam aga ai,” yugwi, eke, it ninen, “Dek. Ap muk Ala en yugirigya hegek yugurugu lagagwa navi-navi akoma menda ambi iluk akluk, mendek yagas o,” yugwi, yagan lagwi ako ap inis ombok Herodes ako aruk hunggu lagagirik, endawi obak agagi.

Lakbogogi Wene 23:26

“Hinis mondok siyalek agindik nenasin Gubernur Velikis wa. An Kolaudius Lisias en wene ambi yukhisogon.

Lakbogogi Wene 24:27

Anderogo ogagya lagagimu, tahun mberen okbaluk, at Velikis avoloma Perikius Vetus mondok okbagagwa. Eke, at Velikis en, “It Yakuri enendawi hunik nombarupwak o,” yiluk, Paulus heda mago ako visilogo wibagetek hegek winggigi.

Lakbogogi Wene 26:30

Yugugu lagagimu, enasin inis ombok Agiripa ako inim, enasin Gubernur ako inim, hwa Berenike inim, it avakwa horaik welagagwa ako inim, ovok mendok yiluk,

Lakbogogi Wene 4:27

“Yagagi ako, o kota yoma it Herodes inim, Pondius Pilatus inim, it weram Yakuri dek menda inim, it Iserali menda inim, iren Hat hayeloman Endawi Sek Adik Denek Yesus, Hat denogo mondok okbagagin ako, At warogo bapwak yiluk avyarat o kota yoma homagagwa.